روايه صدفه

روايه صدفه(الفصل السادس)

الفصل السادس
روايه صدفه
اليوم عدي عادي و عمر كان بيحاول يتجنب ندي و خديجه مش طايقه ادم بس كلو خلص شغله و روح بدري بالذات ادم و خديجه عشان يستعدو للسفر لان طيارتهم الساعه10 الصبح
في اليوم التالي
في المطار
خديجه و ادم اتقابلو هناك
خديجه بقتضاب/صباح الخير
ادم/صباح النور الهانم كانت نموسيتها كحلي ولا حاجه متأخره ليه
خديجه/مش متأخره و ياريت نتحرك بقا
ادم/انا مباخدش اوامر من حد يلا اتفضلي
ركبو خديجه و ادم الطياره و وصلو الفندق
ادم/فيه حجز بأسم ادم المصري و خديجه الدالي
الريسبشنيست/اه يا فندم
ادم/شكرا
ادم و خديجه طلعو
ادم/قدامك ساعه تعملي فيها ال انتي عايزاه قبل م نبدأ شغل
خديجه/طيب

في شركه المصري
ندي داخله الشركه و ركبت الاسنسير بس اتفاجئت بوجود عمر
ندي لنفسها/طب اكمل الحوار دلوقتي ولا الوقت مش مناسب لا انا استني شويه بس هسأله هسأله م انا لازم اعرف حكايه همس دي ايه
عمر واقف بوجه جامد مفيهوش اي تعبيرات
لغايه م الاسنسير وقف و كل واحد راح علي مكتبه
في شرم
عدت الساعه خديجه كانت رتبت حاجتها و خدت دووش و لبست تي شيرت خفيف موڨ و بنطلون چينز تلجي و طرحه بيضه ف موڤ و كوتش ابيض
في اوضه ادم
ادم جهز و شاف ان الساعه عدت فقرر انه يخبط عليها
باب خديجه بيخبط و خديجه فتحت
ادم/هو انتي اتأخرتي ...
ادم كان اول مره يشوف خديجه بلبس كاچول كان دايما بيشوفها فورمال ف الشركه كان معجب بشكلها اووي
خديجه/متنح كدا ليه علي فكره انا متأخرتش و لا حاجه و يا ريت يلا بقا و خرجت خديجه و نزلت هي و ادم اليوم دا كل كان اجتماعات و الشغل
في شركه المصري
ندي فضلت في مكتبها لغايه وقت البريك و كانت بتتمني تشوف عمر هناك عشان تكمل معاه الحوار ال خديجه قطعته
ندي راحت استراحه الشركه لقت عمر اعد قررت تروحله
ندي / مستر عمر... قاطعها عمر
عمر بحزن/اقعدي يا ندي انا عارف انتي عايزه ايه الحقيقه همس كانت خطيبتي و حبيبتي كان باقي علي فرحنا اسبوعين بس و بعدين
(سكت عمر شويه كان بيحاول يستجمع قوته)
و بعدين عملت حادثه و ماتت
ندي بأسف علي حاله عمر/طيب اهدي يا مستر عمر هي بقالها اد ايه
عمر/سنه
ندي لنفسها/ياااه هو فيه حد بيحب حد كدا دا بيتكلم و متأثر زي م يكون لسه ميته انهارده
عمر/روحتي فين يا ندي
ندي/لا ابدا معاك بس يعني هو انا ايه علاقتي بالموضوع دا؟!
عمر/الحقيقه انتي شبه همس شبها ف كل حاجه شكليا
ندي/مش معقول ازاي
عمر/مش عارف حتي بصي دي صورتها
ندي بذهول/دي فعلا شبهي بالظبط
عمر/اه متعرفيش اد ايه كنت بتمني تطلع انتي
ندي/احم انا متردده بس يعني
عمر/قولي ي ندي
ندي/يعني حابه نكون اصدقاء مثلا يعني بلاش تكون علاقتنا متوتره
عمر بتفكير/تمام يا ندي
نروح بقا لشرم بعد ساعات طويله من الشغل و الاجتماعات
في الفندق
خديجه/ياااه بجد مش طبيعي الصداع دا كان يوم طويل
ادم بأرهاق/ فعلا هو كان يوم طويل اووي
جلسوا ادم و خديجه علي احد البارات علي البيسين ال ف الفندق
خديجه/انا هروح اجيب حاجه اشربها
ادم/ماشي
خديجه راحت/لو سمحت عايزه واحد قهوه
الوايتر /اتفضلي
خديجه/شكرا
و هي في طريقها للتربيذه قابلت دكتور كريم
(ال هو اول حد عملت معاه انترڤيو ف المستشفي)
كريم/مش معقول خديجه
خديجه/دكتور كريم ازيك
كريم/بخير ياااه مبروك علي نجاحك كنت متأكد علي فكره انك هتوصلي لحلمك و متنسيش اني وش السعد ولا ايه😂
خديجه بضحك/طبعا يا دكتور اكيد 😂
كل دا تحت انظار ادم المحتقنه
كريم مشي و خديجه رجعت ل ادم لسه هتقعد لقت ادم ساحبها وراه من دراعها بعنف
خديجه بغضب/انت اتجننت ولا ايه غبي سيب دراعي اااه
فضلو علي الحال دا لغايه م وصلو قدام اوضهم
ادم سابها بعنف/و الهانم بقا ان شاء الله جايه هنا تشتغل ولا تدلع
خديجه بعصبيه/شكلك كدا اتجننت هو انت ازاي تسمح لنفسك تشدني كدا ف وسط الناس
ادم/مين دا ي خديجه؟!و ايه الموقفك معاه كدا و نازلين ضحك اوي
خديجه بغضب/ملاكش دعوه يا ادم و اصلا اعمل ال انا عايزاه ملكش حكم عليا
و سابته في حاله غضب و دخلت اوضتها
نروح ل شركه المصري جه وقت المرواح
ندي كانت مروحه وهي في طريقها شافت عمر اعد ف الاستراحه بتاعت الشركه كان باين عليه حزين اد ايه و مكانش منتبه لوجودها
ندي لنفسها/مسكين اووي بجد محدش شايف الضلمه الجواه او اد ايه هو حزين
ندي كانت متعاطفه جدا مع عمر و قررت تروحله
ندي/احم
عمر/تعالي يا ندي اقعدي.
ندي/مش هتروح يعني كل ال ف الشركه روحوا
عمر/وانتي مروحتيش ليه؟
ندي/كان ورايا شغل كتير و لسه مخلصه
ندي بتردد احم احم
عمر ببتسامه/قولي ي ندي عايزه ايه
ندي/انا عارفه انك حزين عارفه انك بتحاول تبين عكس دا و تنسي و.... 
قاطعها عمر/انسي؟! همس مبتتنسيش يا ندي همس دي جزء من روحي لما ماتت فيه جزء من روحي راح معاها حتي الجزء الباقي لسه موجود علي امل انها عايشه جوايا فيه ناس كدا بتبقي ضد النسيان تعرفي اني بحاول اظهر كويس او مش تعبان عشانها عشان متأكد ان روحها عايشه معايا و حاسه بيا و لو حست اني زعلان او مش عايز حياتي تمشي هتزعل اوي و انا عايزها تكون مرتاحه
ندي متأثره اووي بكلام عمر و مش عارفه تقول ايه.
عمر /اسف يا ندي دوشتك تعرفي اني اول مره اتكلم كدا مع حد من ساعه م همس ماتت.
ندي /لا ابدا مدوشتنيش ولا حاجه و كويس انك اتكلمت انك تكتم جواك كتير كدا صعب و متعب
عمر/طيب يلا بينا بقا عشان منتأخرش عن كدا
ندي /يلا
نروح لخديجه و ادم
ادم ف اوضته متعصب و مش طايق نفسه
في اوضه خديجه متعصبه جدا من اسلوب ادم وكانت بتفتح فونها لقت صورها هي و ادم و هو بيشدها و مطلعين اشاعه ارتباطهم و بدأوا ينزلو صور كتير ليهم بكدا خديجه اتعصبت اكتر و قررت تروح لادم
خديجه بتخبص بجنون علي ادم
ادم بعصبيه/ايه خير
خديجه بعصبيه/اتفضل شوف نتايج تصرفاتك
ادم خد الفون بتاعها اتفاجئ ف الاول و اضايق بس بعد كدا قرر يستخدم الموضوع دا و يعصبها اكتر
ادم ببرو/طب ومالو يعني
خديجه بغضب/هو انت محنون ولا مبتعرفش تقرأ ولا ايه
ادم ببرود/شايف الخبر مالك بقا و بعدين انتي مضايقه ليه انتي تطولي د كل بنات مصر هتحسدك
خديجه بعصبيه/لا والله علي ايه بقا ان شاء الله
ادم بيقرب من خديجه/انتي مش شايفه ولا ايه
خديجه سابته و خرجت بعصبيه
ادم بيضحك/الو ي مروان فيه اشاعه نازله بخطوبتي انا و خديجه الدالي الخبر دا يتشال ف ظرف نص ساعه مش عايز اشوفه
مروان/حاضر يا ادم بيه
في غرفه ندي
ندي لنفسها/مالك يا ندي متأثره ليه كدا ب عمر اوعي تحبيه هو مبيحبش غير همس مش بعيد يكون شايفك هي اصلا اوعي تقعي وقعه زي دي
اعدت ندي تفكر كتير لغايه م نامت
في غرفه عمر/ايه يا عمر انت اول مره تتكلم كدا مع حد من ساعه م همس ماتت انا اكيد مش معجب بيها و مستحيل حد يدخل قلبي بعد همس والا هبقي ظلمت ندي و روح همس
عدي اليوم علي الكل في اجواء مشحونه
اليوم التالي
في شرم
ندي و ادم كانو خلصو شغلهم و كان فيه حفله بسيطه بمناسبه العقد و المفروض هيخلصو و يسافرو
في شركه المصري
ندي دخلت الشركه و قابلت عمر
ندي/صباح الخير
عمر/صباح النور يا ندي ازيك
ندي/بخير
ركبوا الاسنسير و كل واحد راح علي مكتبه و هما مش فاهمين مشاعرهم عباره عن ايه ولا عارفين يحددو علاقتهم
في شرم الحفله ابتدت
ادم/الو يا خديجه منزلتيش ليه
خديجه/نازله اهو
ادم/ماشي
الحفله كانت ف الفندق ال خديجه و ادم كانو نازلين فيه و كانت بدري عشان طيارتهم
و خديجه هديت شويه لما لقت كل الاخبار ال عن خطوبتها هي و ادم اختفت
خلصت و جهزت كان شكلها حلو جدا كانت لابسه فستان اسود عليه طرحه فضي
و شوز و شنطه سوده و ميكب بسيط
اول م دخلت الحفله ادم كان مبهور بشكلها
خديجه/اديني نزلت اهو استعجال استعجال حتي ف دا كمان
ادم/اتكلمي عدل احسنلك
خديجه لسه هترد جيه  حازم قاطعهم
حازم/منوره خديجه هانم تعرفي انك من احلي العقول ال اتعاملت معاهم شخصيه لطيفه جدا و ناجحه ف شغلها و كمان جميله
ادم بغيظ/احم حازم بيه فيه حد عايزك تقريبا
ادم بعصبيه/مبسوطه انتي كدا.
خديجه/انا مالي انا الله ثم اكملت خديجه بثقه و بعدين ماهو مغلطش عندو حق
ادم بغيظ/طب اتعدلي بقا
خديجه/ي سلام هتعمل ايه يعني
ادم/عايزه تشوفي انا ممكن ف ثانيه واحده اطلع و ااكد خبر ارتباطنا قدام الناس كلها و وريني هتعملي ايه بقا
خديجه بغضب/لا هعمل كتير و انت الشكلك هيطلع وحش ف الاخر علي فكره
ادم/الايام جايه و هتعرفي اني لما بحب اعمل حاجه بعملها زي مثلا م وعدتك اني هردلك كل كلمه اتقالت ف الحفله وواديني اهو برده
خديجه/طيب انا مش هرد عليك دلوقتي

في شركه المصري
فضلت ندي ف مكتبها و عمر كمان لغايه وقت البريك فضلت مخرجتش و بعد مرور وقت من البريك ندي لقت الباب بيخبط
ندي/اتفضل
عمر/غريبه يعني ليه مخرجتيش من مكتبك
ندي/عادي
عمر/مش احنا اتفقنا نكون اصدقاء
ندي بهتمام لا ارادي/اه اكيد طبعا هو مفيش حاجه انا مصدعه بس شويه
عمر/طيب مكلتيش حاجه من الصبح؟
ندي/لا مش قادره
عمر/مفيش حاجه اسمها مش قادره
و طلب عمر اكل و قرر ياكلو سوا
ندي/مكانش ليه لزوم
عمر/بس يا ندي انا عايز اكل معاكي ياستي انتي مالك
ندي اعدت تفكر ف كلامه و تصرفاته و عمر كمان نفسه مش فاهم ايه البيعمله دا
في شرم الحفله خلصت و خديجه و ادم ظبطوا كل حاجه و سافروا ع القاهره بس قرروا انهم يعدو ع الشركه الاول.
في شركه المصري وصلو خديجه و ادم عمر راح مع ادم و ندي كمان راحت مع خديجه و اعدو يتكلمو كتير و بعدها كل واحد راح لشغله
ندي طلبت قهوه و هنا ظهر حمزه عشان ينفذ الخطه ال اتفق عليها مع تاليا
الوايتر كان بيظبط القهوه عشان يوصلها لخديجه
حمزه/بقولك ايه انا سمعت حد بينده عليك بره
خرج الوايتر و عقبال م رجع كان حمزه خلاص نفذ مهمته الوايتر خد القهوه و راح بيها لخديجه
في مكتب خديجه الباب بيخبط
خديجه /ادخل
الوايتر/اتفضلي يا فندم
خديجه/شكرا
شربت خديجه القهوه و فاجأه حست انها بتتخنق و تعبانه فقررت تنزل تشم هوا
و ركبت الاسنسير ال كان ادم موجود فيه بس من كتر تعبها مكنتش مركزه ف وجوده خالص ادم لاحظ تعب خديجه و اد ايه وشها شكلو تعبان كان لسه هيسألها مالها بس الاسنسير وقف و خرجت بسرعه لانها كل مادا كانت بتتخنق اكتر
و هي في طريقها عشان تخرج من الشركه تحت انظار ادم فقدت الوعي بين ذراعين ادم ال لحقها
ادم بخوف/خديجه خديجه فووقي
الناس ابتدت تتلم
ادم بغضب/انتو متنحين ليه اطلبو اسعاف ولا اي زفت اتحركو جت ندي و جه عمر ع الصوت ندي كانت خايفه علي خديجه اووي.
ادم/لا انا مش هستني اسعاف و شالها ادم و راح بيها علي عربيته

كدا دي نهايه الفصل السادس
ياتري خديجه هيجرالها ايه و هيلحقوها ولا لا
و ندي و عمر هتوصل علاقتهم لفين هنعرف الفصول الجايه ان شاء الله
عالمك الخاص💪
بقلمي/هدير انور