بسم الله
أحبت كل شئ يقدمه لها ايام وليالى
من الحب والرومانسيه لم تتوقع كل
هذا القدر من السعاده
ياسمين .. انا حاسه انى بحلم مش ممكن يا مروان انت طلعت رومانسي اوى
مروان بفخر .. هو انتى لسه شوفتى حاجه حياتك كلها هتبقي هنا معايا
ياسمين .. ربنا يخليك ليه يا حبيبي
مرت الايام سريعه عادت إلى أرض الوطن بعد قضاء اجمل شهر عسل لم تحلم به
وياليتها لم تعد
مامت مروان .. اهلا وسهلا نورتى بيتك
ياسمين .. بنورك يا طنط
مروان .. ازيك يا ماما
مامته .. كويسه اطلع ارتاح من السفر اكيد تعبان
مروان .. فعلا تعبان جدا
بصت لياسمين .. يلا يا عروسه من عوايدنا اول دخولك البيت ناكل من ايدك
ياسمين بكسوف .. حاضر يا طنط
بس هغير هدومى اول
مامت مروان .. من اولها بتعصينى
والله عال
ياسمين بحيرة .. ليه يا طنط كده انا تحت امرك انتى في مقام والدتى
الاكل هيكون جاهز حالا
ما هذه الحياه تتوالى الايام والليالي بروتين واحد فقط وهو والده مروان
المتحكمه فى كل شئ يخص حياتها
والغريب أن مروان لا يعترض على شئ نهارآ ترضي والدته وليلا هو
غير مسموح لها بالاعتراض فتسمى
قليله الحياء والتربيه
واقفه في بلكونه غرفتها
الشارع برا ساكِت تمامًا، كُنت مبسوطة جدًا إن المطر توقَّف، السما كئيبة ولونها رمادي مُقبِض، بصيت على برك المية الصُغيَّرة الموجودة في الحديقة الأمامية للبيت، كان نفسي أسمَع صوت ورق الشجر وهو بيتكسَّر تحت عجل عربيته عشان قلبي يتطمِّن إنه وَصَل البيت، بس للأسف.. هو مش هيوصَل قبل الساعة ١مساءً.
كلماته القاسية اللي قالهالي إمبارح في المُكالمة اللي دارت بيننا لسَّه بترن في وداني: " بقولِّك رحلتي إتأجِّلت، أعمل إيه يعني؟ أنا أصلًا بقيت بكره آجي البيت بسببك! "
حسيت بالخوف من كلامه، اللي قاله دا كان أسوأ مخاوفي على الإطلاق، وعلى الرغم من إني دخلت على النت وشُفت إن رحلته طارت في ميعادها عادي ووصلت من ساعة تقريبًا، إلا إني كُنت عارفة إن الموضوع كُله مسألة وقت مش أكتر.
مش عايزة حد فيكم يفكَّر إني زوجة مجنونة، صحيح إني دخلت على الإيميل بتاعه أكتر من مرة وعرفت مواعيد شُغله وحقيقة اجتماعاته الوهمية اللي بيتحجِّج بيها، بس أنا عملت كدا عشان أنا بحبه، أنا بحِب جوزي أكتر مما أي فيكم مُمكِن يتخيَّل، وعشان كدا بعمِل نفسي مش واخدة بالي من ريحة البرفان اللي بقت موجودة دايمًا في هدومه في الفترة الأخيرة، قُلت هي مُجرَّد ليلة عابرة وخلاص مش هتتكرَّر، لكن الليلة تحوَّلِت لليالي، والليالي تحوَّلِت لأسابيع، والأسابيع بقت شهور مليانة برحلات عمل واجتماعات وهمية.
