مرحبا ❤️
(( كبرياء انثى وغرور رجل ))
هاجر كل العاده جنت راجعه من الكليه وداريد ادخل للبيت ودك تلفوني
الو
ماما . هاجر ماما وينج
هاجر . هلو ماما هياتني بلباب جيت
ماما . لا لدخلين احنه بيت جدج تعالي هنا اختج نور حامل وجدج مسوي غدا بهل مناسبه والكل متجمع
هاجر .صدك ماما والله فرحتيني ماشي جايتكم
كلش فرحت بهذا الخبر يروحي رحت اركض طبعا بيت جدو شويه مسافه عن بيتنا فنروح نتمشى اول ماوصلت جان البيت عباره عن اصوات وهوسه دخلت من المطبخ ولكيت ماما وخاله لمياء طبعا اول من استقبلني بعتبار اني المدلله مالته والكل يعرف هذا الشى
دخلت للاستقبال والكل متواجد سلمت على الكل عمامي وعماتي وكعدت بحضن جدو كلعاده الكل التهه يصبون باالااكل بس جدو ماخلاني اكوم من مكاني وطبعا العدو مالتي لازم يكمز ويخرب الكعده ويخليني ابقى بلا غده .
زيد بنترر. ماتكومين وي البنات شكو كاعده بحضن جدج شنو زعطوط
هاجر عيبت علي بلساني وحجبت اغيضه ههه. وانته ليش ضايج لان ماتكدر تكعد مكاني مو
زيد . خبله وماتكبرين ابد لج راح صيرين مهندسه شوكت تكبرين لخاطر ربج هههههه اصلا ماادري شلون تمارسين مهنتج بهذا العقل.
هاجر نرفزني حييل بكلامه نترت . لاوالله منو هاي الخبله عيني جدو شوفه شلون يكول عليه خبله صدك اني خبله جدو
الجد .لا ياروح جدج انته كمرتنه وانته ولك جوز منهه كل مره زعلهه وتخليهه بلا اكل ممنوع واحد يحجي وي حفيدتي هذا تحذير للكل
هاجر مديت لساني لزيد وهوه شاط لان سويت هاي لحركه من وره جدو هوه تخبل من العصبيه بس كال شي خلاني مستغربه حتى جدو سكت ماعلق علا كلامه ويباوع لجدي بتحدي
زيد بنبره غامضه .جدي لاتتحداني تعرفني شنو وانتي ولج الايام جايه واني اعلمج شلون تعيبين بسيطه
هاجر .ههههه يعن....
بعدني ماحاجيه وهوه زمخ بيه خلاني نخرست من صدك
زيد بغضب .هسسسسس ولانفسسسسس كافي
بقيت مصدومه من كلامه شون عاط عليه وبابا واخواني موجودين ليش محد حجى شي ويا راح كعد على جهه الكل التهى يسولفون بينهم واني احس لساني نكعد بعد كولش ضجت وندمت لان اجيت هاي بكل عزيمه هيج لازم نتعارك اني وزيد واكره جيه لهذا البيت
جدو ، شبيج باباتي
هاجر برطمت مثل جهال . جدو شفت شلون عيط عليه ومحد بيكم حجى ويا
جد و. بس انتي جاوزتي علي صح لو لا
هاجر ، اني شوكت جاوزت ؟؟
أنت تقرأ
كبرياء أنثى وغرور رجل
Roman d'amourابطال قصتنه وألاد عم علاقتهم عاديه واحد مجنب الثاني وبيوم وليله ينجبروا يتزوجون وتكبر الكراهيه اكثر بينهم بس ياترا راح دوم الكراهيه لو تتحول العشق ؟؟؟؟؟؟؟؟
