روايه صدفه

روايه صدفه(الفصل السادس عشر)

الفصل السادس عشر
روايه صدفه
في بيت ندي
ندي خدت دوش و لبست عشان تنزل بس قبل م تنزل كلمت مازن ال كان زعلان علي موت صاحبه كريم بس برضو كان عارف انه غلط كتير و العمله مش بسيط
ندي/الو صباح الخير
مازن/صباح النور ازيك يا ندي
ندي/بخير....وانت عامل ايه؟!
مازن/الحمد لله
ندي/انا عارفه يا مازن انك زعلان علي موت كريم و لو عايز نأجل الخطوبه لغايه متعدي الفتره دي تمام
مازن/لا يا حبيبتي كلنا محتاجين نفرح شويه
ندي/ماشي يا مازن بس المهم تكون مبسوط
مازن/طول م انتي جنبي يا حبيبتي انا مبسوط
ندي/حبيبي يا مازن قولي هتنزل انهارده
مازن/اه اكييد ان شاء الله هعدي عليكي بعد الشغل و نتقابل
ندي/تمام يا حبيبي سلام
مازن/مع السلامه
ندي نزلت و راحت الشركه و كانت مبسوطه ان مازن هينزل و ابتدا يفك
في لقصر
ادم و خديجه وصلو الفندق
ادم/قدامنا انهارده و بكره انهارده نمضي العقد و بعدين نروح نسلم سوا علي صحابي القولتلك عليهم و بكره بليل نطلع علي المطار قدامك ساعه تجهزي و ننزل نمضي العقد
خديجه/ماشي تمام
ادم و خديجه كل واحد طلع اوضته و رتب حاجته و لبسو و نزلو يقابلو الناس ال هيمضو معاهم العقد
في شركه المصري
ندي و عمر وصلو كل واحد راح علي مكتبه اعدو يشتغلو لغايه وقت البريك
في مكتب ندي الباب بيخبط
ندي/ادخل
مازن/حبيبتي عامله ايه
ندي/كويسه يا حبيبي انت ايه اخبارك.
مازن/كويس طول م انتي كويسه... متعرفيش يا ندي يوم م اختفيتي يوم م كنا بنستلم الفستان انا كنت عامل ازاي كنت هموت من الرعب
ندي/بعد الشر عليك من الموت انا اهو معاك و اعده علي قلبك😂
مازن/احلي اعده ياستي😂 انتي عندك بريك دلوقتي صح؟!
ندي/اه بس هودي الفايل دا لمستر عمر و اجي
مازن/ماشي مستنيكي تحت ف العربيه
ندي/تمام
في مكتب عمر كان معاه عميله مهمه بس كانت معجبه بيه
عمر/تمام يا ريهام هانم كدا خلصنا شغل.
ريهام قامت من علي كرسيها و راحت اعدت علي مكتب عمر و كانت المسافه بينهم قريبه عمر لسه هيبعدها ندي دخلت.
ندي بذهول و غضب/اسفه شكلي جيت ف وقت مش مناسب
عمر بسرعه/لا يا ندي استني .....ريهام هانم ماشيه خلاص
خرجت ريهام من مكتب عمر في غضب
ندي/مكنتش متوقعه اني اشوفك ف وضع زي دي
عمر/والله هي القامت فاجأه كدا و اعدت زي م انتي شوفتي و كنت لسه هبعدها انتي دخلتي
ندي/ماشي دا الفايل بتاع الوفد الفرنسي
عمر/ماشي بس لازم تفهمي اني مش مضطر اكدب عليكي لو بعمل حاجه هقول مش هخاف اكيد و الاهم اني عمري ما هخون همس ولا حتي في خيالي
ندي/ماشي يا عمر مصدقاك
في لقصر
خديجه و ادم مضو العقد خلاص
ادم/اخيرا يا خديجه خلصنا تعالي بقا نروح المشوار القولتلك عليه
خديجه/ماشي يلا
في عربيه مازن
مازن/ها تحبي تروحي فين
ندي/عادي اي حته
مازن/طيب.
مازن و ندي وصلو كافيه و اعدو يتكلمو ف تحضيرات الخطوبه
في لقصر
في عربيه ادم.
ادم/ادينا وصلنا اهو
خديجه/ماشي
ادم دخل و كان بيت كان بيت كبيير اووي 
عامر/مش ممكن ادم!!!!
ادم/اه يا سيدي لاقتك مبتسألش قولت اسأل انا
و سلمو علي بعض و حضنو بعض كتير
عامر/خديجه هانم ازيك
خديجه/بخير الحمد لله
ادم/عامر صاحبي متربين سوا
خديجه/اهلا وسهلا
عامر/حظكوا حلو اووي فرح سالم يا ادم بكره ان شاء الله هتباتو معانا بقا و تحضروا الفرح
ادم/سالم !الف مبروك ربنا يتمم بخير يا رب ان شاء الله هنحضر تمام بس احنا كدا كدا نازلين في فندق هنا و.......
قاطعه عامر/فندق!!والله عيب عليك يبقي اخوك هنا و تنزل في فندق
ادم/معلش والله مش عايز اتعبكوا
عامر/ايه الكلام دا البيت يساعي من الحبايب الف و لو مشلتكش الارض نشيلك فوق راسنا
ادم/حبيبي ماشي هنرجع طيب نجيب حاجتنا
خديجه/والله ملهوش لزوم كل التعب دا
عامر/ مفيش تعب ولا حاجه انا ممكن ابعت حد يستلم الحاجات بتاعتكم.
ادم/حبيبي ربنا يخليك احنا هنروح عشان نلم حاجتنا كمان
عامر/ماشي
في عربيه ادم.
خديجه/ادم انا ممكن افضل في الفندق و انت....
ادم/ليه بس والله هتحبيهم جدا و كمان تعالي نحضر الفرح و نغير جو شويه و بعدين الفرح هنا ف لقصر مختلف خاالص انا متأكد انك هتنبسطي
خديجه/يعني مش حابه اتقل عليهم.
ادم/لا ليه و بعدين احنا يدوب هنحضر الفرح بكره و نطلع علي المطار ان شاء الله
خديجه/مااشي.
خديجه و ادم وصلو الفندق لمو حاجتهم و رجعو تاني بيت عمار
في بيت تاليا
تاليا/ها اتفقت مع الرجاله؟!
مجهول/متقلقيش كله تمام
تاليا/انا مش عايزاها تفلت المره دي
مجهول/متخافيش كله تحت السيطره
تاليا/سلام.
تاليا لنفسها/وريني بقا يا ادم بيه هتلحق حبيبه القلب المره دي ازاي لو محرقتش قلبك عليها و قدامك مبقاش انا تالياا
في الكافيه
مازن/ايه الاكل مش عاجبك
ندي/لا خالص عاجبني جدا
مازن/اومال مش بتاكلي كويس ليه ثم اكمل بضحك مش عوايدك يعني
ندي/كدا طيب انا بقا هاكل اكلي و اكلك
مازن بضحك/ايوا كدا دي ندي ال اعرفها انا بصراحه ابتديت اخاف علي نفسي تاكليني ولا حاجه
ندي/اه هاكلك عايز حاجه
مازن بضحك/ماشي ياستي حقك برضو
في بيت عامر ادم و خديجه وصلو
عامر/ياااه ي ادم فاكر ايام زمان
ادم/فاكر يا عامر صحيح هي فين شمس
عامر/جايه حالا يا شمس شمس.
جت شمس علي صوت عامر/نعم يا..... اددم ازيك
ادم بسعاده/بخير انتي عامله ايه ياااه واحشني والله
شمس/انت اكتر والله يا ادم
شمس/خديجه انا بحبك اووي و متابعاكي.
خديجه/حبيبتي ربنا يخليكي يارب
عامر /وريهم اوضهم بقا عشان يرتاحو شويه
شمس /حاضر
شمس طلعت ادم و خديجه اوضهم ال كانو جنب بعض
خديجه نامت و ادم كمان لانهم كانو مرهقين اووي .
في شركه المصري
ندب رجعت و اعدت كملت شغلها لغايه وقت المرواح بدأت تلم حاجتها و عشان تمشي و وهي خارجه من المكتب قابلت عمر
عمر/خلاص مروحه
ندي/اه
عمر/تحبي اوصلك
ندي/لا ليه معايا عربيتي مش مستاهله...... عمر انا اسفه اني شكيت فيك بس يعني... انتو كان شكلكو سخيف صراحه
عمر بضحك/سخيف😂 ماشي متشكرين
ندي/العفو يا سيدي خديجه و ادم جاين بكره
عمر/اه بس بليل
ندي/ماشي يلا همشي بقا مش عايز حاجه
عمر/شكراا سلام
ندي/سلام
في بيت عمران
خديجه صحيت خدت دوش و لبست بس لما بصت ف الساعه لقت الوقت اتأخر اووي
خدجه لنفسها/معقول انا نمت كل دا؟!!
و بعدين قالت تخرج البلكونه
في البلكونه
خديجه/ايه دا ادم (كان اعد  في بلكونه اوضته)
ادم/اه يا ستي بقالي ساعه اعد كدا احنا نمنا كتير اووي علي فكره😂
خديجه بضحك/اااه خدت باالي
ادم/ها مبسوطه
خديجه/اه جداا شمس شكلها لطيفه اووي
ادم/اه جداااا اهي شمس دي بقا كل ذكريات طفولتي معاها
خديجه /والله؟!
ادم بنبساط عشان حس انها غيرانه/اه والله يابنتي دا و احنا صغيرين كنت انا و هي وعمار مصايب مكناش بنفارق بعض مش متخيله فرحت اد ايه لما شوفتها
خديجه بغيظ/اه م انا لاحظت فعلا انت اول مره تسألت عن واحده
ادم قاصد يغيظها/ احم هي شمس اي واحده برضو
خديجه/فعلا؟!
ادم/اه بس هو... هو انتي مضايقه ليه كدا
خديجه/انا! انا مش مضايقه خالص هضايق ليه بالعكس شمس لطيفه جدا
ادم/اه م انا عارف لا ولا بقا لو اعدتي معاها دمها خفيف بشكل يا خديجه هتحبيها اووي.
خديجه/طبعا بدل انت حبيتها يبقا انا هحبيها اكيد
ادم/والله حاسك مضايقه بس مش هدقق لو مضايقه قولي عادي
خديجه/يووووه انت هضايقني بالعافيه
ادم/طب متزعقيش بس...... خديجه فاكره اول مره نتقابل فيها
خديجه/طبعا فاكره يوم مدلقت القهوه علي فستاني
ادم بضحك/يا سلام يعني انتي سكتيلي اووي م انتي قولتي...... قولتي و عملتي ال محدش قدر عليه قبل كدا يا خديجه
خديجه/غريبه بس دا كان رد فعل طبيعي انت تعرف ان دي كانت اول حاجه اغطيها
ادم/بجد؟! كل الجرأه و الرد دا و كانت اول حاجه تغطيها دا انتي مشكله
خديجه بضحك/ لا والله عارف انت لو كنت اعتذرت او حتي سكت مكنتش رديت عليك كدا بس انت بقا العصبتني
ادم/انا ساعتها كنت متعصب اه بس اختلافك دا شدني حقيقي بشكر القدر ال عرفنا علي بعض

خديجه/احم ماشي يا سيدي .....اييه دا الوقت عدا بسرعه اوووي احنا اعدنا كل دا
ادم/هو دايما كدا الوقت الحلو بيعدي بسرعه و بالذات لما تبقي معا ناس بتحبيها.
خديجه/طيب انا.... انا هدخل انام بقا عشان الوقت اتأخر اووي و انا عايزه انام تصبح علي خير
ادم/و انتي من اهلو يا خديجه
في اليوم التالي.
في بيت ندي
ندي صحيت و لبست و فطرت و هي خارجه من بيتها قابلت ام خديجه
ندي/ايه دا ازيك يا طنط حمد الله علي السلامه
سمر/الله يسلمك يا حبيبتي انتي عامله ايه.
ندي/الحمد لله
سمر/طيب هي خديجه مرجعتش لسه
ندي/لا المفروض هترجع انهارده بليل
سمر/ماشي يا حبيبتي اسيبك بقا عشان مأخركيش سلام
ندي/مع السلامه
في لقصر
ادم و خديجه صحيو و نزلو اعدو مع شمس و عمار و امهم كان البيت كلو فرحان بالفرح و بيجهزوا فيه شمس و خديجه قربو من بعض جداا اليوم عدي بسرعه و جه وقت ان خديجه تجهز عشان الفرح
في اوضه خديجه الباب بيخبط
خديجه/اتفضلي
شمس/تسمحيلي اساعدك تجهزي للفرح بطريقتنا
خديجه/طبعا انا كنت لسه بشوف هلبس ايه
شمس/لا انتي هتلبسي دي
خديجه/الله حلوه اووي
شمس/و لسه هتبقي احلي عليكي و كمان لو تسمحي احطلك ميك اب مناسب ليها اوعدك اللوك هيعجبك
خديجه/اوك اما نشوف😂
كدا اخر الفصل السادس عشر
_يا تري خديجه هتلبس ايه و شكلها هيبقي عامل ازاي و رد فعل ادم هيبقي ايه
_ تاليا ناويه علي ايه لخديجه؟!
دا ال هشوفه الفصول الجايه ان شاء الله
#عالمك الخاص
بقلمي/هدير انور