قرار غير حياتي

20

نور بعدتها وباست راسها : بأذن الله فهد يعوضك وينسيك لكن انت قدري جميلة عليك واحترميه وحبيه فوق حبك حب
شهد : نور انا يمكن للمرة الاولى اعترف بحبي لفهد . فهد كل حياتي فهد جزء من روحي بكلمه منه اطلع لسابع سما ، بمجرد ماافكر انه اتنفس من نفس هواه تجيني طاقة تريحني ويصير معنى لحياتي
بمجرد مااذكر انه موجود بعالمي اقوي نفسي واعيش
احبه يانور احبه ، قبل كان لو يطلب روحي مااتردد بلحظة اقدمها اله كيف بعد وقفته معاي حملني جميل بعمري ماانساه
نور : من اليوم لازم تبدي صفحة جديدة صفحة بيضا ويكون فيها انت وفهد وبس عيشي حياتك وافرحي وبعدين ناسية انه راح نعيش بنفس البيت
شهد : احلى شغلة صارت انه راح اعيش معك ، من خطبك محمد فرحت كان عندي امل انه نعيش في بيت واحد
نور : الله يتمملك على خير ويسعدك
شهد بتنهد : امين يارب ، يالله خل ننزل تحت
غافلين عن الاذن ال سمعت اخر شي
نزلوا تحت وشوي وطلعوا ضيوفهم
دخل الاب : موعد العقد يوم الخميس وابو عمار هو الي راح يعقدلك ياشهد
شهد : ان شاء الله
وطلعوا كل واحد لغرفته
في بيت ام محمد
ريحان دخلت غرفة فهد بعد ماسمح لها بالدخول
فهد : خير ايش عندها ست ريحان جايتني غرفتي
ريحان : اولا مبروووك الخطوبة
ثانبا : سمعت كلام اليوم ولازم اوصله الك يعني من باب الجميل هههههه نيتي افرحك لا اكثر
فهد : اولا يبارك فيك
ثانيا كلام ويفرحني بدون مقابل وغمزها
ريحان بضحكة : هههه عارفني اكيد بمقابل
فهد : حسب الكلام والله وعن من
ريحان : يخص شهد
فهد تحمس : تكلمي ايش المقابل 
ريحان : نزله للسوق اشتري كل شي يخطر على بالي
فهد : موافق انطقي
ريجان جلست عالسرير ونقلت كل كلمة سمعتها
فهد بتفكير : يعني شهد تحبني من زمان وفوقها ترد جميلي عليها والله صدمة انا بعمري مافكرت فيها معقول في يوم ابادلها حبها
صحى من سرحانه على صوت ريحان
تشاور بيدها على وجه فهد : هيييي يالاخو وين وصلت
فهد : مالك دخل وانقلعي لغرفتك وبكرا اقولك موعد طلعتنا لكن عندي شرط
ريحان : شرط ايش
فهد : شهد تجي معاك ادري ماراح تجي وحدها وعادي لو تاخذي معك ورد وياسمين المهم هي تكون موجودة
ريحان : موافقة اصلا هي بحاجة نزله للسوق عشان فستان الخطوبة
فهد : ماشي توكلي اقنعيها
ريحان : تصبح على خير
فهد : وانت من اهله

فهد بعد ماطلعت ريحان وسكرت الباب :اهااا وعرفت مشاعرك ياشهد ياترى على شنو حبيتيني انا ماكنت مفكر بجنس حوا كله وماكن شفتك بنظرة تخليك تحبيني وتشوفيني حلم . معقول تغيري رأيي واحبك .تنهد : ااااه انا اخذتك عشان اخلصك واخلص اهلك من العذاب بس صارت جدية وهذي حياة كاملة راح اعيشها معك المفروض اتعايش مع الموقف واعيش معك بسلام .

اليوم الثاني توجهوا شهد وابوها ومعاهم فهد عشان تحاليل الزواج حاول ينظر لشهد ويشوف نظرة الفرح مايدري ليه يحس انه لازم يفرحها وصارت فرحتها مسؤوليته لكن شهد مارفعت راسها ابد تحس بالخجل منه ومن ابوها
خلصوا تحاليل ورجعوا البيت

دخلت شهد ياسمين جالسة بالصاله : كلللللووووش هلا بالعروس
شهد : ههههه انت عالطالعة والنازلة تلولشي شنو مو مصدقة بتزوج جالسة على قبلك
ياسمين بحزن : بالعكس البيت راح يفضا علي لكن فرحانتلك عشان تنسي وتعيشي بسعادة ومتاكدة ان فهود راح بكون سعادتك

شهد رغم تذكرها لحزنها الا انه غيرت السالفة : شنو فهود مااسمحلك بس انا ادلعه وغمزت لياسمين
ياسمين : هيييي استحي يابنت ماصارلك يومين بس فجأة صار فهود شوي وتقولي حبيبي
شهد بقلبها : حبيبي وعمري وكل دنيتي : هااا لا شنو حبيبي عيب استحي
ياسمين بشك : ليش حاسة انه تحبين فهد اعترفي
شهد : ههههه لاشنو احبة هو انا لحقت
ياسمين عبالي بعد وبعصبية تضحك : ماعندنا بنات يحبون قبل الزواج
شهد : حاضر عمتي اي اوامر بعد
ياسمين : لا خلاص مافي اوامر انت شاطرة وتسمعي الكلام
الا صحيح توجع الابرة مال التحليل
شهد مسكت يدها : ااااه لاتذكريني شوي وابكي وفهد حايط مايحس ولاقال اه
ياسمين : هههه ليش طفل
شهد صغرت عيونها : يعني انا طفلة
ياسمين : لا ابد المهم انا طالعة اغير ثيابي اليوم التقديم عالكليات احم ورايحة بيت خالتي ام محمد عشان نقدم سوا انا وورد
شهد بقلبها اخذوني على حبيبي : اي الله معك وانا شكو
ياسمين : احد قالك تعالي قوووود بااااي بيبي
شهد : قووود باااي
راحت ياسمين على بيت خالتهم
دخلت وشافت الكل جالس استحت : السلام عليكم
وسلمت على خالتها ونور وريحان وورد
الكل : عليكم السلام كيفك
ياسمين : الحمدلله بخير وجلست جنب اختها
: كيف نونا
نور : بخير تسأل عنك
ياسمين : حبيبة خالتها متى اشوفها
نور : هانت كلها شهرين وتشرف
ياسمين : الله يقومك بالسلامة
الكل : امين
ورد : ياسمين اعرفك سوالفك ماتخلص قومي نطلع
ياسمين بخجل من كلام ورد : يالله قومي
نور : بعد على نفس الكلام كيمياء
ياسمين : اي ولا راح اغير وورد معي
الكل : الله يوفقكم
وصعدوا فوق يكملوا التقديم