روايه صدفه

الفصل التاني من روايه صدفه
ادم/ انتي بتكلميني انا كدا؟؟!!😠
خديجه/هو انت شايف حد غيرك موجود يعني غلطان و كمان بتتعصب عجايب والله
ادم/و انتي بقا يا حلوه عارفه بتكلمي مين ولا بتخبطي كدا وخلاص
خديجه بعند/معرفش و مش عايزه اعرف انت الغلطان مش اناا
ادم/ انتي مراسله مش كدا
خديجه/ ملكش دعوه اصلا
و لسه تسيبه و تمشي راح شدها و وقفها مكانها تاني
ادم بحده/ متعرفينيش بس اوعدك هتعرفي انا مين قريب و ساعتها مش هرحمك و هدفعك تمن كل كلمه اتقالت دلوقتي عشان متبقيش تتسحبي من لسانك و سابها و مشي
خديجه لنفسها/ هيكون مين ياعني تلاقيه بيقول اي كلام و خلاص اصلا طب انا هعمل ايه دلوقتي ف الفستان دا انا ادخل الحمام احاول اخفيها و خلاص دخلت خديجه و لقت حاجه ساعدتها تخفي البقعه شويه
في احد اركان مكان الحفل
عمر/ خود هنا بس تعالي شكلي هفرح فيك قريب😂
ادم/ تقصد ايه مش فاهم
عمر / فاكرني نايم علي وداني مين القمر ال كنت واقف معاها مش طبعك يعني
ادم/ واحده طولت لسانها و هعلمها درس عمرها ان شاء الله
عمر/ ايييه دا يعني لاقيت اخيرا ال مش هتموت عليك
ادم/ لا اراديا ابتسم لما افتكر كلامها و عصبيتها
عمر/ والله شكلك لاقتها ياريت متنساش وعدك انت قولت لما تلاقيها هتفكر ولا انت شكلك وقعت اصلا والا ايه😂
ادم/ عمممر بقولك ايه شكلك فايق و رايق صحيح هي همس فين؟! (همس تبقي خطيبه عمر)
عمر/ همس محتاسه في ترتيبات كتب الكتاب و الفرح انا انهارده والله جاي بالعافيه
ادم/ ربنا يفرحكوا ببعض ياا ياااا عم رووميوو😂
عمر/ مش هرد عليك
و هنا ابتدت الحفله و بدأت خديجه تنتشر ف كل حته و بدأت كمان تدخل في حوارات مع الضيوف
بعد كذا حوار مع كذا ضيف قررت تختم بأصحاب الحفله بدأ بشركه المصري

خديجه كانت ملاحظه من الاول وجود عمر من البدايه من قبل وجود ادم كمان و عرفت من الموجودين انه شريك في شركه المصري فقررت تبدأ معاه
خديجه/ مستر عمر تسمح نبدأ الحوار
عمر بأبتسامه/اكيد اتفضلي
خديجه/ تمام احكيلنا يا فندم اكتر عن المشروع الضخم ال بين شركه الحديدي و المصري و اد ايه هيساعد كتير في مجال الاعلام
عمر/ فالحقيقه ان اتحاد شركتين في ضخامه الحديدي و المصري دا لوحده كفيل علي نقل الاعلام المصري حته تانيه دا غير اننا حاطين خطط مستقبليه كتيير جداا
استمر الحوار بين خديحه و عمر لمده عشر دقايق
بعد الحوار ما خلص
خديجه/ انا عارفه ان فيه شريك تاني لشركه المصري بس انا معرفش شكلو و الحقيقه هو كمان محتاجين نعمل معاه حوار
عمر/ اه  ادم كان و لسه مكملش ادم قاطعه
ادم من ورا خديجه/ بتسألي عني
خديجه بعصبيه/ لا طبعا هسأل عليك انت ليه ان شاء الله ثم توجهت الي عمر/ لو سمحت قولي بسرعه مكان الشريك التاني خليني اتحرك من هنا
عمر بيحاول يكتم ضحكه/ احم هو في الحقيقه الشريك التاني يبقي ادم و بيشاور بعنيه عليه
خديجه بصدمه/ ايه؟؟؟!😯 و لفت لادم
خديجه/  هو انت ادم الشريك التاني لشركه المصري!!!
ادم ببرود/ اها هو انااا ها عرفتي انا مين و هيحصل فيكي ايه
خديجه بعند/ ولا حاجه علي فكره انا مغلطش انت الغلط و حتي لو كنت عارفه انت مين كنت هعمل كدا برضو اه صحيح انا خلاص عملت الحوار مع مستر عمر كفايه و مشيت
ادم بيبصلها بعصبيه و عمر بيحاول يكتم ضحكته علي ادم
ادم/ م تتلم انت كمان بقا و الله ل موريها اصبري عليا
عمر/ من اولها كدا خليتك تكلم نفسك.
ادم/ امشي يا عمر من هنا
عدا وقت طويل و الحفله خلصت عمر روح و ادم كمان روح و هو بيتوعد ل خديجه و خديجه روحت لقت ندي مستنياها ف بيتها
اول م خديجه دخلت البيت
ندي/ ها عملتي ايه كنتي زي القمر علي فكره جداااا ايه الاخبار انبسطي
خديجه/ بااااس استني اخد نفسي طيب😂
سمر/ حمد الله علي السلامه يا حبيبتي كنتي زي القمر
خديجه/ الله يسلمك يا ماما ياحبيبتي
سمر/ هعمل عشا عقبال م تغيري و نتعشا كلنا سوا
ندي و خديجه/ ماشي
خديجه/ الحفله كانت حلوه اوي و كنت مبسوطه بشغلي فيها بس
ندي / بس ايه ؟!
خديجه/ شديت مع واحد و مسحت بيه الارض و في الاخر طلع ادم المصري
ندي/ طلع مين يا عنايا😂
خديجه/ الله م هو الغلطان انا مالي انا دلق علي الفستان القهوه
ندي / و بعدين؟؟
!خديجه/ هو حالف ليعلمني درس عشان الرد الرديته عليه
ندي بقلق/ ربناا يستر
خديجه/ ايه ي ندي انتي خايفه ولا ايه واحد غلط و رديت عليه ايه بقا يعني هو اصلا تلاقيه بيهوشني
ندي/ يارب يلا غيري هدومك عشان نتعشي عشان انا جوعت و انا مستناكي علي فكره😂
خديجه/ طيب ولا بيبان عليكي معرفش بتودي الاكل دا كله فين😂
ندي/ طب يلا يا محترمه يلا😂
في غرفه ادم
كان في سريره يحاول النوم و لكنه لم يستطيع كان يفكر في هذه الحوريه التي استطاعت ان تخطف انظاره فهي اول من تجرأت بهذه الطريقه عليه
ادم لنفسه/ مش هتنازل عن حقي برضو و هاخده ف الوقت المناسب
في اليوم التالي
خديجه صحيت خدت دوش و قابلت ندي كان يومها طويل شويه كان وراها كليه و بعديها تدريب و ندي كمان كان وراها محاضرات و بعدين كورس
خديجه/صباح الخير يا ماما
سمر/ صباح النور يا حبيبتي خلاص نازله
خديجه/ اه يا حبيبتي عايزه حاجه
سمر/ لا خلي بالك من نفسك
خديجه/ ماشي بااي
سمر/ باي يا قلبي
قابلت خديجه ندي و كالعاده كل واحده راحت كليتها
في مكتب ادم ادم اعد علي مكتبه بيبص علي ورق شغل الباب بيخبط
عمر/ صباح الخير ايه اخبار الباشا لسه بيكلم نفسه من امبارح😂😉
ادم/لم نفسك طيب
عمر/ ادينا سكتنا اهو بس انا عارف نهايتها علي فكره اسمع مني😂
ادم/ بقولك ايه م تحل عن دماغي شويه بقا مش كفايه جاي متأخر كنت فين يا بيه كل دا
عمر/ كنت بستلم انا و همس الفستان بتاع الفرح يارب يقا يا ادم بحلم بيوم فرحنا انهارده قبل بكره والله
ادم/ خلاص اهي هانت يا معلم
عمر/ اه
و رن فون عمر
عمر/الو يا حبيبتي
ايه دا مش دا موبيل همس
مستشفي؟! ليه حصلها ايه؟ طيب طيب انا جاي حالا
ادم/ خير مستشفي ايه؟
عمر/ معرفش يا ادم واحد بيقول همس عملت حادثه و جري عمر
ادم/ استني يابني جاي معاك
في المستشفي وصل عمر و ادم و عرفوا ان همس ف اوضه العمليات فضلو ساعه تقريبا لغايه م الدكتور خرج
عمر بلهفه شديده/ هااا ياا دكتور همس عامله ايه
الدكتور بأسي/ للاسف البقاء لله

نهايه الفصل التاني
يا تري عمر هتكون حياته عامله ايه بعد موت همس؟!
و يا تري ادم ناوي لخديجه علي ايهو امتي؟!
دا الهنعرفه الفصول الجايه ان شاء الله

عالمك الخاص💪
بقلمي/ هدير انور