صدفة
للكاتبة زينب العلوان
_____________________
ريام: ضلينه عايشين اخوات عادين وامي ويانه وابوي مالين علينه البيت
ام ريام: محمد شو احس كلبي يوجعني
محمد ابو ريام: عود صدك كومي بدلي نروح
ام ريام: لالا مابيه شي بس مرات تصير
ابو ريام: جا من تصير كليلي
ريام: سمعتها وكلبي انعصر ومرت الايام كعدت الصبح امي جاي تطبخ وطاحت
بالكاع انا كبل صرررخت وصحت لبابا وبابا اجه حتى ماافتهم كبل شالها
وللسياره جنه انا ورنيم كاعدين طلعت بره شفته مخبوص صيحت مسمعني
اريد اروح وياه بس شخط السياره وراح واحنه انا ورنيم واكفين وخايفين
وانا دموعي على خدي رنيم راحت كعدت براء وغسلت وجها واحنه ميتين خوف
ريام: رنيم نروح لبيت جدو لو عيب والله خايفه
رنيم: امشي نروح راح نموت من التفكير
ريام: رحنه بدلنه وطلعنه عبالك نركض بس نريد نوصل وصلنه فحطنه طلعتلنه
عمه من شافتنه انصدمت من وضعنه واحنه نبجي وخايفين ووحدنه
وفحطانين
عمه انهار: هاي شبيجن ولجن وين امجن وين ابوجن
رنيم: امي طاحت وابوي اخذها للمستشفى
انهار: عزه بعيني متعرفن يامستشفى
ريام:استغربت رده فعل عمتي وكبل دكت على ابوي وكللها ماقبلت نروح وياها
انخبصت خبص وخذاها عمو رحمان وراخو وانا استغفر واسبح وابجي وميته
خوف وارجف وبراء يم بيبي تهدي بيها شفت رنيم اقوه مني يعني متبجي بس
مبين الخوف على ملامحها انتظرنه ٣ ساعات ومتنه خوف محد يرد على
اتصالاتنه وشويه وطبت عمه وهي صفره وتبجي وتكلي
عمه انهار: ماتت امج ياريااام ماتتت
ريام: سمعت الخبر وانا حسيت شي طكني على راسي ماافتهمت شحجو كلت
ها بصوت ناصي ها بصوت شوي اعلى ها وبعد صرختتتت هاااا راااااااحتتتت
ولكممم راااحت وركضت على عمه اضرب على صدرها هااا راااحتتتتتتتت
منننني هاااا ولج عمه شنوو كليليييي شنوووو ولج عمه
عمه انهار: مثل مسمعتي يمه راحت امج حبيبتج راحت وكعدت تبجي
ريام: انا عبالك رجعلي عقلي وضليت دقايق اجمع الحجي وصحتتت بصوت عاللليي
ماما ويننننج مو كلتي ماروووح شو عفتيني شوووو عفتي بناتتتتج
ولج يمه موتيني عذبيني بس لاترحيننن يمههه
أنت تقرأ
صـدفــة
Ficción Generalللحزن أجنحة يطير بها مع مرور الزمن والسعادة هي توجه وليس هدف نصل اليه والحياة رواية جميلة عليك قراءتها حتى النهاية لا تتوقف أبداً عند سطر حزين قد تكون النهاية جميلة ..🥺🤍 القـصـة بـالههـجـة الـعـراقيـة للـڪاتبـــٍہ zainab Alalwaan ابتداء القصة: ٢٢...
