كبرياء أنثى وغرور رجل

البارت الثالث

مرحبا حبايبي ❤️

(( كبرياء انثى وغرور رجل ))

هاجر.بعد ما حجه ويانه جدو الكل التزم صمت صار هدوء مو طبيعي بالبيت شربوا جاي وهوه يحجي وياهم وحاط رمانته يمه خلاهم جبر ينسون شكال اما اني نسحبت يم ميس فوك بقينه نسولف بلغرفه وراهه نمت بدون ماادري.

ميس.السلام عليكم اني ميس احمد طالبة كلية قانون مرحله ثالثه اني مخطوبه لحسام ابن عمي مااكلكم احبه لا اعشقه حب طفوله ومراهقه كولياتهن هوه وهوه هماتين يحبني بجنون بس

هاي مشكلته يغار بشكل مو طبيعي توصل بي مرات يخنكني من كد الغيره بيوم جنه متعاركين على انو اني هاملته ومهتمه بدراستي وقت فراغي اكضي وي جوجه  وهوه حتى من اخته يغار

بس اني هم اتعمد ابقى يم هاجر صح اكضي اغلب وقتي وياهه لان مااريد انجرف وياه بغير مشاعر لان اذا بقينه بفد مكان ثنينه لازم تصير كارثه فاني اخاف موقصدي مصيبه يعني لا نوع ثانيه ههههههههه

اي فاجدو سوه غده كال لان نور طلعت حامل بس مااعرف ليش شاكه بلموضوع خصوصه واني ماره من غرفته صبح بصدفه سمعته يحجي وي واحد يكوله ساعه سته  انته يمي حتى نعقدلهم ضلت  بالي منو ذوله اليريد يعقدلهم جدو صراحه نغز كلبي ماعرف ليش

فخلص الغده واجت هاجر وكل العاده لازم تترزل من زيد لان كاعده بحضن جدو نحجي وياهه شكثر بس هيه خبله وجملته الشهيره كل ماواحد يحجي تكول
انتو ليش مضغوطين لان جدو يموت عليه وطلع لسانهه علينه بس هلمره من حجه وياهه زيد سكتت وكامت اعتذرت منه استغربت شبيهه اليوم هسه تكولون شلون سمعتي

ههههههه جنت وراهم ومايدرون بيه واكفه بعدين صعدنه ردت اسالهه شبيهه بعدني داحجي راسلني حسام

حسام.حبي وينج

ميس.موجوده

حسام.تعاي منتظرج بلحديقه موتتاخرين

ميس .اوكي حياتي جايه

باوعت على هاجر لكيتهه رايحه بسابع نومه عفتهه ونزلت.
وصلت للحديقه لكيته كاعد يدخن ومبين مهموم كلش يمه فز كلبي شبي حبيبي رحتله ركض استغربت مادار عليه هوه كل مره يحس بيه قبل لا اوصل كعدت يمه ولزمت ايده

ميس.شبيك يروحي صاير شي ليش ضايج  قلقتني

ياريت محجى دار عليه وكالي كلام خلاني نصعقت ياربي دخيلك شراح يصير من صدمه حتى ماكدرت اجاوب  وكل فكري ردة فعلها شلون راح اكون شون راح تتقبل الوضع وخاصه جدو محد يكدر يكسر كلامه عنيد للابعد حد وهيه اعند منه بعد لان شبيهته طبعا مااكول غير الله اليستر

هاجر.كعدت دنيه المغرب او هاي شكد نمت اني كمت بملل نزلت كلت اكيد اهلي هسه رايحين وصلت للمطبخ سمعت ماما وخاله يسولفون بهمس بس مبين ثنينهن عصبيات مثل الي يتعاركن ضحكت ورحت ركض اكيد ماافوتها لازم اوكف وي خالاتي ههههههههههه