كبرياء أنثى وغرور رجل

البارت الواحد والخمسون

مرحبا 💕

(( كبرياء انثى وغرور رجل))

هاجر. بقينه كاعدين عفته ورحت يم ميس اليوم مدري شبي كلش صاير

ميس.جوجو ساعديني خل انام بعد مااكدر شكل ضهري

هاجر.يلا تعالي بس على كيف لاتتحركين

نومتهه شويه شويه وغطيتهه خاله خطيه كامت تغفي اول مانامت كعد. تيومي صدك حسام سمه ابنه تيم

خاله.شوف صار شكد كاعده مكعد لمن نامت

ميس.مابيه اكوم والله متت من الوجع

هاجر.ارتاحي حسويله ممه نامي انتي

ميس.ياريت والله جوجو عفيه اذا شفتيني نايمه لاتكعديني سويله ممه وخل يرجع ينام ميته نعاس

هاجر.هههههه ماشي ادللي

خاله.نامي هسه على نومته اني يمج

هاجر.خاله روحي نامي انتي اني هنا ارتاحي

خاله.لا انتي روحي وي رجلج يريدج صعديله

هاجر.استحيت من خاله طلعت سامعه الحجي كله اووف منك زيد خلص تيومي مميته ونام رجعته لمكانه بقيت يم ميس نسولف لحد منامت باوعت الكل صاعدين حتى زيد هم ماهوه وخاله نايمه بلكاع بقيت حايره شون هسه خاف زعل بس والله عيب شيكولون كمت

اريد اروح للمطبخ شربت مي وكلت شسوي يعني خل يفهمه من وحده انشاء الله اقتنع عيب كدام الكل اصعد وياه بعدني احجي بس وصلت للدرج انشاليت شالني وصعد بقيت فاتحه عيوني بصدمه صدوك عود وصلنه للغرفه دخل وسد الباب نزلني على جربايه سحب الشال ذبه فتح شعري ونثره عافني راح قفل الباب وطفه الضوه وجرني لحظنه ونام

زيد شسويت

زيد.اشششش الصبح نتعارك نامي يروحي نامي

هاجر.استسلمت شسوي يعني حط راسه بركبتي شمهه حيل ونام واني هم نمت الان الاجواء ساعد على نوم يعني شبيدي اسوي قابل غفينه ومانحس اله على صوت الباب تكسر تكسر

طفرنه ثنينه ركض زيد فتح الضوه وفتح الباب طبعا جان نايم بتراك حتى تشيرت لابسه بس اني شعري مفتوح ركضت لفيته وحطيت شال على راسي جان يطلع جدو خرررب بلحظ يربي بقيت مدنكه مع انو والله مصار شي جان يكول جدو

جد.امنع الولد طلعتي انتي جايه برجيليج يمه تعاي وياي

هاجر. جدو بس خل

جد.ولاكلمه صباح رباح يلا

هاجر.سحبني من ايدي اباوع زيد يفرك بوجهه ومفول من الاعصاب اخذني جدو ونزلنه عافني يم ميس وطلع كعدت على الكاع اريد الرجفه الصارت بيه تروح متت المؤقف موهين زين جدو شمدري وزيد خطيه جان نايم بتعب وطفر يمكن رجع نام كعد تيم رحت اسويله ممه بس شبعت بجي النظره الباوعلي بيهه جدو خلتني اكرهه نفسي