بسم الله
بعد ما حكيت لتيتة كل حاجه حصلت
ليه زعلت منى جدا ولكن قلبها الطيب سامحنى وقفت ورحت اوضتى وافتكرت زكريات كتير حسيت بالأمل من جديد وانى لسه صغيرة في الجامعه وليه لاء انا هشتغل وهقف على رجلى من تانى وهبنى نفسي
بس اكمل من غير ما حقي يرجع استسلم ولا انتقم محتارة مش عارف اعمل ايه هنساه دلوقتى مؤقتا بس
هرجع نفسي واقوى همحى شكلى إلى هو اتسببلى فيه وقفت قدام المرايا
اتغيرت كتير فين جمالى وشبابي
من انهارده ههتم بنفسي واغير لبسي للبس جديد وشعرى وكل حاجه غيرت هدمى وخرجت
تيته .. راحه فين يا ياسمين
ياسمين .. هرجع نفسي يا تيته
تيته .. برافو يا حبيبتى بس ما تنسيش حقك
ياسمين .. عمرى ما هنسي
روحت الكوافير عملت شعرى وكل حاجه اكيد غبت في الكوافير كنت محتاجه شغل كتير وطلعت قمر احلى من الاول الخطوة التانيه الملابس
روحت المول واخترت اللبس من كل حاجه
رجعت البيت شفت في واحد واقف مع تيته قربت منهم وكان يوسف شكله اتغير وسيم ملامحه هادئه
ابتسم ليه افتكرت انى احرجته بكلامى كان لازم اعتزر
ياسمين .. يوسف انا اسفه على كلامى البايخ معاك
يوسف .. ولا يهمك المهم انتى كويسه
ياسمين .. الحمد لله بخير
يوسف .. طيب استأذن انا وهستناكى في الشغل بكرة
مشي يوسف وجواه اتولد الامل من جديد
في ايه يا تيته شغل ايه
تيته .. أيوة هتشتغلي مع يوسف انا اعرفه كويس وانا بعت ليه وطلبت من انك تشتغلى معاه
ياسمين .. ليه كده يا تيته الاحراج ده
تيته .. ولا احراج ولا حاجه يوسف ده الوحيد الى كان بيسأل عليه وبيهتم بيه
ياسمين .. ربنا يوفقه في حياته هو متجوز يا تيته
تيته .. لا يا روح تيته
بتسألى ليه
ياسمين بكسوف .. ايه يا تيته بسال عادى
تيته .. طيب يلا عشان اتفرج جبتي ايه
ياسمين .. يلا يا حبيبتى
من بعيد بيبص عليها وفرحان جه صاحبه من وراه
على .. لا دحنا رجعنا تانى
يوسف .. وبعدين معاك
على .. ولا قابلين يا صاحبي انا اتمنالك كل خير
يوسف .. طب اعمل حسابك هى هتشتغل معانا من بكرة
على .. هتشتغل معانا مش عندنا
يوسف بتحذير .. معانا يا على
على بمرح .. خلاص معانا انا اتمنالك كل خير يا صاحبي
يوسف .. طب يلا امشي من جهز المكتب بتاعها
على .. وماله كل عشان خاطرك
جهز المكتب وكان جميل جدا عشان ياسمين
تانى يوم لبست ياسمين وكانت متوترة جدا مش عارفه ليه
تيته .. هتفطرى الاول
ياسمين .. لا يا تيته انا خايفه اوى
تيته .. من ايه
ياسمين .. مش عارفه اول مرة اعمل حاجه لنفسي وبعدين يوسف كل ما يشفنى بصته غريبه
تيته .. غريبه ازاى
ياسمين .. يووووه يا تيته مش عارفه
تيته .. طب يلا على الشغل مش عايزين كسل من اولها
ياسمين .. حاضر ادعيلى
تيته .. بدعيلك دايما
وصلت ياسمين ويوسف مراقبها من شباك مكتبه
على .. ها وصلت
يوسف .. أيوة وصلت
على .. طيب هروح اقابلها بقا
يوسف بلهفه .. لا خليك انا إلى هقبلها
على .. يوسف ااقعد مكانك انا هقابلها
يوسف .. طيب بس براحه عليها هى لسه في الأول
على .. حاضر في حاجه تانيه
يوسف .. لا يلا روح
مشي على وهو عازم على أنه يجمعهم سوا
على .. اهلا وسهلا مدام ياسمين
ياسمين .. اهلا بيك
على .. اتفضلي معايا اوريكى مكتبك
ياسمين .. اوك
على .. هو انتى منفصله
ياسمين .. أيوة بس لسه في شويه إجراءات
على .. زى ايه اسمحيلي انى بسألك
لو في حاجه اساعدك فيها
ياسمين .. متشكرة جدا انا مأجله الموضوع ده لبعدين
على .. اسمحيلى انا من رأي بنا انك بعدتى تقفلى خالص اى حاجه متعلقه وراكى عشان ترتاحى
فكرت في كلامه فعلا معاه حق
انا لازم اقفل على إلى فات نهائى
ياسمين .. معاك حق
على .. تحبي اساعدك في حاجه
ياسمين .. لو احتاجت هقولك
على .. وانا موجود في أي وقت
عجبها المكتب جدا ابتدت شغل على طول الحماس اتولد جواها بتشتغل بكل نشاط وهى لسه في الأول
كل ده ويوسف واقف قدام الباب
بيبص عليها ومبسوط بنشاطها والضحكه المرسومه على شفايفها
وقفت ياسمين عشان تمشي لقته قدامها
ياسمين بخضه .. في حاجه يا استاذ يوسف
يوسف .. يوسف بس بلاش استاذ
ياسمين .. بس احنا في الشغل
يوسف .. انتى غيرهم
ياسمين .. ايه بتقول ايه
يوسف .. بقولك انتى غيرهم كلهم
ياسمين .. ليه حضرتك
يوسف .. عشان بحبك
سابها ومشي من غير ما يشوف رد فعلها
مشيت ياسمين .. هو انا سمعت صح ولا بيتهيألى مش معقول
على ... في وشها كده بحبك يا شيخ حرام عليك البت لسه طالعه من جواز
وانفصال
يوسف .. ما اعرفش هى جت كده
على .. ربنا يستر
روحت ياسمين قلبها بيدق بسرعه
لو كان إلى قاله حقيقه فأنا هرفض مشاعرة
عدت أيام حصل فيها الانفصال بعتلها مروان ورقه طلاقها استقبلتها بفرحه ولكن في حاجه حزينه جواه
من يوم يوسف ما قلها بحبك وهو مختفي يا ترى راح فين
قابلت على
ياسمين .. ممكن أسألك سؤال
هو استاذ يوسف فين
على .. بتسألى ليه لو في حاجه في الشغل عايزة تعرفيها انا موجود مكانه
ياسمين بكسوف غافله عن نظراته الماكرة .. لا مفيش
على .. وآله الدنيا بينها هتضحكلك يا يوسف
ياسمين .. ايه إلى انا هببته ده وانا مالى بيه
تليفون على رن .. الو أيوة يا يوسف
.. حاضر عنيه .. تمام .. بقولك مدام
ياسمين بتسأل عليك
يوسف .. احلف بالله
على .. والله العظيم بتسأل عليك
يوسف .. انا نازل حالا
على .. يااابنى اصبر
يوسف .. اخرس يا على انا جاى
قراءه ممتعه للجميع
ما تنسوش الفوت والكومنت
البارت الجاى الاخير
🌷🌷🌷🌷
