الفصل الاول من روايه صدفه
في احد احياء القاهره و هي احد المنازل
سمر/ يا خديجه اصحي بقا يا حبيبتي هتروح عليكي اول محاضره كالعاده
خديجه بوخم/يوووه سيبيني انام شويه مش قادره
سمر/كل مره بتقولي كدا فالاخر بضيعي اول محاضره
خديجه/ حاضر قومت اهو يا ماما
في نفس الوقت فون خديجه بيرن
خديجه/الو يا نودي صباح الخير
ندي/ طبعا الهانم لسه نايمه و نموسيتها كحلي
خديجه/لا فوقت اهو و هقوم
ندي/ طيب يلا
خديجه في اخر سنه ليها في اعلام وحيده اهلها والدها متوفي و عايشه مع والدتها لوحدهم متوسطه الطول و الوزن بشرتها بيضاء و عنيها عسلي و شعرها بني بس هي محجبه هي و ندي صحاب من زمان و جيران ساكنين في نفس البيت بس ندي بقا في اخر سنه ليها في السن بشرتها بيضاء قصيره قليلا و نحيفه عنيها زرقاء و محجبه برضو خديجه و ندي بيشتركوا في حبهم للنجاح يعني كل واحده فيهم بتتمني تثبت نفسها في مجالها جداا بس ندي برضو كانت عايزه استقرار اسري و تتجوز اما خديجه بقا شايفه ان الارتباط و الجواز مش وقته خالص و انه ف السن دا يعتبر تضيع للوقت(عندك حق والله😂) المهم خديجه جهزت و قابلت ندي عشان ينزلوا سوا
ندي/نفسي مره تصحي ف معادك او تخلصي ف معادك
خديجه بضحك/ معلش يلا😂
خدجه و ندي مشيو و كل واحده راحت كليتها
في كليه الاعلام قدام المدرج
خديجه/ هو الدكتور دخل
ريهام/ اه و نصيحه مني متدخليش انا بقولك اهو هيطردك
خديجه بضحك/لا و علي ايه الطيب احسن ياستي😂😂يلا ننزل نفطر لغايه المحاضره الجايه م تبدأ
ريهام/ اه يلا
في كليه الالسن
ندي/ صباح الخير يا ميووش الدكتور مدخلش
مي/صباح الخير يا نودي لا مدخلش
ندي/كويس حظي حلو😂
مي/اه يلا تعالي بقا نقعد جوا لغايه المحاضره ال بعدها م تبدأ معادها قرب اصلا
ندي/ماشي
في احد الاحياء الراقيه بالقاهره في فيله المصري
كان يوجد رجل و امرأه عمرهم لا يقل عن 50 سنه يتناولون الفطار في غرفه الطعام
زينه/ادم عنيد اووي يا امجد
امجد/معلش يا زينه هو طول عمره كده صوته من دماغه
ثم دخل ادم و قاطعهم
ادم بضحك/طبعا انا البتقطعو في فروته دا اكييد
زينه / مفيش صباح الخير
ادم/صباح الخير علي احلي بابا و ماما ف الدنيا
ماما/ اه كل بعقلي حلاوه اوي عشان انسي كلام امبارح
ادم/ يا ماما قولت ميه مره موضوع الجواز دا ان مش فاضيلو دلوقتي
زينه/يا سلام و هتفضالو امتي بقا لما اموت
ادم/بعد الشر عليكي يا حبيبتي بقولك ايه انا هروح ع الشركه بقا عشان شكلي أتأخرت سلام يا بابا سلام يا ماما
امجد/ سلام يا حبيبي
زينه /سلام يأدم بس كلامنا مخلصش
ادم/طبعا طبعا
و خرج متجه للشركه
ادم المصري من اشهر رجال الاعمال ف مصر و صاحب اكبر شركه انتاج في مصر عندو سبعه و عشرين سنه طويل القامه قمحي و شعره شديد السوااد شاطر في شغله معندوش حدود و لا نهايه ف النجاح او ف رغبته انه يوسع شغله ف كل حته
مش مقتنع بمشروع الجواز و شايفه تضيع للوقت
أنت تقرأ
روايه صدفه
Romanceالحياه صدف......حياتنا عباره عن روايه كبيره مكونه من فصول كتير...... و صدف اكتر .....حاجات كتير بتحصل في حياتنا و بنبقي فاكرينها عاديه او ملهاش لازمه.....بس قدام بنتأكد انها سبب في تغير حياتنا..... سبب في قصه حب....في شخص بنبدأ معاه حياه جديده او حت...
