#بدايه_الإلتزام 🌹❤️ الفصل العاشر °الأخير °
الجزء الثاني 💙
وليد ضحك بصوت منخفض وقال :السلام عليكم ورحمة الله
وبركاته.
مريم أصدمت وبصت قدامها وأتفجأت.
مريم ومازالت مصدومة : وعليكم السلام ورحمة الله وبركاته.
وليد بدأ يحكلها عن نفسه وعن وضع بيته في المستقبل.
وليد : انا خلصت حضرتك عندك اي أسألة.
مريم أستجمعت قوتها:اه هسأل حضرتك ، حضرتك حافظ كام
جزء من القرآن واسم الرسول كامل ، والبيت هيكون مبني على
ايه ونتعامل مع الولاد ازاي هتتعامل معايا ازاي ، وحضرتك
بتصلي كل الفروض في المسجد ولا لأ.
وليد : حاضر هجاوبك انا حافظ الثلاثين جزء الحمدلله واسم
الرسول محمد بن عبدالله بن عبد المطلب بن هاشم بن عبد
مناف بن قصي بن كُلاب بن مُره بن كعب بن لوئ بن غالب بن
فهر بن مالك بن النضر بن كنانه بن خزيمه بن مدركه بن إلياس
بن المضر بن نزار بن معد بن عدنان من ولد إسماعيل ابن
إبراهيم ، هيكون ان شاء الله مبني على طاعة ومودة ، ان شاء
الله من حيث الأولاد هحفظهم القرآن وهخلي قلوبهم متُعلقة
بالمسجد ، بالنسبه للتعامل معاكي أن شاء الله هتقيّ ربنا فيكي
والصلاة في المسجد الحمدلله بصلي في المسجد.
مريم : ان شاء الله هصلي أستخارة ووالدي هيرد على حضرتك ،
حضرتك مش عايز تشوف وشي.
وليد : ان شاء الله ، معتقدش هغير رأي اذا شوفتك لأن يكفيني
أني شوفت جوهرك ♡.
وأنتهت الرؤية الشرعية..
مريم صليت أستخارة وأرتاحت جداً ووافقت عليه.
بعد أسبوع كان عقد قرآن وليد على مريم♡، لأنهم مش
هيعرفوا يتكلموا مع بعد في فترة الخطوبة.
وأتجمعوا البنات *مريم، سارة، هايدي، ريم* في أوضة مريم
وليد كان متشوق جداً يسمع الجملة دي : بارك الله لكما وبارك
عليكما وجمع بينكما في خير ، بعد ما سمعها كان طاير من الفرحه.
أحمد : ألف مبروك يا حبيبي.
وليد : الله يبارك فيك يا بابا♡ .
إسلام : ألف مبروك يا وليد.
