#ولفيتي_بيا_يادنيا
الحلقه الخامسه والاخيره
بقلم فاطمه سالم الورفلي
....
..
واني لا حشم لا جعره نشبح في اسماء ... وخلاص وعاد الباقي عاجبهم الجو..مشي قلت هادي فرصتي وقلتاني :خلاص مالا وتو روحكم يوم يا عمتي جاي بنتم في بنتك
امي :لولولولي هدا وين السعد جي
فوزية :خلاص واني بنتي وحيدتي عطيتها
امي :هدي الساعه المباركه .. خلاص مالا بعد بكره يصبح جمعه ومابين وتيتو رواحكم نكونو جايين
فوزية :لي تشوفوه .. وتفضلو في ايي وقت
امي :خلاص مالا
....
مشيت عنهم بعد كحلت عيوني فيها... وبعد اطمنت خلاص مشيت لداري واني نخمم ونفكر وبعد شوي جاني اتصالفهد :ايوه يا عمده قتلك تعال ره شكنكشت الموضوع كان تبي بنتقاسموهم
اني :لوز لوز لكن نص بي النص ايواه
فهد :غر تعال بس وما يهمك شي ياغالي
اني :هي اني في طريق جايك
.....
صكرت الخط ... وبدلت دبشي وطلعت وطبعا كحلت شوي في اسماء 😂... وولعت السياره ومشيت واني مستمخ وجوي عال العال... لين وصلت في فهد..نزلت من السيارهاني مبتسم:خييير حبها
فهد :اووو مروقين ليوم...شوره في بضاعه ؟
اني رفعت ايديا بطريقه استسلام:لالا خلاص..صاحبك رفع الرايه البيضه 😂
فهد ضحك :غر كيف صار!
اني حكيت لحيتي :بنكمل نص ديني وليوم شبه عطيت كلمه
فهد :اووو من ورانا صار...تي غر منو بس لي عقلاتك
اني ندندن:يانا يانا غر قول لي كيف صار
فهد :ههههع غر اطربنا معاك يارا
اني :اخخخ البت لي ديما نلحقو فيها
فهد بشهقه:متقولش اسماء السعداوي
اني مبتسم :هي دي بدات نفسها
فهد شد راسه :غر شن درت في عمرك يارااا حي على امك حي تي غر شن خبزت
اني نخلعت: تي خييرك؟
فهد :اخخخ ربي يهديك وخلاص تو انت سالت عليها؟
اني :لا
فهد :ريت هلعمله لي درتها واااك
اني :تي جيرانا زمان يارا خيرك ازف
فهد :تي باهي باه
.....
ضربني الخنس اني... واحني شلة وحده ومافيش حاجه محرمه الا ما درناها... معناها فهد اا... لا استغفر الله استغفر الله... قعدت نضرب فيها خماس في سداس وشي شي الخنس لاحقني..
أنت تقرأ
ولفيتي بيا يادنيا
Mystery / Thrillerصدمه وحـدة هـتتـعرضلهـا في حياتــك هتخــليك تـفقد الثقة في كل إلـي حواليـك حتـى اقرب الناس ليـك ، وأحـياناً من قوتها تفـقد حتى الثقة في نفسـك