صباح يوم جديد،،
استيقظت يارا قبل اي حد من اخواتها (ساره ومي)
واتجهت نحو السيده ام روحيه بالخارج واستأذنت منها أنها تتصل علي مدام كامله
أشارت السيده ام روحيه ليها بطرف أصابعها بالموافقه وبالفعل اتصلت يارا بكامله واخبرتها علي تغيير مواعيد الجيم وبعد تفكير طويل والحاح وافقت مدام كامله علي طلب يارا
فرحت يارا جدا وكانت باينه الفرحه فعيونها
علمت ساعتها بأمر يارا وأسرارها علي موضوع الخروج والچيم بالأخص وكنت حاسس من كلام مي معايه عن الشباب المتواجده في الچيم أن بدأت الفتيات يعجبون بيهم وكان باين عليهم بكلامهم عنهم معايه
أسرعت نحو يارا وسألت ما بيها ولكني اعرف
...: في ايه مالك فرحانه كده ليه علي الصبح
يارا: اصل ماما وافقت اننا نروح الچيم الساعه ٨ واحتمال يكون الاسبوع ده والجاي كل يوم
*استغربت من المواعيد وقولت لنفسي معقول فيه اشتراك فچيم كل يوم كده اللي اعرفه انه بيكون يومين تلاته في الاسبوع
يارا: اونكل مالك سرحت في ايه
...: لا مفيش ياحبيبتي بس كنت عاوز اعرف ليه هتروحوا كل يوم
يارا: مش عارفه هو الكابتن قالنا كده وبعدين احنا مش هنضغط علي نفسنا زي ما قالي هنجري نتمرن تمرين خفيف بس كده كله عشان خاطر مي عشان تتعود
فقولتلها ماشي واهم حاجه تاخدوا بالكم من نفسكم
بعدها يارا دخلت اوضتها والسيده سعديه حضرت ليهم الفطار بكل قرف كالعاده وبدأت الفتيات بتغيير ملابسهم وتجهيز نفسهم لدروس الاطفال المتواجده فوق في الدار وبالفعل تم تعليم اخواتهم الصغيرين بكل فرح وسعاده
وجاء موعد الغداء ...فدخلت عليهم السيده ام روحيه بكل عصبيه وقالت
ام روحيه: انا اتكلمت امبارح مع مدام كامله وبلغتها كل اللي حصل فموضوع الاكل وهي أثرت أنه يكون الاكل انهارده فول وطعميه وبطاطس محمره زي ما انتوا شايف كده عقاباً للي عملته امبارح علي الاكل
مي بنرفزه: لا بقي كده كتير اوي انا ازاي هتغدا كده
ام روحيه: احسن عشان تخسي شويه
يارا: لو علي انها تخس فدا اكل مش صحي علي الاطلاق ويتخن اوووي لكن ده مش ينفع يكون غدا لينا خالص واكيد هتخلوا كل يوم طبعا كعقاب
ام روحيه: اكيد طبعا هيبقي لمدة كام يوم عشان تتأمروه علي الاكل تاني
ساره: اوف بقي دي مبقتش عيشه خالص
ام روحيه: وانتوا تستهله انكم تعيشه اصلا احمدوا ربنا قولتلكم كذا مره أن مدام كامله الله يكرمها لمتكم من الشوارع
يارا: انتي مش هتبطلي بقي تقولي لينا الكلام الزفت ده محدش قالك اننا مش فاهمين حاجه لا فاهمين وحاسين لكن مفيش في ايدينا حاجه نعملها ورضينا بقضاء ربنا لينا لكن انتي لازم كل يوم تسمعينا نفس الكلام
