#ولفيتي_بيا_يا_دنيا
الحلقه :تانيه
بقلم فاطمه سالم
.....
...
جدي يمسح على راس بيان :ربي في الوجود... وان شاء الله تفرح بيها
اني بخبث :خلاص يا خال اني تو نرفعها للرحله ونتبع حافله معاهم ونكون حريص عليها
جدي :ها خلاص نحلت
خالي طبس راسه :والله اني مش متريح... لكن مدام معاها محسن خلاص به
جدي بضحكه:شن تبي تاني بعد هك درنالها حتى حارس
حناي تضحك :اي ولله... خلاص حط ايديك ورجليك في مايه بارده عاد محسن يهني
"ما يحسابوش حاميها حارميها 😏"
خالي :لا عارف... هي مالا اني نستأدن ... يا محسن
اني كانو عيوني بياكلو بيان مااكله ونتأمل
جدي بصياح :محسسن يامحسن
للاهم بعصبيه: انت ياولد
اني بشهقه :ها نعم نعم
جدي :تي نوض خف روحك يبيك خالك
نضت ومشيت لي خالي
اني :نعم يا خال
خالي :بالله دير بالك عليها سلم ولدي
اني :تم يا خال ما يهمك شي
خالي ضرب على كتفي :عارفك سيدها... هي في امان الله
اني :مربوحه يا خال
.....
وسقدت اني للاستراحة نوتي فيها لبكرة... لين اتصلت بيا امي
اني :ها نعم يما
امي :ما تجينيش راك تجيني بنبات راني
اني :اوك به
للاهم:وتعشى كويس وراك تنسى الحوش مفتوح صكره فاهم ولا
اني :تم تم
للاهم :هي بسلامه
اني :سلام
......
ومشيت للحوش تعشيت وكل شوي يرن تليفوني وكل وحده مسميها بي اسم لي ديما نعطي فيه ليها
.. "الكروت يتصل بك"
كروت :حبيبي
اني :ها حبي شجو
كروت :تمام... قتلك عاود عليا معنديش رصيد..
"صكرت خط "
اففف عليك قصه تقول جايبها وناسيها ازف... حولت كفرة تليفون وخديت كرت وبعتهولها واتصلت بيها..
اني :ايوه
كروت :شجو
اني :مليح شجوك انتي
كروت :دوم حمدالله
اني :وييين معاش نشوفو فيك احني
كروت :قاعده اهو
اني:اممم ما ظنيش...حبي شن لابسه
كروت :اخس يا قليل ادب
اني بضحكه:انتي عقلك مسوس
....
وبدت الرذيلة... وفيها هلبا هك من نماذج هادي... مهم من بنت لي بنت ليييين رقدت وكلهم نتخيل فيهم بيان لين صبح الصبح ولبست وتكمت... وطلعت ولعت سياره وفاتح اغاني ونسطرب والجو مليح... ووالع سبسي مارلبورو ومصندل عشان نكمي فيه.. ووصلت لي حوش خوالي ونزلت من السياره وطقطقت على حوش خالي..فتح خالي
خالي :اهلا بالزعيم
اني :اهلين كيف حال
خالي :في نعمه... هي ناديلك بيان ولا بتروح بي امك
اني :لا ناديلي بيان
خالي :بييان يا بيان
بيان :شويه بس
خالي :هيا مطوليش محسن يراجي فيك
وشوي وطلعت بيان... اخخخ وخلاص هبلتتني الفرخه...وقعد بوها يوصي فيا وركبت سياره وهي باست بوها وجت ركبت لاورا تكنطيت.... ودرتها رابعه وقعد سبسي وراه سبسي لين هي نخنقت وخشيت الكوبري حسيتها زبطت الطريق
بيان :هادي مش طريق مدرستي محسن؟
اني :... يتبع
....
توقعاتكن شن ح يصير
أنت تقرأ
ولفيتي بيا يادنيا
Mystery / Thrillerصدمه وحـدة هـتتـعرضلهـا في حياتــك هتخــليك تـفقد الثقة في كل إلـي حواليـك حتـى اقرب الناس ليـك ، وأحـياناً من قوتها تفـقد حتى الثقة في نفسـك
