Unicode
My Ugly Girl
( အပိုင်း - ၅ )
"ဒီနေ့အတွက် ကျေးဇူးတင်ပါတယ် ကိုသက်ပိုင် "
ရှင်းသန့်နှင့် ကိုသက်ပိုင် ကစားကွင်းထဲမှာ အချိန်အတော်ကြာ ဖြုန်းခဲ့ပြီးနောက် မုန့်အတူစားကြသည် ။ ပြီးနောက် ကိုသက်ပိုင်က ရှင်းသန့်၏ အိမ်ရှေ့ထိ ကားဖြင့် လိုက်ပို့ပေးသည် ။ ကားပေါ်က ဆင်းတော့ ကိုသက်ပိုင်ကို ရှင်းသန့်က ကျေးဇူးတင်စကားဆိုလိုက်သည် ။
"ရပါတယ်ဗျာ ကျွန်တော့်ကြောင့် ရှင်းသန့် စိတ်ညစ်တာ ခဏပျောက်သွားတယ်ဆိုရင်ပဲ ကျေနပ်ပါပြီ "
ကိုသက်ပိုင်၏ စကားကြားတော့ ရှင်းသန့် ပြုံးပြီး ခေါင်းညိတ်လိုက်သည် ။
"ဒီနေ့ ရှင်းသန့် တကယ်ပျော်ခဲ့ပါတယ် "
"ကြားရတာ ဝမ်းသာလိုက်တာ ။ နောက်လည်း စိတ်ညစ်စရာရှိရင် ကျွန်တော့်ကို ပြောနော် ရှင်းသန့် ။ ရှင်းသန့်ကို ပျော်အောင်လုပ်ပေးမယ် "
"ဟုတ်ကဲ့ "
ကိုသက်ပိုင် နှုတ်ဆက်ပြီး ကားမောင်းထွက်သွားတော့မှ ရှင်းသန့် ခြံထဲသို့ ဝင်ခဲ့သည်။ ထိုစဥ် အိမ်တံခါးဝတွင် ရပ်နေသော မမနွယ်၏ အကြည့်စူးစူးကြောင့် ရှင်းသန့်၏ ရင်ထဲ ထိတ်ခနဲ ဖြစ်သွားသည် ။
"ပြန်လာပြီလား ရှင်းသန့် "
"ဟုတ်ကဲ့ မမနွယ် "
ရှင်းသန့်သည် မမနွယ်ကို ခေါင်းလေးညိတ်ပြရင်း မဝံ့မရဲ ကြည့်မိသည် ။
"ငါ့အခန်းထဲ ခဏလိုက်ခဲ့ ရှင်းသန့် ၊ စကားပြောရအောင် "
"ဟုတ် "
မမနွယ်က ပြောပြီး အပေါ်ထပ်တက်သွားတော့ ရှင်းသန့်လည်း နောက်မှ လိုက်ခဲ့သည် ။ရှင်းသန့် အခန်းထဲရောက်တော့ မမနွယ်က တံခါးပိတ်လိုက်သည် ။ ထို့နောက် ဆိုဖာပေါ်မှာ ခြေချိတ်ထိုင်ကာ ရှင်းသန့်ကို စိုက်ကြည့်သည် ။
"ဒီနေ့ ဘယ်တွေသွားကြတာလဲ ရှင်းသန့် "
မမနွယ်၏ မေးခွန်းကြားတော့ ရှင်းသန့် နှုတ်ခမ်းကို သွားဖြင့် ဖိကိုက်မိသွားသည် ။
ВЫ ЧИТАЕТЕ
My Ugly Girl ( Completed)
Любовные романыသူများစုံတွဲတွေ ကြည်နူးနေတာကို ကြည့်ပြီး အားကျနေရသူ ရှင်းသန့် ။ တုံးအပြီး ရိုးသားတဲ့ ရုပ်ဆိုးမလေး ရှင်းသန့်ရဲ့ ဘဝထဲ ကောင်လေးချောချောလေး နှစ်ယောက် ရောက်လာတဲ့အခါ ဘာတွေ ပြောင်းလဲသွားမလဲ ။တွေ့ကြုံလာရတဲ့ အခက်အခဲတွေအပြင် မနာလိုမှု ၊ အထင်လွဲမှု တွေကြားမှ...
