اعويزه 💚
قصه حقيقيه 😍
وفي يوم ملاك جتني
ملاك :الاسبوع الجاي الامتحانات الجزئي وانا بابا حاطني في تقويه لوتقنعي هلك وتمشي معاي
انا:😮باتي ماياباش لكن توا نشوفه بلكي ساع يوافق
ملاك :حاولي حبيبتي وانا ح نظفع عليك
انا :الحمد لله باتي مش مهناس عندنا فلوس
ملاك :لا مش هكي حبيبتي بس عشان مايديرولكش قصه
انا :باهي توا نشوف
جا موعد الترويحه وجا باتي جايب معاه نعجات يبي ايوديهن لواحد فوق المهم مشينا نا وباتي وباتي نزل من السياره
باتي :سكري باب السياره اللي حذاك كويس ((ضحكت في سري وقلت من يبحت ف منظري لمعفن))طبعا نا كنت مقتنعه بروحي بس بعد ماحقيت البنات ولبسهن كرهت روحي وبديت انفتح ع الدنيا وياريتني مافتحت ..
انا :باهي ياباتي
سكرت الباب وتميت انطلع ف كتابتي ونبحت فيهن وكساد بعدها دسيتهن واحد طق علي القزاز بحتت بسم الله هذا شنو بحت لقيت واحد بلبول جمال ولبس واناقه انصدمت نا 😳
انا :كنك
هو :انا اسمي عماد وامبدري نشوف فيك وعاجبتني وهذا رقمي كلميني ضروري
انا :عدي راه يحقك باتي تقعد جنازتي
عماد:كر شنطتي وحط فيها الرقم
وقالي نرجا ف اتصالك ياعسل
المهم انا ما جاباتي الا نا خلاص
باتي :طولت عليك
انا :اها وانا مرتبكه طبعا لاعادي ياباتي
باتي :كنه وجك اصفر شكلك غفيتي
انا :اها ياباتي دايخه شوي
روحت للحوش وانا دايخه في عماد طبعا كالعاده نلم الحوسه ونرمي الخبزه وخوتي يرعو بالغلم واهتي قسامي تحلب ف البقر نفس النظام
وخواتي لاخرات اصغار بكل
المهم جت الساعه 8 حطينا العشا روحو خوتي
باتي :عبد الهادي الساعه كم حاشت الغلم اليوم
عبد الهادي: 6 ونص ياباتي
انا :باتي قتلك نبي نمشي لتقويه الاسبوع الجاي الامتحانات ونبي ابله تشرحلي
باتي :وفيش ديري تمشي للمدرسه كنك ماتفهمي ولاتمدي ف وجك وتروحي فكيني من القطاف الفاضي راكي تبطلي
امي :ياراجل كنك اقرايتها واعرها مافيها شي يوم واحد بس
باتي :لكي فمك انتي خطيني تخربي ف البنات
انا :والله ياباتي انت تعرفني شاطره مغير ضروري من ابله تشرحلي حاجات شوي..((باتي مش واعر حنون هو بس هذا تفكيره هكي يعني لما نحايل عليه نأثر فيه))
باتي :خلاص نشيلك لخالتك فايزه اقعدي عندها لعند مايكملن امتحاناتك
انا :باهي ياباتي
طلعت فرحاااانه وطايره من الفرحه 😍😍😍😍ونقول يوم عليا يوووم يوم علياااا
جا ثاني يوم وعيت في الصبح امي لمتلي ادبشي كله وقعدت توصي في
امي :سلم ابنيتي اسحي تقصري مع خالتك ولا تضايقيها الله يربحك ...
انا :باهي يامي
طلعت مع باتي ووصلت ل خالتي خالتي تسكن حذا المدرسه وعندها بنت وحده اسمها ارجوان مواليد 1996
وعيلين ايهم مواليد 90...ومحمد97
ومن هناااااا بدت قصتي
يتبع💚
