#اعويزه 💚
قصه حقيقيه 😍
اسمي عازه ..
مواليد 1994نا كبيرة هلي.وامي اسمها غاليه وباتي اسمه عبد العليم ..وعندي 6خوت ...4خوات بما فيهن انا...
ونسكنو في منطقه ...وعيت علي الدنيا مانعرفش غير لقرايه وانظف في الحوش وخلاص مانعرفش شي بكل لانعرف نلبس ولاحتي نسهري..ونقرا ف المدرسه اللي حذانا البنات نفس جوي مانعرفوش حتي حاجه نين طلعت من ثالثه اعدادي ومافيش مدرسة ثانويه احذانا سجلت ف مدرسة ف البلاد..
الحلقه 1:
انا:يامي بكره ماشيين الساعه كم للمدرسه
أمي:أسألي بوك أيش عرفني نا
انا:باتي الساعه كم نبي نمشي بكره
باتي:اوعي بدري عشان نحدرو علي البلاد بدري
انا:باهي ياباتي
الليله هذكي مارقدت بكل ونا نتخيل ف البلاد والمدرسة وفرحانه 😍😍😍
جت الساعه 6:ونص
امي :اعويزه هيا يامي فزي اوعي سلم ابنيتي باتك توا يركب فيك
انا :هيا يمي صبيت هيا
باتي :بناتك مايرقدن في الليل بكل عطهن دمومي
انا:عليك زعم كبد ع الصبح لكن اهم حاجه مانبيش نخرب فرحتي مشيت توضيت ولبست دبشي وفطرت وباتي طلع سخن السياره وحط ايده ع كلاكس ما وقف بكل طلعت وعطاني استاكه لعند ماوصلنا للمدرسه ...
باتي :توا انرد عليك الساعه 1
انا :كيف راد للحوش
باتي :لا ماظنيش انرد نبي نمشي لسوق الخضره ونكسد مع الجزاره اللي حذاه ..طبعا جينا للمدرسة وباتي معاه سعي من لاوره في الذيل..
ونا نسهري مع باتي انزلن مجموعة بنات من الحافله ...
#يتبع
لو لقيت تفاعل حـننشر الحلقه الثانيه الليله
