قرار غير حياتي

14

شهد : هههه ادري بس الثقل حلو وكملوا سوالف كالعادة

مرت الايام وجت امتحانات الثانوية والكل مللتهي مع ياسمين وورد ودروسهم واليوم اول يوم عطلة وقرروا يجتمعوا في بيت الجدة
وصلوا كلهم وسوالف وضحك ياسمين ووضحى وورد يلعبوا سوني ومندمجات
وسهى ونور جنب بعض سوالف متزوجات عاد هههه (مالنا دخل فيهم)
ريحان وشهد جنب بعض مع نهى وفاتحين موقع فساتين جديد ويتناقشوا فيه
اما الامهات سوالف عجايز هههه
ريحان : بنات شرايكم نطلع للمراجيح مليت
نهى : لامانع
شهد : اتفقتوا علي يعني ماشي قوموا
ضحكهم طلعوا للمراجيح وكل وحدة جلست على وحدة ويلعبوا وصوت عالي ومبسوطين
كان يوم حلو بس ناقص شهد تلمح فهد لو عن بعد لكن للاسف ليس كل مايتمناه المرء يدركه ماجاء فهد معهم
شهد بنفسها : يمكن احسن حتى ما يتجدد حزني وانسى شوي
صحت من سرحانها على صوت نهى :
نهى : جد ومن هي اليريد يخطبها
شهد : مين يخطب مين
ريحان : فهد
انصدمت شهد وحزنت حزن بس رب العباد يعلم فيه لكن مابيدها حيلة قالت خل ارجع بيتنا وارتب عقلي وقلبي خبت دموعها
والتفتت لريحان : اهااا ومين سعيدة الحظ
ريحان : للان امي ماكلمته لكن محاولات مع اني حاسة انه هو مو ناويها
نهى : وليش مو ناقصة شي شغل وعنده
ريحان : ماادري مو مفكر بس شكل امي ناويتها وتقول اقنعة ويرضى
شهد بقلبها على بالك يفكر فيك اولا مسحورة ومستحيل يفكر فيك وثانيا عمره ما شافني بنظرة غريبة كأني مو موجودة من الاصل . ردت على ريحان : الله يوفقا ويرزقا ببنت الحلال
ريحان وضحى : امين

رجعوا بيوتهم وموضوع فهد مافارق تفكيرها حزينة دخلت غرفتها وبقت تبكي لوقت متأخر : يارب انت اعلم بحالي عوضني خير وفرح قلبي يارب اذا فهد فيه خير الي سخره لي واذا فيه شر ابعده عني وريحني يارب انت ادرى انا احبه واحترمه واتمناه زوج الي بالحلال وعمري ماتعديت حدودي ولا ضيعت ثقة اهلي مع انه هالايام كثير بنات الله يسترهم اسهل مايمكن يتواصلوا مع الشباب ويحبوا بعض
لكن انا ما رضيتها على نفسي وماتعديت حدود ديني عوضني يارب وريحني وصوت بكاها كل جاله يعلى
وكالعادة توضت ووقفت على سجادتها صلت قيامها ووترها ودعت ربها بكل ماتملك من قوة وبخشوع ان يهديها ويشافيها ويخفف عنها بلاها

مشت الايام وطلعت نتايج ياسمين وورد ونجحوا ومعدلات ترفع الراس وعملوا حفلة وانبسطوا فيها
وحال شهد من سئ الى اسوء وكل مالها تنحف يزيد المها وماكو اي تحسن والشيخ نفسه تعب لكن قضاء ربي ولازم يرضون فيه
الشيخ : يابو نور الشغلة ينرادلها وقت الى ان ربك يأذنلها بالشفاء
ابو نور : ياشيخ البنت تعبت وحالها مايسر العدو
الشيخ : هذا نصيبها من الدنيا لازم ترضون بالقدر خيره وشره
ابو نور : الله كريم . شيخ مافي طريقة تخلصها من هالبلاء
الشيخ : والله اذا البنت انخطبت وعقدنا قرانها تنحل عقدتها وبأذن الله سبحانه تشفى
ابو نور : ياشيخ انت ادرى هالموضوع موقف امر زواجها
الشيخ : صدقت سحرها تعطيل زواج وما يستطيع احد يتقدملها لكن ربك كريم وبأذنه سبحانه يرزقها بالزوج الصالح ويشافيها
ابو نور تنهد بهم : امين الله يسمع منك يالله استأذن انا ماقصرت اخوي ربي يجازيك الجنة
الشيخ : الله وياك ويفرج همك في امان الله

رجع بيته مهموم وحزين على حال بنته لا اكل ولا شرب ولا نوم وصحتها بالنازل
دخل غرفته ولقا زوجته تقرا بمصحفها جلس عالسرير منزل راسه ومهموم
سكرت مصحفها وجلست جنب زوجها
ام نور : خير يارجال ايش قالك الشيخ حتى هالقد مهموم
ابو نور : ااااه اااااه والله ما اعرف ايش اقول وايش اخلي هم هالبنت كسر ظهري شغلة لا عالبال ولا عالخاطر الشيخ يقول شغلتها صعبة وتحتاج وقت يمكن يوم يمكن شهر يمكن سنة بس الله العالم وانا مو دايم الكم مااعرف متى ربنا ياخذ امانته
ام نور : بعد عمر طويل الله يحفظك النا وتفرح بالبنات وتشوف اولاد اولادهم . الشيخ ماقال على حل او علاج نجيبة حتى لو من الخارج اهم شي بنتي تشفى وترتاح من الي فيها
ابو نور : والله يا مرة قال شغلة عجيبة
ام نور : خير ان شاء الله
ابو نور : يقول اذا البنت انمسك عقدها يبطل السحر وترجع طبيعية لان سحرها تعطيل عن الزواج وانت ادرى بالحال ماحدا يتجرأ ويخطب
ام نور : الله ماينسى عبده الا ماتفرج وربنا يعوضنا ويعوضها لاتيأس وتقنط من رحمة ربنا اسمه الكريم واكيد راح يكرمنا ويكرم بنتنا
ابو نور : الله يريح قلبك مثل ماانت بلسم لقلبي
ام نور : ومايحرمنا منك ياغالي

بعد مرور كم يوم قرروا يزورا اختهم نور ويطمنوا على وضعها
توجهوا لبيت ام محمد شوي ونزلت نور من الدرج
ام محمد : على مهلك يمه شوي شوي
نور : حاضر يمه
وصلت وسلمت عليهم وجلست تاخذ اخبارهم وياخذون اخبارها
وقاموا ريحان وورود يقدموا الحلى والعصاير
ريحان : شرايكم نطلع الحديقة
البنات : لا اعتراض وتوجهوا للحديقة