في صباح اليوم التالي في الدار الايتام،،
كانت حوالي الساعه الواحده بعد الضهر
دخلت انا بعد ما عرفت ان البنات صاحيين خبطط عليهم الاوضه فقالت بصوت عالي ساره ...
ادخال فدخلت أصبح عليهم اليوم كنت متأخر عن ميعاد شغلي بسبب تعبي وضغطي العالي وبسبب اكتر ماللي بيحصل وبعرفه كل يوم في الدار دي
دخلت وقعدت معاهم وسألتهم وشوفتهم لو كانوا محتاجين حاجه فقالت لي يارا
يارا: لا شكرا ياعمو عاوزين سلامتك بس
فجوبت عليها وقولتلها اني انا اللي عاوز سلامتهم كلهم بس
يارا: عمو انا كنت مكلمه ماما ع موضوع كده اللي عرفتك بيه واحنا دلوقت هنلبس وننزل نروحوا بس عاوزه حضرتك بس تقول لطنط ام روحيه
فقولتلها اكيد طبعا انا هروح حالا ابلغها
وبالفعل روحت ابلغ السيده ام روحيه بأمر الچيم فكان ردها عليه..
ام روحيه: چيم ايه وهبل ايه ده ما يتلموا ويقعده يذاكره للأطفال اللي فوق بدل هما فالحين كده في السرمحه
فتعصبت انها بتقول عليهم انهم بيتسرمحوا فحولت افهمها براحه تاني أمر الچيم علشان مي وتخنها
ام روحيه: مش هيا اللي بتطفح كتير ولما بنقصلها من الاكل بتدايقه وتزعلوا مني
فقولتلها أن موضوع الچيم ده هيفيدها كتير ويارا استأذنت مدام كامله في الأمر ورحبت بالموضوع
ام روحيه: ااااه قولتلي ان الفكره دي فكرة يارا وش النصايب كلها بت مبتحبش تقعد في الدار ابدا
..ياريت متفضليش يا ام روحيه تقولي كلمة دار قدامهم كتير قولي بيت مفيهاش حاجه يعني
ام روحيه بسخريه: ماهما خلاص كبروا وعارفين انهم في دار ايتام وبيسأله كتير مدام كامله لكن مش بترضي ترد عليهم وبتوه في الحوار
..ماشي عارف انهم عارفين لكن لازم نخاف ع شعورهم لو سمحت يعني
ام روحيه: ربنا يسهل يا استاذ
..تمام انا هروح اقولهم انك عرفتي
ام روحيه: روح ياخويا ع الاقل ارتاح ساعه ولا اتنين من خلقتهم العكره دي
...............................................
في بيت معتز،،
معتز: يالا عاوزه حاجه ياماما
سميره: ايه ده انت هتنزل دلوقت!!
معتز: اه عندي شغل كتير انهارده وناس كمان جايين جداد عاوز احط كام حاجه للمبتدئين
سميره: ماشي بس ادخل سلم علي ابوك قبل ماينزل
معتز: ايه ده هو بابا صاحي
منصور: ايوه يا زيزو صاحي اهو تعالي لما اخدك بالحضن احسن انت واحشني اوي ومش عارف اتلم عليك
