#ولفيتي_بيا_يادنيا
الحلقه :الرابعه
بقلم فاطمه سالم
.....
معمر :يا را حاط عقله في عقل بنت عمرها 12سنه وملوحها من السياره... عارف شن يدير هدا تي هدا خلاص "صفق بيديه "... خلاص هدا في الهواء ياربي
اني :ششن تبيني ن ندير
فهد بتهكم :تي يارا دروحه اول بنت نلوحوها
معمر :هدوكا برضاهم... لكن هدي عمرها 12 يا راجل
....
اني من السكير طحت على طولي... وفاتو الايام ومعاش رجعت لي حوشنا وعلاقة امي وخالي تزعزعت... لين وفي يوم من الايام... فاتت علينا بنت وهي ما هي بنت ايح غزال مصور ومرسومه رسم جمال وزين وعليك عيون وعليك سماحةه فيها تحل العين المغمضه... ما تتقارنش لا بجمال اخر ولا تساوم بي مال وعليك بياضه فيها تشوف المايه في بلحتها... قعدنا متهوقين فيها... تي من وين طلعتلنا تي مني هدي... وهي لين فاتت من الشارع واحني نشبحو فيها ونتبعو فيها وعرفنا وين مكان حوشها... وقعد مكان تقعميزتنا في فم حوشهم باش يوماتي نشوفوها... وبالفعل قعدنا يوماتي نشوفو فيها وعرفنا وقتها امتى تطلع وامتى تخش واما جيهة تمشي .... والشيطان لعب في عقولنا لكن اني قعدت نمخمخ فيها... تي اني متعب هلي في الخطبه ديما نمشي بنخطب ولما نشوف البنت نوخر... قلت خلاص آمنه لكن مانيش مقايل لي جماعتي... ومشيت كلمت هلي لكن شرطو عليا نخدم... وقعدت ليل ونهار وليل ونهار نخدم ونتعب وكل ما نهلك تخطر عليا شوفتها نرتاح... وفي يوم من الايام لي صار مايخطرش على البال ولا هو في الحسبان...كنت يومها ماشي لحوشنا... وخاش نغني
اني :مبروك نا غزالي خديته... خديت يلي حبيته... سنين نا عمري عطيته
شوي ونسمع في امي قالت :شكله..راوح هادي مرواحتها من الشغل.. يامينتي وليدي ما نرتاح لين نزوجه هالك روحه ليل نهار في الخدمه
" قلت في خاطري شوره عمتي عندنا وامي عاد تلسن ومدايرتني فارس زماني... واكيده عاد تفنص وتمقل في بنت عمتي تبيها ليا "... خشيت بدون ما نتلفت قلت :السلام عليكم
امي :خش خش ما هناكش... تعال سلم على عمتك فوزيه
" اني التفتت هكي لقيت البنت لي داهبتلي شيرتي... تي عيوني قعدو قلوب قلوب... قعدت نشبح فيها زي المسبوه "
امي :محسن ياحسونه تعالى سلم هادي جارتنا
قعدت نقدم واني قلبي يرقص رقيص... سلمت على امها... وحتى امها طرف مغبر... وتعمدت نسلم على البنت وطولت واني شاد ايدها...
امي :هادي بنت عمتك فوزيه "اسماء "... هدوكا جيرانا زمان تفكرتهم... كنت تلعب معاها اسماء وادافع علاها
فوزيه :اي والله كان الشارع كله يهاب من محسن وما يفوتوش من جنب بنتي اسماء
امي بضحكه :ايي اهو ورجعو تلاقو... تندريش مرات مكتوبلهم من نصيب بعض
فوزيه :عاد حسونه ماعندنا ما نكرهو فيه
امي :سلمك سلمك
واني لا حشم لا جعره نشبح في اسماء ... وخلاص وعاد الباقي عاجبهم الجو..مشي قلت هادي فرصتي وقلت
اني :.... يتبع
أنت تقرأ
ولفيتي بيا يادنيا
Misterio / Suspensoصدمه وحـدة هـتتـعرضلهـا في حياتــك هتخــليك تـفقد الثقة في كل إلـي حواليـك حتـى اقرب الناس ليـك ، وأحـياناً من قوتها تفـقد حتى الثقة في نفسـك
