في المساء،،
قدام الچيم،،
أدهم: اوعي تكوني تعبانه !!؟
ساره: لا خالص وربنا!!
أدهم: طب انا ممكن اوصلكم بالعربيه عادي انا كده خلصت شغل خلاص وعلي السكه يعني""
ساره: ها لالا مش هينفع..
أدهم: مش هينفع ليه انتي مش واثقه فيا!!؟
ساره: مش قصدي كده والله بس عشان محدش يشوفنا واحنا نازلين من العربيه ويحصلنا مشاكل
أدهم: ما انا ممكن انزلكم علي اول الشارع بس
معتز: خلاص يا أدهم سبهم براحتهم
مي: متشكرين اوي ياكابتن أدهم لزوق حضرتك
أدهم: العفو يا مي علي ايه والله انا كنت حابب اوصلكم بس
مروان: ياعم فكك العربيه ممكن تعطل منك فالسكه
مي: والله!!
معتز: طب ابقي خلي يارا تطمني عليها يا ساره يعني عشان اعرف هي هتيجي معاكم بكره ولا لأ
ساره: تمام!! عن اذنكم
أدهم: مع السلامه
....
مشيت ساره ومي واتجه نحو دار الايتام لديهم
.....
أدهم: ايه اللي انت عمال تقوله ده لمي كل شويه
معتز: ايوه خف حبه يا مارو مش كده
مروان: وايه اللي انتوا عملينه ده علي البنات دي
أدهم: ياعم انت شغلك ايه!!؟
مروان: انا مش شغلني بس مستغرب المعلم ده هيموت ويطمن علي البت اللي اسمها يارا دي وانت هتموت وتوصل التانيه اختها في ايه
معتز: اولا انا مسمحلكش تقول البت تاني اظن انك عرفت اسمها ثانيا دي حساسها غير اي واحده انا اتعاملت معاها قبل كده
أدهم: وبالنسبه ليا انا بقي كنت قايلك امبارح وانا بصراحه معجب بيها اوي وبطريقتها وشكلها وكل حاجه فيها
مروان: يا سيدي يا سيدي
معتز: انت كمان وقعت
أدهم: زيك بالظبط
معتز:هههههه طب وهنعمل ايه ياصاحبي
مروان: طب امشي انا بقي عندي شغل كده ساعتين اشوفكم بكره
أدهم : ماشي يامارو
معتز: سلام يا مارو متتأخرش بكره
مروان وهو بيشاور بأيديه: ماشي سلااااااام
......
أدهم: هنعمل ايه تفتكر .. اقولها أني معجب بيها ولا هتصدني
معتز: لالا مش بالسرعه دي اتقل حبه لما تشوف تصرفاتها ايه من نحيتك ولو لحظت اي حاجه اتجاهك ابقي اعترفلها بكده
