خطمن علي البنات ويبحتن في وفي سياره باتي القرباجه والسعي اللي فيها ويضاحكن ..
وبعدها نزلت من السياره قعد يبحتن في من فوق لعند لوطه وتمن يقولن جوكن الزغد ...هههههههههه ويضاحكن ويسفترن علي طبعا نا صاح حزت في قلبي لكن كنت تهايلي روحي احسن وحده وكنت مانعرفش اني سرافه ومنظري يقرف ...
خشيت للفصل حطني ف اخر درج وقالنلي اقعدي فيه ..
حضرت اول 3 احصص وبعدها جت حصة الفطور
جتني وحده اسمها ريم
ريم :اهلين شخبارك
انا :طرت من الفرحه انه وحده عبرتني
ريم:اسمعي حبيبتي انتي باين فيك رقدت ريح وبصراحه انا عندي دبش وشوي حاجات بكره نبي نجيبهن لك صدقه ..
انا :انصدمت وابرمت بي الارض
قتلها شن اتحقي في تمت تضحك 😂😂😂
ريم ::😂😂حبيبتي تفرحي ع منظرك نعليا كان نا نقتل روحي عليك منظر
انا :😳😳😳اكرهت روحي طبعا
جت الساعه 1 وماقبل جت روحت الحوش وانهرت وقعدت نبكي ع مطراي
امي :كنك يابت
انا :يمي نبي نقعد كيف البنات باتي مش منهاس افلوس اشرولي دبش وراسك يمي حايلي عليه
امي :اسكتي يابت باتك توا يفلم عليك كان سمعها ويقولك فكيني من سريب لقرايا
باتي :غاليه 😠
امي :ها كنك
باتي :كنها الخرا اتفقفق
امي :لا غير مريضه
باتي :قولها تصبي فكينا من الشورخ ديري خبزة تنور
امي :ياراجل البنت مريضه توا نديرها نا..
باتي:ماخربها الا انتي وتربيتك المعفنه ..
وين قسامي قسامي طبعا اختي لاخر تقرا 2 اعدادي
امي :تقرا
باتي قولها تصبي اتديرها هي
امي :باهي باهي توا نقوللها
طبعا جا ثاني يوم ومشيت للمدرسه والبنات ايتهزن علي ومكسدات وماعندهن مايديرن غير عازه الزغده 💔
امسمايتني زغديشن
المهم جتني ابنيه وقالتلي نا ياعازه وجعتني فيك ونبيك تقعدي صاحبتي والبنت هذي مش كيفي بكل لبس واناقه وذوق وراقيه اسمها ملاك
انا :والله مش عارفه شن ديرتلهن نبيدي ماعندي ماندير الله غالب هذا لبسي
ملاك :انتي شاطره ف قرايتك وانتي احسن منهم بنيتك الطيبه
وقعدنا نا وملاك وتعرفت عليها وطلعت عسوله بكل وانسجمت معاها وكل يوم نفس الوضع بس نا معش عدلت عليهن
وفي يوم ملاك قالتلي .....
#يتبع
