ناديه:انتي متأكده تبيه
ارجوان: ايه
ناديه: راهو مستعجل يعني حتى بعد يومين
ارجوان: عادي
ناديه: مش عارفه شن وراك يابنت
ارجوان: بالله خليني وقولي للمرا بنتي بتاخده وموافقه وبعد يومين يجي يرفعني
ناديه: اني يلي نبي عرس ونفرح بيك ياسر الصدمه يوم عرس خوك
ارجوان خبطت الباب
وفي كل لحظه وثانيه تتعدب ومش قادره تنسى ان موت خوها بسببها
____
راوية:باهي وانتي اربعه وعشرين ساعه تقري
ريناد: ترا خليني بعد تلاته ايام عندي امتحان ماتعصبينيش
راويه: قالت امي بعد امتحانك هذا وعرسك
ريناد: ان شاء الله ايه
راويه بصوت واطي: كان صار
ريناد: شن
راويه: لالا شي
_____
جوري فتحت الباب
سماح دفت ارجوان وسكرت الباب
ورافعه صبعها وبتهديد: اسمعيني هني اني ف الاول جيتك ب سلم وبنبرر موقفي لكن توا لا
جوري وعيونها حمر وتبكي: شن تبي فيا
سماح: ناخد راجلك ولا ينخرب بيتك؟؟
جوري: اسمعيني راهو اني عارفه كل شيء وانك تطلعي مع سلفك يلي هوا راجل اختي ومدايره معاه علاقه ولا تحسابيني حماره
جوري ترعش : ك كذابه
سماح: عندي صور ومل شيء يتبت الكلام هوا غير اتك بس لما نفضحك ونطلقك منه ونخرب بيتك
جوري كيف بتلز سماح شافت لوطه لقت ولدها شاد فيها وتفكرت عملة ان ماعندهاش وين تمشي لو اطلقت
جوري: شن تبي
سماح: تزوجيني راجلك وتجي تخطبيني انتي
ارجوان ودموعها ينزلو : تمام
سماح: بعد يومين الخطبه تمام
وطلعت
____
بعد يومين
ارجوان دارت حفلة صغيره وف قلبها 100 غصه
طلعت ركبت مع الشيباني(سالم) وكان في سواق يسوق بيهم والسياره فخمه هلبا
وصلو للحوش
كان الخدامات واقفات والقصر ابداع
ارجوان شافت للشيباني نعمه ومش اي حد يحصل عليها
قعمزت هي وياه وقعدو يهدرزو
سالم: علاش وافقتي عليا
ارجوان: مش عارفه ارتحت للموضوع
سالم: عارفه ان نبيك تشرفي ع القصر وعليا بس لانه ولدي قتل شخص وهوا ف الحبس وحفيدي بالاجهزه مدايرله غرفة عناية هني ف القصر نبيك تردي بالك ع كل صغيره وكبيره ف هالحوش وبدات حفيدي
ارجوان: حاضر
سالم: وطبعا ليك حق ح نكتبلك حاجات ولما نموت هما ليك وطول ما انتي هني انتي ملكة غير ردي بالك وكوني قد المسؤوليه
ارجوان: ان شاء الله
سالم: ميري تعالي وصليني لي داري
ميري: تمام بابا
اما ارجوان قعدت تتفرج ع القصر وحايره ف هالرزق هذا كله ابداع
___
راويه: غدوة بتمشي للجامعه
ريناد: ايه ان شاء الله طفي الضي معاك بنرقد
راويه طفت الضي وخنبت تليفون ريناد
للصبح
ريناد: ويييين تليفوني وييين
رامي بو ريناد وراويه: فوتيه توااا مش بتروحي مع رنا صاحبتك وديما معاك
ريناد: ايه تأخرت نمشي وخلاص اصلا حافظه رقمها
رامي: هياا
راويه تحت البطانيه عيونها ضحكوا وكأن الدنيا ضحكتلها
ناضت طول حولت الصوره لي تليفون ريناد وغطت وجه محمد بسمايل وبعتت الصوره لي يزن بأيميل وهمي
_____
ارجوان وهي توصل ف سالم لي طاولة الاكل
سالم: نبيك تشوفي غرفة العنايه يلي دايرها لي حفيدي وتشرفي ع الدكتور والممرضه لما بيجوه
ارجوان: هوا خيره
سالم :مضروب برصاصه وبالاجهزه
ارجوان:في امل يفيق
سالم: ايه هكي قال الدكتور
_____
رامي: السلام عليكم
راويه: عليكم السلام بابا اسمع لقيت تليفون ريناد تحت سريرها واني انضم
رامي شده ف يده
وراويه عارفه كويس ان بوها ديما يفتش ف تليفوناتهم وواعر هلبا والصوره راوين اول ما صورتها حولتها لي تليفونها يلي مدايرهولها محمد مايندري عليه حد
رامي خدي تليفون ريناد ويفتش فيه بالحاجه لي حد ما وصل ف الصورة وهوا نفسه متسارع
_____
اما ريناد
مقعمزه مع خطيبها يزن
يزن يتفرج عليها ومش قادر ينطق
ريناد: خيرك
يزن حط تليفون : اهو عزو الورد بنجيبلك منه ورده
تليفون يزن تزحلق حطاته ف الشنطه
وبينما هوا بيقص الطريق كان مش منتبه ويتلفتلها
ضرباته سياره
ريناد: يييزززن
وتهز فيه والناس كلها ملتمه
جو يسعفو فيه
يلي ضربه غيث صاحب عمر راااس
عمر يهز ف غيث : شن درت ياراجل ضربت الولد بسيارتي وفوقها خطيب بنت خالتي ف نص الجامعه وف الزحمه
غيث شاد راسه: و الله هوا يلي طول جي قدامي
والناس كلها شاهده ان هوا جي قدام السياره وكأن عملية انتحار
ريناد: ياااا حيوان قتلت خطيبي
وتبكي
عمر: ريناد اهدي مافيه شي
ريناد طاحت شن مافيه شيء شن نبضه وقف
بعد ساعه
شهدو الناس كلهم ان يزن كانت محاولة انتحار وهوا يلي حي قدام السياره
ريناد اضطرت تروح
____
رامي يغلي ويهز ف رجله ويدير ف ميه وليم ف المطبخ
فاطمه: انطق ي راجل
رامي: ابعدي عليا تربيتك يلي غلط
فاطمه: شن فييي
انقتح الباب ريناد كان عندها المفتاح
كان في بابا من المطبخ يطلع للجنان طول ودروج يركبو فوق
رامي وطاح ف ريناد ضرب وفاطمه تحز حتى باب الشارع ماسكراش
ريناد كانت تبكي تتسائل
كان ح يقتلها من الضرب وفاطمه تجي قدامها
راويه تتلدد بسماا صوت عياط اختها
شد رامي فاطمه من رقبتها : كله منك انتي كله منك تربيتك الزفته ادلعي فيها ديما
ريناد: أ أني شن درت
خدي فاطمه وحدفها
جي راسها ع الدروج والدنيا تعبت دم
وعلي خشة عمر شاف بعيونه كيف خالته صارلها
شد رامي من رقبته ودفعه وطيحه : قتلتها يا تافه
رامي ف صدمه
ريناد تشوف ف نبض امها بس للاسف مافيش نبض
ريناد: اااااه ماااامااا ماااتتت
جت راويه تجري حجم الكارثه يلي دارتها
بدل ماتموت ريناد ماتت امها
اتصل عمر بالاسعاف والشرطه
رفعو رامي قاتل
____
ارجوان خشت للغرفه متع العنايه والصدمه ان يلي تحت الاجهزة هوا حسام يلي اغتصبها
ماحستش بروحها ليم تبكي وتعيط نحت الاجهزه عليه كلها وطيحاته من السرير شدوها شدان وما قدروش ينقدوه قلبه وقف
_____
بعد مرور شهر ريناد كانت عند بوها زياده بعد معاناة مش قبلها وتكلم معاها
لبست قفطان احمر ومكيجت لي خطبة راويه وف قلبها مية غصه كل يوم تحلم ب يلي ضرب يزن خطيبها وخربلها فرحتها خدت تليفون يزن وتبكي لاول مره تجرأت تفتحه قعدت تلود فيه برنامج برنامج لي حد ماخشت ع المحادثات لقت الصورة زبطت كل شيء ان كله خططتله راويه وان سبب موت فاطمه ويزن راويه
____
ف نفس اللحظه ناديه توتي ف روحها وكذالك ارجوان انكشفو الزوز واطلقو
ناديه يلي دايره السحر لي راجلها انفك وزبطها وطلقها
وارجوان بعد ما زوجت سماح لي راجلها فضحت بالصور والادله
طلقها ولوحها ف الشارع ب حوايجها والناس كلها تتفرج وهي تبكي تقول صغاري
وصارت مشكله عائلية كبيره بين الخوت
____
ريناد واقفه ف غرفة بوها وايديها وراها
راويه : خطيبي بيخش
ريناد: يا ترا منو سعيد الحظ
راويه: انتي بدات ماقلتلكش لانك تحسدي فيا يعني شوفيه توا زيك زي البرانيه
ريناد لبست وشاح وعبايه والكل ف الصاله الا ارجوان وناديه
الصدمه ان خطيب راويه هوا غيث يلي ضرب يزن بالسياره
ريناد ماحستش بروحها الا موليه لي درج بوها رامي كان عنده مسدس ومعبي رصاص
وطلعت وايديها وراها
ريناد وتبكي وتعيط: انحرقي زي ماحرقتييييني
وضربت غيث بطلقه
ولحقت علي راويه
حكم ريناد اعدام
ف الرواية هي حكيت ع كل صفة رذيلة وان كل الصفات الرذيلة توجه للنار ولعنة من الله ورسوله
الروايه خياليه تماما ومش من الواقع
