روايه صدفه

روايه صدفه(الفصل التاسع)

الفصل التاسع
روايه صدفه
خديجه/مبروك فرحتلكوا انتو فعلا لايقين علي بعض
خديجه قالت الجمله دي و راحت علي مكتبها مستنتش رد منهم
ادم/ليه كدا ي تاليا مكانش ليه لزوم علي فكره
تاليا/ليه بقا م كدا كدا الكل هيعرف فيها ايه
ادم/طيب ياريت نبتدي نشوف شغلنا بقا
و سابها ادم و مشي
في مكتب ادم
عمر/ايه بقا الحصل دا و ازاي توافق اصلا
ادم حكا ل عمر كل حاجه
عمر/ي خبر د انت ادبست طب و عمو عامل ايه دلوقتي
ادم/عمر كويس ي خويا انا الدبست زي م بتقول كدا المشكله اني مكنتش عايز خديجه تعرف علي الاقل دلوقتي لغايه بس متصرف
عمر/ و اشمعنا خديجه بقا اعترف ي ادم انك حبيتها
ادم/ايوه ي سيدي حبيتها بس الاعتراف جه متأخر
عمر/ولا متأخر ولا حاجه ان شاء الله هنشوفلنا مخرج من موضوع تاليا و مدخل لموضوع خديجه
ادم/يا رب يا عمر
في مكتب خديجه
ندي/ايه ي بنتي مضايقه ليه
خديجه/مش مضاايقه علي فكره هضايق ليه.
ندي/دا شكل واحده مش مضايقه و بعدين قولي الكلام دا لحد تاني انا حفظاكي زي اسمي و بعدين انتي مشوفتيش نفسك تحت ولا ايه
خديجه/ عامل ازاي يعني م انا عادي اهو و بعدين يلا بقا عشان نبدأ شغل
ندي/ماشي ي خديجه هروح مكتبي بس كلامنا مخلصش لسه
في مكتب تاليا
حمزه/ضربه معلم بس قوليلي بقا عملتي ايه عشان توصلي ل كدا
تاليا/اسمع بقا و اتعلم
فلاش بااك
في بيت ادم
تاليا/ازيك ي عمو عامل ايه
امجد/ازيك يا حبيبه عمو ايه المفاجأه الحلوه دي
تاليا/اه خلصت شغلي بدري فقولت اعدي عليك بقالي كتير مشوفتكش
امجد/يا حبيبتي ربنا يخليكي اومال ادم فين.
تاليا/ادم في الحفله بتاعت خديجه اصلها كانت تعبانه شويه و عاملينلها حفله بمناسبه رجوعها
امجد/غريبه اوي ادم عمره م راح حفلات لحد غير عشان الشغل
تاليا/والله ي عمو انا خايفه علي ادم منها ماشي وراها تقول شمال شمال يمين يمين اول مره اشوفه كدا ف حياتي حتي تعرف اليوم ال باته بره البيت دا كان معاها ف المستشفي
امجد/كمان كان بايت معاها هناك لا د التغير بجد بقا
تاليا/يا ريت علي التغير و بس دي بتدخل ف كل تفاصيل الشغل و مبوظه الشغل علي الاخر و هو ولا هنا كل همه ينفذ كلامها و خلاص
امجد/طيب ي بنتي شكرا انك نبهتيني و انا هتصرف و هعمل اي حاجه عشان ابعده عنها
تاليا/ماشي ي عمو انا لولا خايفه عليه مكنتش قولتلك بس انت عارف انا بعز ادم ازاي انا همشي بقا عشان متأخرش
امجد/ماشي ي حبيبتي مع السلامه
تاليا/سلاام
باااااك
حمز/دماغ ابليس
تاليا/م انا مش هقف اتفرج علي ادم بيضيع و اسكت
حمزه/ماشي اما نشوف اخرتها
في مكتب خديجه
خديجه بتحاول تركز ف الشغل بس مش عارفه و متعصبه جداااا من انها مضايقه بسبب خطوبه ادم
خديجه لنفسها/مالك فيه ايه فوقي كدا ايه ال مضايقك ف انه هيخطب اوعي تكوني...
لا لا مفيش الكلام دا دا جنان انتي طول عمرك بتقولي ان الحب و الارتباط دا تضيع وقت طول عمرك قافله علي قلبك و مبتسمحيش لحد يسرقه مالك بقا دلوقتي ثم ظفرت بعصبيه انا علي فكره مش مضايقه ولا حاجه انا بس اتفاجئت عادي يعني.
الوقت عدا عادي و كل واحد ف مكتبه بيشوف شغله لغايه م جه وقت البريك
في مكتب خديجه
ندي/ها خلصتي
خديجه/روحي استنيني ف الاستراحه و خمس دقايق و جايه
ندي/ماشي
في الاستراحه ندي دخلت و اعدت
و بعديها دخل عمر
عمر/ممكن اقعد
ندي/اه اكيد اتفضل
عمر/امبارح كانت الحفله لطيفه اووي
ندي/اه الحمد لله طلعت زي م كنا عايزين و خديجه انبسطت
عمر/اها واضح ان انتي و مازن ساعدتو بعض كتير
هنا ندي حست انه كان مضايق من مازن او الحصل امبارح
ندي/احم اه الحقيقه هو مازن صاحب الفكره اصلا
عمر/حقيقي؟!
ندي/اه هو قالي علي الفكره و عجبتني