____
ندور ف الحوشنا خالاتي وبناتهم ملتمات عندنا ويوتو لي عرسي اني واختي التوأم
كساد ماعجبتنيش هدرزة اختي وبنات خالاتي ولا هدرزة خالاتي
اختي راويه التوأم حتى مخطوبه مش قادره تريح روحها من شيطانتها والمشكله انها نسخه مني الاختلاف بس ان اني عندي شامه فوق فمي وهي لا
امي (فاطمه) طيبه هلبا ممكن الانسانه الوحيده يلي كويسه بين خالاتي بس ان شاء الله تقعد طيبه وماتسمعش كلامهم
خالتي ناديه وجارتنا يلي عندها الكتايب زي صباح الخير
وراجلها يلي كانت كلمته ما اطيحش بين مجمع الرجال وفجأه تغير 180 درجة
وبنتها ارجوان بنت كويسه كل مشكلتها تقلد ف اي شيء يديره حد قدامها
خوها محمد انسان طيب وكويس بس صدق من قال الحب اعمى يحب ف اختي روايه حب عظيم لدرجة ان يعطيها عيونه عادي وعرسهم بعد اسبوع
خالتي سندس يلي هي وخالتي ناديه راسين ف شاشيه نفس التصرفات وكل شيء غير انها عندها سر كبير وخافياته وتو تعرفوه شنو
وراجلها يلي ماعنداش معاها كلمه اكيد عرفتو علاش جابت بنتها جوري شافتها شيطان رجيم كرهتها وطلعت فيها الغل كله زوجتها قاصره بس مش تفتك منها
وزوج جوري احمد يلي اطيب من قلبه مافيش
وولد خالتي سندس عمر المدلل المغرور بس من كثر مدح امه ليه ممكن اكثر انسان يكرهني ف الدنيا لانه نقوله ف الحق شغله كله حرام ف حرام وعنده رجال ومافيا وتاجر مخدرات وكل شي ممنوع ومايعرفش القبله وين تقبل
وراجل خالتي سندس خليل قصته قصه
___
ناديه: العفووو يا ريناد ساعه نضبح عليك
ريناد: اسفه خالتي كنت نخمم
ناديه:عاد تخممي ع عرسك بعد اسبوع
وعلي خشت راويه
راويه: ع فكره مانبيهاش معاي راه غير بالسيف
فاطمه: عارفه كويس المصاريف ماعندناش جهد لي زوز عراس
راويه طلعت وخبطت الباب
ناديه: اللطف شن هالبنت يا فاطمه
فاطمه: الله غالب
سندس:ريناد مش بسرعه هكي
ريناد: لالا هوا اصلا يقرا معاي نعرفه من قبل يعني مش مشكله كان سرعنا ف العرس
سندس: اها والله كنت بنموت عليك لي وليدي عمر
ريناد: عمر !! تي هوا يكرهني ف الدم كان يلقى يقتلني
ناديه:عادي غير انخطبتي كان هذا الكره يتغير لي حب ساهله
ريناد قرنت حواجبها وطلعت
لقت راويه تلبس ف عبايتها هي وارجوان
ريناد: وين ماشيين
ارجوان: لي حوشنا
ريناد: انتي قولي لي بوي عارفتيه مايتفاهمش
راويه: اولا مادخلكش تانيا بوي ف العمل والليله بايت برا
خدت يد ارجوان وطلعو
ريناد: لا حول ولا قوة الا بالله
خشت لي غرفتها وقعمزت تقرا (تقرا ف الطب ويلي خاطبها اسلام يقرا معاها)
____
راويه خشت لي غرفة ارجوان
ارجوان: شن بديري
راويه :بنساوي روحي وبنخش لي خوك
ارجوان: مستعجله ع العرس
راويه: حبيبتي توديع العوزبيه بدل مع غيري نديرهوله اني
ارجوان حطت يدها ع فمها
راويه: كان بتقعدي متحشمه حسام مش ح يجي يخطبك راه من توا
ارجوان قعمزت ع السرير وقعدت تخمم ف كلمتها
اما راويه مكيجت وساوت وطلعت القلم ورسمت شامه فوق فمها
محمد فيه النوم : ارجوان اقلبي وجهك
راويه: مش ارجوان يا حبيبي
وسكرت الباب
_____
مكالمة ارجوان مع حبيبها
حسام: اخيرا اقتنعتي ان تجي معاي للشقه
ارجوان: ههه ايه بس رد بالك
حسام: لا ماتخافيش
حسام ولد تشر وفلوس امه وبوه توفو تربى ف حوش فيه عمه وجده الاعمى يعني بالاحرى تربى بين ايدين زوز رجاله
____
فاطمه: ناديه فكيني من الكتايب
ناديه: تي ديريله هذي ف ماكلته بس ح يمشي خط
فاطمه: بس عارفه انتي راجلي تقي هلبا وصلاته ف وقتها
ناديه: صار منه باهي ماصارش المهم جربتي
فاطمه:خدت السحر ف يدها وقعدت تفكر
___
ريناد هاتفها يرن
خطيبها (يزن مواليد 94 شبه قريب يتخرج من الطب انسان طيب وكويس وولد ناس)
يزن يبكي: بوي يا ريناد
ريناد: خييره
يزن: توفى
ريناد كأن من صب عليها اميه مصقعه: لا اله الا الله
يزن: نار ف قلبي ياريناد
ريناد: ان لله وان اليه راجعون
سكر الخط يزن
____
ريناد طلعت بخطوات مهزومه
عرسها يلي عرفو الناس كلها بيه ماصارش منه
ريناد تبكي وترعش: ماصارش من عرسي
فاطمه: يااساتر شن في
ريناد: بوه توفى
سندس: العفو مالقي امتى يتوفى
ناديه: الله يرحمه اجلوه وخلاص شن بديرو
فاطمه: لا حول ولا قوة الا بالله ان لله وان اليه راجعون
_____
ارجوان اطق ع الباب
محمد: هذا من حيي حيي
راويه: اسكت ماتخافش خلي ناخدو سيلفي تاني
محمد: اما سيلفي تاني نوضي البسي
ناض يجري يلبس
محمد قرب من راويه مسح الشامه يلي فوق فمها: ايوا هكي وليتي راويه مش رينا
روايه: هففف ريناد ريناد كرهتها هي وشامتها
محمد: هيا بلا دوة فاضيه اطلعي
طلعت راويه وهي فرحانه بالسيلفيات يلي خدتهم مش يكونو سبب ان مايصيرش عرس ريناد
____
ناديه ف الجنان
وعلي خشة راويه وجوري
ناديه حطت ايديها ف نصها: وين كنتو
راويه: كنا ف حوشك
ارجوان: شن تشبحي ماما والله كنا ف حوشنا
ناديه: باهي
راويه:في حد جاي؟
ناديه:نستنى ف جوري بنت سندس
راويه:اها هاديكا الوهميه وووه امالا مفرخها
ناديه:عيب
___
ريناد تبكي ف غرفتها
راويه فتحت الباب بكل همجيه: اسمعي...
راويه: خيرك تبكي
ريناد: بو يزن توفى
راويه: يعني ماصارش من عرسك معاي
ريناد: هذا يلي يهمك انتي يعني
____
سندس: اووف جت اني بنروح
جوري نزلت راسها وبدت تتفكر
كيف تضرب فيها امها وكارهتها
وخاصة لما لقتها تكلم ف ولد وهي عمرها 15 سنه حرقتها حتى بالنار
لما جو خطبوها عطتها لي خوه ومابتش تعطيها للولد يلي كانت تكلم فيه هذا كله مش تعاقبها وتبدا تشوف ف حبيبها بين عيونها وخوه راجلها
فاطمه:لا حول ولا قوة الا بالله
جوري: عادي خالتي خديت ع الوضع
ناديه :تعالي يا بنت خيرك مخبشه
جوري:عطيت طريحه لي سماح بنت جارتي وخبشتني ب مخالبها سحيقه
فاطمه: شن؛ علاش
جوري: شكيت فيها مع راجلي
ناديه: تي مش ف الاول شكيتي فيه مع ايناس وطلع مافيش منها الدوة وتوا مع سماح
جوري: لالا هذا توا ابتسامات
روايه طلعت راسها من الغرفه: وانتي تكدبي الكذبه وتصدقيها
جوري: ترا فكيني منك انتي
وقعمزو يهدرزو ويوتو
طبعا العرس بيديروه مشترك ناديه وفاطمه خيمه وحده وبنا انهم جيران
____
سندس روحت لي حوشها و سرها الكبير المكتوم ف قلبها لي توا ما انكشفش سنين وسنين
راجلها يلي يروح كل يوم سكران والحشيش عنده زي الحلوة
نحت المخده لقت الححاب يلي دايرتهوله
سكرت السهاره ورقدت ع السرير وقعدت تتفكر
ف يوم عرسها المفروض اليوم يلي تكون فيه البنت سعيده هلبا بس عند خالتي سندس كان اتعس يوم
غصب عليها جدي تتزوجه بس لانه ولد صاحبه
لا مش هذا السر الكبير السر الكبير تعرفوه بعدين
____
بعد مرور اسبوع
عرس راويه
بدت الناس تروح والعريس ما جاش وارجوان اخته مختفيه !!! كأن الارض انشقت وبلعتهم
وهني تبدا القصه
