#بدايه_الإلتزام 🌹❤️ الفصل العاشر °الأخير °
الجزء الأول 💙
في كافيه الكلية...
هايدي :السلام عليكم ورحمة الله وبركاته.
الكل : وعليكم السلام ورحمة الله وبركاته.
ريم : عاملة ايه دودي وحشتيني اوي.
هايدي : الحمدلله بخير، وحشتيني أنتي والبنات والله.
مريم : وانتي كمان وحشتيني يا دودي.
وفضلت هايدي تتكلم على جمال مطروح والجوا كان حلو بس
وليد حسيته مش مبسوط.
وعند اللحظة دي مريم أنتبهت: وليد وليد مين؟
هايدي : أخويا وهو بردو الدكتور بتاعكوا.
مريم بإندهاش : الدكتور وليد أخوكي.
هايدي : اه يا بنتي حسيتك مندهشة أوي.
مريم : أصل مكنتش أعرف.
سارة : تصدقي نفسي جداً أروح مطروح.
ريم : طب يلا يا بنات على المحاضرة عشان متتأخروش.
وحضروا المحاضرة وأنتهى اليوم الدراسي وكان فاضل أيام
قليلة على الأمتحانات.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
الأمتحانات عدت على خير وبعد أسبوعين من الأجازة.
المساء في منزل أحمد
مريم في نفسها: انا المفروض مفكرش فيه ليه كل ما أسرح أفكر
فيه ياربي انا كدا بقالي أسبوعين مشفتوش طب انا مبسوطة
عشان مش مشفتوش ولا زعلانه بس بس انا لو فضلت سايبة
نفسي كدا لهوايا مش هخلص من التفكير هقوم اصلي العشاء.
مريم : بابا تلفون حضرتك بيرن.
أحمد : هاتيه يا حبيبتي.
وليد : السلام عليكم ورحمة الله وبركاته.
أحمد : وعليكم السلام ورحمة الله وبركاته، في أيه يا حبيبي.
وليد : كنت عايز اكلم حضرتك في موضوع مهم.
أحمد : أتفضل يا وليد.
وليد : مش هينفع في التلفون.
أحمد : تحب نتقابل فين؟
وليد : أي مكان ولو حضرتك مش هتقدر ممكن أجي أنا.
أحمد : خلاص يا حبيبي تعالى هنا عارف العنوان ولا أقولهولك.
وليد : لا عارف، أجي لحضرتك أمتى.
أحمد : تعالى دلوقتي.
وأنتهت المكالمة.......... وبعد مرور الوقت.
