#اعويزه
التليفون طاح تحت كرعين باتي
باتي :امسكه في يده يابنت الكلب ونا اللي جاي وجيبلك تليفون وكرني مع شعري وعدت قسامي تجري لخوتي
قسامي :عبدالهادي اوحيده اعطيوه اجارو جاي باتي يبي يقتل اعويزه
جو يجارو لقوه ماسك توبو ويقتل فيها وامها تحز
باتي :حولي غادي ياوجه الضيق كله منك ومن اختك ..... كله منكن خربتن البنت وتمه يضرب حتي في امي
خشو خوتي تمو يحزو علي امي
عبد الهادي :ياباتي عليش هذا كله
باتي:وطت روسنا هالكلبه جابتنا العار دايره تليفون من ورانا
وكل واحد من خوتي مسك توبو وتمه يضرب في لعند الليل
جا الليل سكرو علي معش ف لاطلعه ولاخشه ومشي جرد ع خالتي وقاللها معش تقصي لحوشنا قعدت سنه وراحت علي ثانيه ثانوي وانا في الحوش بعد سنه امي عدت ل سيادي وشكتلهم المه اسيادي جو اجردو عليه وردوني نقرا بس غيرت المدرسه (بالنسبه ل عماد ماعش لانبا لاطاري غم علي وباعني وهذوم اغلب الشباب ندمت اني قعدت سنه ونا ننضرب ف طرايح عشانه طلع تافه مع انه عارف حوشنا واكيد ارجوان مكلمته وحكيتله )
ضغط علي بكل باتي وقعدت معاملته مش تمام ورديت اعفن من قبل وحياتي انقلبت ورديت ل تهزي البنات وقعدت مضحكه
لعند جت سنه 2013 نبي نخش ل جامعه ...
جو خوالي وخالتي كلهن يتعذرو من باتي مع انهم مش غالطينين وحط الوم عليهم باتي المهم صبا خالي محمود راجلي خالتي
خالي :اسمع ياعبد العليم نا نبي بنتك تقرا عندي وخليها عندي وامانه في رقبتي وعليش تبهدل ف روحك والطريق مش امان
باتي تحشم وركبو عليها خوالي
باتي قالهم باهي
خشي علينا باتي
باتي :عازه تعالي نبيك
نا:باهي هيا اني جيتك
باتي :قرصني مع وذني وقالي وتي دبشك والله لو اتديري حاجة وتوصلني معش تحلمي ونجوزك من يونس (يونس هذا الراعي متاعنا)والله نديرها
مشيت معاهم ولقيت ارجوان مخطوبه وسلمت عليها ودرنا جو مع بعضنا ورديت لضياع اخرىمن جديد طخ ارقام وتكسيد ع شباب هذا اللي نديرو في انسيت الصلاة وانسيت الخشمه اللي تربيت عليها طلعت الجمه ولبست الضيق ومكياج
ولما يجي باتي نأدب في روحي
(نخاف من باتي لكن مانخافش
من ربي)مؤلمه لكن واقع 👍💔
واستقريت مع خالتي نمشي ل هلي غير في العطلات بس وتغيرت حتي كلامي تغير وياريتني ماتغيرت قعدت لامباليه اي حاجه ندير فيها علاقات عرم ضياع انحلال لاحسيب ولارقيب عيت خالتي فري بكل
في يوم داير موعد مع واحد من الشله امتاعتي وطبعا انا دايره علاقه مع واحد من نفس دفعتي سنه 2معاي المهم قتله انتلاقو برا
معاذ:هيا نرجا فيك اطعلي
انا:باهي هياااا اني طلعت
وانا طالعه نبي نركب في السياره واحد عيطلي .......
#يتبع
