روايــه ــــــ روح.

روايـه ـــ روح. الحلقه ــ الاوله

روايــه ـــ روح ..
الـحــلــقــه_ الاولـه 💜
سلسبيل أل جبريل ....

مهى تحلم ....
الدنيا كلها ظلام الا هي وهناك مراء جميله وشعره طويل بكل لعند بعد ركبها بشويا قعدت انبحت فيها من جمالها اخذتني ونا انركز عليها وبعدين اقتربت مني و قربت وجها من ووجي ماعرفتش انتحرك او نتلكم اعيونها قلبو للاسود ونزل منهم الدم خط كيف الدموع وعيطت نين نضت منخلعه ...
مهى نضت وهي تشهق شهقه وحده ....
مهى: ياربيي حوليييييييي وغطت وجها بيديها 😣 رفعت يديها تبحتت كنها ما قتلتهش 😂

بحتت حواليها لقت اختها نُهى راقده والساعه اربعه الفجر ...
حطت يدها ع قلبها وخذت نفس عميق ووحدت الله وفكرت تراسل الياس ممكن يكون واعي لها ....

وراسلته لكن ماردش عليها
ـــــــــــــــــــــــــــــــــــــــــــــــــــــــــ
عند الياس كان يكلم في بنت و وصلته رساله مهى بحت و تافاف في خاطره ...
سحر: بيبي كنك سكتت حسيتك مش اوي ..
الياس : لا بيبي متخافيش قاعد نسمع لك و مستمتع معاك ...
سحر 😏: اااه بيبي كنت نحساب نعست بترقد لكن الحمد الله بتقعد معاي ...
الياس😂 : نرقد والقمر ما يونسه غيري 😂😂..
سحر ضحكت : نجيه يا خيتي ونسي حبيبي ...
و كملو سهاريهم....
ـــــــــــــــــــــــــــــــــــــــــــــــــــــــــــ
مهى جاني اشعار تم التسليم وراجيت الياس على امل يرد و ما ردش تنهدت ما حبيتش انوضه قلت اكيد تعبان و باطل سيباته راقد ...
ورديت انتقلب في فراشي لين خذاني النوم ورقدت بعد طلعت الشمس ...
ـ
ـ. #سلسبيل أل جبريل (روح)
ـ

ـــــــــــــــــــــــــــــــــــــــــــــــــــــــــــــــــــــــ
الماضي :
اسماء حست بحركه في حوشها صبت اتحبت من وخايفه ترعش تريد اتموت ..
صبت اتحبت براحه في دارها لقت بابها مفتوح اشوي عرت برا و ما لقت حد مشت اتبحت لاولادها لقتهم كلهم امرقدين غطتهم وسكرت دارهم و طلعت وهي ماشيه ...
فجأءه ..😨
ـ
ـ
ـ
اسماء: لالا حول حول حول😭
مجهول قرب منها و سكر فمها : حول هه انتي تستاهلي الموت يا اللي ماتستاهلي القدر سكر فمها وربطها بالحبل ...و هي اتعيط لكن ماحد سمعها رد سكر فمها بحجاب بحيث مايكون لها حس و صبها فوق الطوله و زقها بكراعه طاحت اسماء وماتت ..💔
ـــــــــــــــــــــــــــــــــــــــــــــــــــــــ
مجهول طلع من عندها بعد ما نظف مكانها وخلاه كانه منتحره وطلع من الدار بعد سكرها ومشا شور دار الاولاد بحت لهم وحق هديه بنت اسماء امقعمزه تبي اتغير رقدتها بحتت فيه وقالت : بابا بابا وضحكت وهو طلع وسكر الباب وهي لحقاته بس ماشفاتش و ردت رقدت...

انعرفكم على اطفال اسماء ..
مجيد الكبير مواليد 88في هذاك الوقت عمره 10 اسنين عاقل وذكي و طيب ..
عبد الوهاب : 95 في هذاك الوقت عمره 5 اسنين طيب و هادي
و هديه عمرها سنتين.
و بس
ـــــــــــــــــــــــــــــــــــــــــــــــــــــــــــــــــــــــــــــــــ
نجيه : وووووه مافيش خبزة صبت تمشي لاسماء تبحت اذا كانت عندها او لا ...
وهي طالعه لاقت ولد اسماء مجيد جايها يجري ...
مجيد وجه اصفر وشاحب: خالتي امي امسكره على روحها في الدار من بدري وخوي عبدالله يبكي فيها تعالي بحتي لها ...
نجيه انصدمت : خليك هنا انت نمشي بروحي وطلعت تجري و مجيد وراها ...
لعند خشت تمت اتخبط ما ح فتح لها ...
نجيه : اسماء يا اسماء افتحي نا نجيه كنك يا بت افتحي ...
نحيه خذت نفس طقت الباب اخرا مافتح حد مشت كلمت راجلها يجي يفتحه ..
نجيه : تعال اسماء في الدار والله اعلم ايش صاير فيها والباب مابش يفتح ..
عادل : بسم الله كنها من امتها لا اله الا الله ..
وطلعو ....
وصلو حوش اسماء دق الباب ما حد فتح وعويل اسماء واعي مجيد و عبد الوهاب وانصبتي عند الباب دار امهم يبحتو ايش صار وعبد الوهاب يا دوب واعي من النوم ويحك في اعيونه ...
نجيه بحتت في عادل وبحتت في العويل تعالو خشو جوا هيا هيا مسكتهم وخششتهم و قالت ما تطلعوش نين نكلمك باهي ..
مجيد وعبد الوهاب هزو بروسهم باه ..
ونجيه طلعت وسكرت الباب ...
عادل دف الباب مرتين و الثالثه بعد ودفه بالقوه نين انكسر و خش ....😱😱
ـــــــــــــــــــــــــــــــــــــــــــــــــــــــــــــــــــــــــــــــــ
#سلسبيل أل جبريل
روايه _ روح ....
ـ
ـ
عند مهى وعيت الصبح فطرت ولبست و مشيت مع بابا يوصلني لمدرستي الجديده لان القديمه مشاكل مع المدرسيت وومهناكش مدرسين لذا نقلت منها ...
حاط يدي على خدي ونبحت في الروشن خطمنا من قدام الشعبيه القديمه و هناك حاجه جذبتني لها ونسرح واجد بعد نخطم من قدامها مع ان عمري ما مشيت لها ...
وصلنا المدرسة ونزلت ودعت بابا وخشيت للمدرسة ...
ـــــــــــــــــــــــــــــــــــــــــــــــــــــــــــــــــــــــــــــــــ
الابله : هذي زميلتكم الجديده اسمها ..
انا مه. مهى مهى معتز و بحتت فيهم لقتهم كلهم ايبحتو لرقبتها ...
رقبتها في وحمه من يوم جيتها ناس تقول وحمه وناس اتقول ان وفي جيبتها ممكن المصران لاف عليها و ياما قالو 😶..
ــــــــ
بحتت فيهم و مشيت نبي انقعمز ما حد وسع لي خذيت شنطيتي وقعدت امصبيه لاورا متحشمه نفرض نفسي ونقعد ...
الابله : مهى اقعدي جنب زميلك مهدي اذا مالقيتي وين تقعدي ..
مهى انحرجت وقعدت نرجف متحشمه مش قادره نرفض او نقعد امصبيه بحتت جنبي لقيته وسع لي هضا هو مهدي يميي شكله صايع 😣..
جيت بخطوات متردده وثقيله وقعدت ع الحافه مانبيش انقرب وهو بحت قدامه وما عبرش ابداً
وانا خايفه مانحبش نقرب من جنس ادم ...

يتبع.
ــــــــــــــــــــــــــــــــــــــــــــــــــــــــــــــــــــــــــــــــــ
مرحباً بكم جميعاً نورتوني ماتنسوش دعمي بتعليق لايك و اكتبولي اراكم لمساعدتي وايش حبيتو في الروايه و شكرا لكم مجدداَ تحياتي سلسبيل.
تابعوني ع مواقعي الاتيه لي يومياتي. 
انستاجرام :salsabeel al jibril
فيس بوك :salsabeel al jibril
تيك توك : salsabeel al jibril
شكرا لكم كلكم
❤
ــــــــــــــــــــــــــــــــــــــــــــــــــــــــــــــــــــــــــــــــــ