قرار غير حياتي

35

شهد : اتصلوا بفهد وامي اريد اشوفهم
ام محمد : من عيوني
اتصلت ام محمد : الو هلا فهد
فهد بخوف : خير يمه ليش متصلة هالوقت
ام محمد : شهود صار عندها ولادة الحقنا للمستشفى احنا طالعين
فهد قام ركض : جاي يمه جاي لكن كيف وضعها
ام محمد : الحمدلله الله يقويها ويسهل عليها ولادتها ادعيلها يمه يالله سكر والحقنا
وصلوا المستشفى ودخلوها غرفة الولادة والكل برا ينتظر وصل فهد وبعدا ام نور وابوها
ضلوا ساعتين ينتظرون
فهد : يمه تاخروا خاف صار فيها شي
ام محمد : اسم الله عليها لكن بكر لازم تتاخر شوي ادعيلها انت
فهد : الله يسهل لها
طلعت الدكتورة والكل ركض لها
فهد : طمنينا دكتورة الله يخليك
الدكتورة : الحمدلله على سلامتها ومبروك ماجاكم
فهد : صحتها كيف وممكن اشوفها
الدكتورة : صحتها وصحة الاطفال تمااام والشوفة بعد شوي ننقلها غرفة خاصة وتشوفوها لكن تحتاج راحة كبيرة
فهد : ان شاء الله مشكورة
الكل سلم عليه بارك له
بعد شوي دخلوا على شهد كانت مغمضة عينها من التعب
تقدم  فهد وجلس جنبها فتحت عينها
باس راسها : الحمدلله عالسلامه قلبي مبارك ماجاك
شهد بتعب : يبارك فيك شفتهم
فهد : اطمن عليك اول وبعدين اشوفهم انت اهم
شهد : جيبهم اشوفهم
فهد : بعد شوي الان هم بالحضانه ارتاحي انت تعبتي حبي ؟؟!
شهد بدموع : تعبت حيل ووجع قووي والله يافهد ماينحمل
مسك يدها : يعمري الله يساعدك والله كان بالي عندك لكن من تشوفيهم راح تنسي كل شي ارتاحي شوي واجيبهم لحضنك
شهد : ان شاء الله ونامت بدون متحس
طلع فهد من عندها وراح للحضانه عند الاطفال اطمن عليهم وراح لمحل ورود ومحل تزيين مناسبات
ورجع للغرفة جهزها بالكامل بالونات جهة زرقا وجهة وردي والعاب وورد وحلويات بمساعدة نور وبكل هدوء حتى ماتقعد شهد
عالعصر الكل جا عندها وهي بعد ماصحت الكل موجود خواته وخواتها وابوها وفهد
فتحت عينها شافت الغرفة مزينه والكل موجود
فهد قرب بابتسامه : صح النوم قلبي كيفك احسن ؟؟!
شهد : : الحمدلله احسن
تقدموا الكل وبارك لها وتحمدلها بالسلامه
شهد : وينهم بشوفهم
فهد : ثواني ويكونوا عندك
فعلا ثواني وجابوهم بعرابانتين والممرضات يدفعوهم
تقدم وشال الولد وخله بحضنها وشال البنت وخلها بجهة ثانية
شهد بدموع فرح وتبوسهم : يعمري حلوين الله يحفظكم الي
ام نور : ايش راح تسميهم
فهد : الوليد وعسل
ام محمد : يتربون بعزكم يارب
ام نور : رزقك الله رضا الواهب وبر الموهوب
فهد : تسلمون الله يحفظكم وتقدم من شهد وحضنها مع اولادها وهمس : فرحان ياشهد فرحان
شهد : مو كثري والله
فهد : لك الحمد ربي رزقتني باحلى هدية
شهد : احبكم
فهد يشد بحضنهم : وانا احبك يااحلى قرار بحياتي
.
.
.

وبكذا انتهت روايتي الاولى اتمنى من قلبي تنال اعجابكم واتمنى القى دعم وتشجيع فيها نقص وفيها اخطاء لكن اعطوني عذر بدعمكم اكبر واقدم الاحسن .

نسيت اقولكم وسيم خطب ريحان ووافقوا وبعد شهربن العرس عقبال عندكم يابنات

والفت العملت السحر صارلها حادث قوي وانشلت وفقدت بصرها وبالمستشفى مااحد يرضى يخليها عنده الكل استغنى عنها وحسابها عند الله كبير

msh msh 🌷