كبرياء أنثى وغرور رجل

الجزء الرابع عشرا

مرحبا💕

(( كبرياء انثى وغرور رجل))

هاجر.بس اريد افهم والله مرات اكول معقوله حجيهه صحيح ماكو وحده شوه صورت بتها بهاي طريقه عقلي راح يوكف منها

نور.ياعمري ليش البجي بس هدي اعصابج انتي

ميس.يروحي يرحن فدوه لدموعج لاتبجين الله عليج

زيد.خير شكو ليش تبجين هاجر

جفلت من صوته بس اكو شي دفعني اواجهه ليش جاي اتحمل الااذيه من وراه خل القرار بيده اني مااكدر اسكت بس لازم اتاكد منه اول شي

هاجر.زيد بداعت جدو اكو علاقه بينك وبين رنا

زيد.شنووو شهل خرط هذا شكو مو تدرين انتي .....

باوع لنور وميس واكفات سحبني من ايدي وطلع وصلنه لغرفة عمو طب وسد الباب

هاجر.ليش اجينه هنا هو سؤال لو اي لو لا

زيد.وتردين اكعد افسرلج كدامهه كلهه شوفي هاجر هاي المره راح اعديهه بس وداعت ابوي مره ثانيه اذا نترتي بيه كدام واحد راح اركعج على حلكج كدامهم مو زعطوط وصيحين بوجهي عندج شي تعاي وحدنه ونكعد نحجي مو كدام الكل هذا اخر تحذير مفهوم

هاجر.اصلا ماكو مره ثانيه بس ارد اعرف الجواب سؤالي

زيد.شنوالماكو مره ثانيه

هاجر.زيد افهمني اني دااتحمل اهنات من عمتك فوك طاقتي ارد اعرف راسي من رجليه

زيد.ليش هيه مو عمتج

هاجر.لامو عمتي من اليوم شطبتهه من قائمتي

زيد.وعلى شنو غير افهم

هاجر.عمتك داتتفداك وتحجي بوجهي اتريد ازوجك بتهه ام شعفه وذيج شاركه الحلك مكيفه بحجي امهه واني ضاله واكفه مثل طرن كدامهن لااحل ولااربط

زيد.ههههههههههههه قويه هاي ام شعفه بشرفي

جان يتقرب عليه وجرني من خصري وحجه همس
زيد.وانتي ليش هيج ضايجه لان تريد تزوجني رنا لو لان حجت عليج وماحترمتج

هاجر حجيت بدون وعي .لعد اني شنو وتزوجك ....اقصد يعني طبعا لان هانتني

زيد.ههههه غيرانه

هاجر.لا
بتعد عندي وكال

زيد.شوفي هاجر اني اكلج ياهه هسه صح ماكو اي مشاعر تربطني بيج بس مو معناته اكو وي رنا لان اني لو فعلا اريدهه محد يكدر يمنعني عنهه بس حاليا انتي زوجتي وهذا شي مراح يتغير للموت حطيهه بالج تمام

هاجر.بس اني مامجبوره اكمل وي انسان ماتربطني بي غير الكراهيه

زيد.لهل درجه تكرهيني

هاجر.لاطبعا مااكرهك وخايفه لااتعلق بيك واحبك وساعته مااتحمل وجع الكلب ولاالخذلان ولا الخيانه