Unicode
My Ugly Girl
ဇာတ်သိမ်းပိုင်း
"ရပ်လိုက်စမ်း "
ရှင်းသန့်က အသံကြား၍ ချက်ချင်း လှမ်းကြည့်မိသည် ။ နွယ်လည်း ရှင်းသန့်ကို သေနတ်နှင့် ချိန်ထားရာမှ လန့်ပြီး လှမ်းကြည့်သည် ။
ဒေါ်ဥမ္မာနွယ်သည် မောဟိုက်နေသည့်ပုံနှင့် အသက်ဝအောင် ရှူနေသည် ။ ထို့နောက် နွယ့်ဆီ လျှောက်သွားပြီး...
"နွယ် ဘာတွေလုပ်နေတာလဲ"
"မေမေက ဒီနေရာကို ဘယ်လိုရောက်လာတာလဲ "
"ရှင်းသန့် ထွက်မလာသေးလို့ အမေ လာကြည့်တာ ။ အခန်းရှေ့ရောက်တော့ နွယ်နဲ့အတူ ဓာတ်လှေကားထဲ ဝင်သွားကြလို့ နောက်က လိုက်ခဲ့တာ ။ တော်သေးတာပေါ့ အချိန်မီ သွားလို့ "
ဒေါ်ဥမ္မာနွယ်က တိုက်၏ ဘောင်အစွန်းမှာ ရပ်နေသော ရှင်းသန့်ကို ကြည့်ပြီး စိုးရိမ်သည့် လေသံနှင့် ပြောသည် ။
"အချိန်မီတယ်လို့ ဘယ်သူပြောလဲ "
နွယ်က ဒေါ်ဥမ္မာနွယ့်ကို ကြည့်ပြီး မဲ့ပြုံးပြုံးသည် ။
"တော်ပါတော့ နွယ်ရယ် ။ သမီး မှားနေပြီ ။ ဒါတွေကလည်း သမီးကို မေမေ သေချာမဆုံးမခဲ့မိတဲ့ အပြစ်တွေပါ ။ လာပါ မေမေနဲ့အတူ ရဲစခန်းပြန်သွားရအောင်နော် "
ဒေါ်ဥမ္မာနွယ်၏ စကားအဆုံး နွယ့်မျက်လုံးတွေက စူးရှပြီး မျက်နှာက ဒေါသကြောင့် နီမြန်းလာသည် ။
"ဘာပြောတယ် ။ မေမေက နွယ့်ကို ထောင်ထဲ ပြန်ပို့မယ်ပေါ့ ဟုတ်လား "
နွယ်က ဒေါ်သတကြီး မေးလာတော့ ဒေါ်ဥမ္မာနွယ်က သက်ပြင်းရှိုက်သည် ။
"အပြစ်လုပ်ထားရင် ကျေအောင်ဆပ်မှ ဖြစ်မှာပေါ့ နွယ်ရယ် "
"ဟင့်အင်း နွယ် ဘာအပြစ်မှ မလုပ်ထားဘူး "
နွယ်က ခေါင်းတခါခါနှင့် ပြောသည် ။ ထိုစဥ် ဒေါ်ဥမ္မာနွယ်က ရှင်းသန့်ကို ကြည့်ပြီး မျက်နှာရိပ်နှင့် အောက်ပြန်ဆင်းဖို့ အချက်ပြလိုက်သည် ။ သူကတော့ နွယ့်ကို ပွေ့ဖက်ရင်းနှင့် မတွေ့အောင် ကွယ်ပေးသည် ။
YOU ARE READING
My Ugly Girl ( Completed)
Romanceသူများစုံတွဲတွေ ကြည်နူးနေတာကို ကြည့်ပြီး အားကျနေရသူ ရှင်းသန့် ။ တုံးအပြီး ရိုးသားတဲ့ ရုပ်ဆိုးမလေး ရှင်းသန့်ရဲ့ ဘဝထဲ ကောင်လေးချောချောလေး နှစ်ယောက် ရောက်လာတဲ့အခါ ဘာတွေ ပြောင်းလဲသွားမလဲ ။တွေ့ကြုံလာရတဲ့ အခက်အခဲတွေအပြင် မနာလိုမှု ၊ အထင်လွဲမှု တွေကြားမှ...
