ذهب حمزة لرؤية ادم
ادم : اهلا وسهلا بصديقى العزيز
حمزه بحزن : ادم انا ..
ادم بغضب : انت ايه ها انت ايه اقولك انا انت ايه انت اوسخ واحد شوفته فى حياتى انت ازاى تعمل كده فى بنت عمك الى هى المفروض فى مقام اختك .
حمزه : يا ادم ارجوك افهمنى انا عملت كدا لانى كنت مفكر انى كدا بنتقم من عمى .
ادم بغضب : حتى لو كان عمك عمل كدا فعلا انت ازاى تفكر تنتقم من واحده بريئه زى نور وتكسر قلبها تعرف لو مكنتش لحقتها يوم ماهربت كان زمان رجالة ابوك خلصوا عليها .
حمزه بدموع تهدد بالنزول : انا عارف انى غلطان ووسخ كمان بس حط نفسك مكانى انا شوفت امى مقتوله قصاد عينى كنت مستنى منى اعمل ايه .
ادم بجديه ممزوجه بالغضب : كنت تطبق القانون ياسيادة الرائد مش تنتقم من بنت عمك .
حمزه بندم : كفايه بقى يا ادم انا بتعذب كل يوم ومش عارف اسامح نفسى .
ادم بجديه : كويس ان لسه عندك ضمير بيعذبك .
حمزه بحزن : سامحنى ياصاحبى .
ادم بحزن : خليها للوقت جايز اقدر اسامحك وانسى الى عملته .
حمزه بقهر : ارجوك يا ادم متعذبنيش اكتر من كدا عشان خاطرى ، بلاش خاطرى عشان خاطر نور .
ادم بتنهيده : خلاص ياحمزه مسامح .
حمزه بفرحه : طب قول والله كدا .
فقام ادم بلكمه فى وجهه بقوة وقال : والله .
حمزه وهو يفرك وجهه من شده الالم : اااااه ايدك لسه زى ماهيا تقييييله .
ادم بجديه : دا عشان قربت على حاجه تخص الاسد .
حمزه بمرح : وحشتنى والله يا اسد ووحشتنى ايامك والعمليات الى كنا بنطلعها سوا ؛ مش ناوى ترجع جهاز المخابرات تانى ؟
ادم بتنهيده حزن : انت عارف يا حمزه ان دى كانت رغبة والدتى قبل ماتموت انى امسك شغل والدى عشان الوريث الوحيد للعيلة
حمزه بتفهم : عارف ياصاحبى وان شاء الله خير وتقدر ترجع للجهاز .
ادم بتهكم : خيالك واسع اوووى.
حمزه بتقرير : ولا واسع ولا حاجه بس متنساش انت مين ودورك كان ايه فى الجهاز .
ادم بتنهيده : دا كان واجبى .
حمزه : صدقنى يا ادم حتى لو انت قدمت استقالتك وانسحبت من الجهاز فالجهاز والدولة مش هتقدر تستغنى عنك يا أسد ثم غمز له فضحك ادم على كلامه ثم قال : المهم بقى العروسه ها العروسه ثم ضغط على الكلمه حتى يجعله متوترا .
حمزه وهو يبلع ريقه : اصل انا كبرت بقى ووصلت ٣٠ سنه ولازم اتجوز ولا ايه
ادم وهو يلكزه فى صدره : على بابا ياض
حمزه بضحك : هههههههه هو مفيش حاجه بتعدى من تحت ايدك خالص .
ادم بضحك : تقدر تقول كدا واتفضل قول.
حمزه بهيام : كارمااا.
ادم بتذكر : دى زميلة نور مش كدا
حمزه بجديده : ايوا .
ادم بفرحه : يبقى الف مبروووووك ياصاحبى .
حمزه وهو يحتضنه : الله يبارك فيك ياحبيبيى والف مبروك عليك نور انت تستاهلها فعلا ومش محتاج اوصيك عليها طبعا .
ادم بعشق : نور دى قلبى وروحى ياحمزه .
حمزه بضحك : الله عليك ياعم الرومانسى .
فلكزه ادم وقال : برا ياض مشوفش وشك هنا تانى .
حمزه بضحك : طب براحه متزوئش طاااااب.
ادم بجديه : عدى عليا بكرا فى الشركه عشان نجهز للفرح .
حمزه : تمام ياكبير .
ثم غادر حمزه على وعد بلقاء ادم غدا .
