ကြယ်ပွင့်လေးရဲ့ Doctor
အပိုင်း 1
"ဝမ်ရိပေါ် ...ဝမ်ရိပေါ်.... ဝမ်ရိပေါ်......
ဝမ်ရိပေါ်...ဝမ်ရိပေါ်....ဝမ်ရိပေါ်.....''
ဆိုတဲ့အသံတွေကတစ်ကွင်းလုံးကိုလွှမ်းသွားတယ်
"အခုဖျော်ဖြေဖို့အလှည့်ကြရောက်တဲ့သူကတော့
ဝမ်ရိပေါ် ဖြစ်ပါတယ် ''
MC ကြော်ငြာပြီးတာနဲ့ စူးရှတဲ့ အကြည့်တွေနဲ့ကောင်လေးတစ်ယောက်စင်ပေါ်တက်လာပြီး
တစ်ကွင်းလုံးမိန်းကလေးတွေရဲ့အသဲကိုညှို့ယူသွားခဲ့တယ်
ရိပေါ်ဖျော်ဖြေနေတုန်းစင်အောက်က Fanတွေရဲ့အသံကပိုပိုသာကျယ်လာတော့တယ်
ထိုသို့ ဝမ်ရိပေါ်ဆိုတဲ့ အသက်၂၂နှစ်အရွယ်ကောင်လေးရဲ့အောင်မြင်မှူကအံ့မခမ်းပင်
ငယ်စဥ်က လိုတိုင်းတရခဲ့သော Wang Group ရဲ့အငယ်ဆုံးသား အိမ်ကလူတွေရဲ့သည်းသည်းလှုပ်ချစ်ခြင်းသာမက အခုဆို သူ့Fanလေးတွေရဲ့
အူကြူးလေး အူကြူးလေးလို့ခေါ်ပြီးချစ်တာကိုပါ ခံနေရပြီလေ
အရာအားလုံးပြည့်စုံနေတဲ့သူ့အတွက် လိုအပ်ချက်ဆိုတာပင်မရှိ
ရိပေါ်ဖျော်ဖြေပွဲပြီးတာနဲ့ မန်နေဂျာအကိုရင်းဖန်နဲ့အတူ သူ့တိုက်ခန်းကိုပြန်လာခဲ့လိုက်သည်
"ရိပေါ် နောက်လကြရင်လုပ်မဲ့ တစ်ကိုယ်တော်ဖျော်ဖြေပွဲအတွက် သေချာပြင်ဆင်ထားပါလို့ CEO ကမှာလိုက်တယ် ''
"အင်း''
ရင်းဖန်ဆက်ပြောရမှာတောင်နင်သွားတယ်
သူကပွဲအတွက်ပြောနေတာကိုပြန်ပြောလိုက်တာက''အင်း''တစ်လုံးတည်းလား?
ဒါပေမဲ့ ဒါတွေကသူ့အတွက်အထူးအဆန်းမဟုတ်တော့ပါဘူး
ရိပေါ်အနုပညာလောကထဲစဝင်တည်းက သူကမန်နေဂျာလုပ်ခဲ့ရတာလေ ရိပေါ်အကြောင်းသူအကုန်သိနေပြီလေ မလိုအပ်ဘဲနဲ့စကားအပိုမပြောဘူး ရင်းဖန်လည်းတွေးနေရင်းကားသာဆက်မောင်းနေလိုက်သည်
သူစကားဆက်ပြောလည်း ဝမ်ရေခဲတုံးတို့ကဘာမှပြန်မပြောဘူးဆိုတာသိနေတာကိုး
ဒီလိုနဲ့ ရိပေါ်အိမ်ရောက်တော့
"ရိပေါ် ရောက်ပြီ''
"အင်း"
"မနက်ဖြန်ကစပြီးပွဲအတွက်ပြင်ဆင်ထားလိုက်တော့နော်''
ရိပေါ်ဘာမှပြန်မပြောဘဲ အိမ်ထဲသာဝင်ခဲ့လိုက်သည်
သူ့ခေါင်းထဲမှာတော့ပွဲအတွက်ဘာတွေပြင်ဆင်ရမလဲအကုန်စဥ်းစားထားပြီးသား
YOU ARE READING
ကြယ်ပွင့်လေးရဲ့ Doctor 🌟
Fanfictionကိုယ်မြတ်နိုးရသော ကိုယ့်ရဲ့ကြယ်ပွင့်လေးကတော့ လူတိုင်းအလယ်မှာ အမြဲတောက်ပနေစေချင်တယ် Xiao Zhan ကျွန်တော်လိုရေခဲတုံးလေးက Ge အပြုံးလေးအောက်မှာ ကျရှုံးခဲ့ရတာဗျ Wang YiBo
