كبرياء أنثى وغرور رجل

الجزء الثامن

مرحبا💕

(( كبرياء انثى وغرور رجل))

هاجر. ثاني يوم الصبح اجه دكتور شافه جدو وكال وضعه احسن بده يستقر واذا بقى عالى هذا المستوى سبوع ويكدر يطلع ويرجع لبلده ويباشر وي دكتور هناك يابه فرحتنا ماننطيها لحد بهذا اليوم جنه متوقعينه اشهر صار بشهر الك الحمدالله ياالهي

بعدما طلع دكتور دااشرب جدو عصير واجه زيد جايب وياه كوفي وسندويشات صغار ويدردم

زيد.هاي ماعدهم غير الكوفي ولفة جبن تاكلين لو تحبين نطلع لمطعم نتريك

هاجر .لاعادي مااريد اعوف جدو

زيد . اي تمام براحتج

اخذتهن منه وبلشت اكل اني بطبعي اكل على كيف والكوفي ابقى اشرب بي شويه شويه لمن يصير فاتر بعدين اشربه سمعت ضحكت جدو التفتت اشرلي على زيد لكيته صافن عليه

هاجر. هااشكو مضيع شي بوجهي

زيد. هاي شوكت تلحكين تطلعين لدوام اذا هيج تاكلين

هاجر. اصلا مااتريك بلبيت ابدا من اوصل للكليه ناخذ ريست ونروح نتريك هناك اكل براحتي

زيد ضيك حواجبه وسأل . ترحون انتي ومنو

هاجر .اني وليونه وادم ومازن طبعا دائمامازن يجي بدون ريوك يكول علمود مااعوفج وحدج هههههه وليونه وادم يطلبون كوفي او عصير

زيد.هااا يراد اتعرف علي لهذا مازن منا وهيج

هاجر حجه هيج وعافنه وطلع ستغربت شبي . جدو شبي ليش ضاج حجيت شي غلط شنو

جد.لا لا لا ابدااااا محجيتي شي

هاجر . اي موداكول زين ليش حجه بطريقه غريبه وطلع

جد.والله يابا مااعرف شكلج بس الله يعين حفيدي عليج تاليته لو بشماعيه لو بلسجن من وره ذكائج ههههههههههه

هاجر.وهاي شنو يعني ليش شسويتله اني

جد.لابويه كلشي ماحجيتي بس جلطتي لرجال اله شويه ههههههههه

هاجر. هسه دعوة ضحك يا جدو من الااخير احجي بلقلم العريض

جد.لج بابا انتي غبيه شلون تحجين على زميلج كدامه وتردينه يسكت

هاجر.اي عادي دائما اسولف لحسام علي اصلا هوه وحسام اصدقاء فعادي

جد.بنتي افهمي حسام اخوج بس زيد وضعه يختلف فرقي منا وهيج بين اخوج وخطيبج

هاجر.خلص جدو فهمت قصدك

جد.يابنتي صار لازم تتاقلمين وي الوضع وتشيلين فكرة انو انتي حتى بينج وبين نفسج مامتقبله الموضوع بس خل اطيجياهه من الااخير تقبلي جدو لان بقانون عائلتنه ممنوع الطلاك فهمتيني لهذا لاتفكرين بي ابد