💕LOVE MAZE💕
💞 JUNGKOOK FANFIC💞
CHAPTER SIXTEEN
_______________
Rosie, i țha em?"
A aw ațang chuan min ngaihtuah hle a ni tih ka hre thei; mahse, ka chhâng lo.
"Taehyung, in nu chu a râi a ni lo maw?"
"Eng a!!! Rosie, i râi maw?!?"
Ka râi ang maw?!!! Ka râi dáwn em ni? A ni ang em? Ka period hun chu a ni deuh reng tawh mai; mahse, ni dik zat zatah ka period kher chuang hlei nem.
Inah Taehyung an min hruai hãw a, pregnancy test kit erawh ka hàwn a, nakinah ka in-test ang.
Min ngaihtuah khawp mai. Chuan, a țhianpa chungah a thinrim hle bawk.
"Rosie, Țhiana lo haw hma chu ka awmpui ang che aw, i duh em?"
"A ngai lo ve, ka lãwm e."
"Mahse, engmah i ti thei chuang si lo, ka ngaihtuah che alawm."
"Ka zia lutuk tawh, rei lo te hnuah ka zia mai ang."
"Mai mai a, ka țhianpa nupui alawm i nih. Ngei viau mah ila, ka țhianpa a ni miau si. Rosie, thil awm dan ka lo zâwt chiang dáwn em ni ang?"
"A ngai lo mai, min puihna zawng zawngah làwmthu ka sawi leh e."
"Khati ang i sawi khán ka awm i ti nuam lo a nia, rosie, Puih i ngaih chuan min lo call mai rawh aw, i phone min lo pe la."
Ka phone chu ka pe ve mai a, a number chu hmetin a call chhin a, a ring hnuah chuan a save ta nghal a.
"Ka number i nei ta a, min lo call hreh miah suh aw, țhian dang i neih loh ém hi."
"Ka lãwm e."
A haw hnu chuan khumah chuan ka mu a, vawiina ka thil tawn chu ka ngaihtuah lêt vang vang a. Tunah zawng thu dik a lang ta si a, wendy chu a râi ta ngei a, Jungkook fa a ni ang em? Jungkook fa ni lo se, a kalpui dáwn em ni? A ni ang, a ni ngei ang. Jungkook ka zâwt mai dáwn em ni ? Engkim a hre vek àwm si a. Fa a awt ém ém a, tunah zawng a nei dáwn ta ngei e; mahse, a nupui hnên ațangin a ni dáwn si lo.
Hria angin ka awm ang em? Ni lo, ka awm thei lo, ka zui ru tih a hre dáwn asin. Min hrilh hun ka nghâk ang, min hrilh kher lo thei bawk; mahse, zêp theih loh hun a thleng thuai ang. Chutih hunah chuan, a insawifiah ngei ang a, a insawifiahna ngaihthlâk ka duh, ka tihsual nawn leh tawh loh nân.
Ka tuar ang, ka tuar țang țang ang. Ka tuar theih loh tùr hi ka chungah a thleng bîk lo ang chu maw. Mahse, ka rilru nawm lohnate hrilha kan chanchin engkim hria titipui tùr ka duh ngawt mai, ka rilru tâwt leh nâ pawh a thâwlin a zãng deuh mahna. Angei ka hrilh duh ang em? Ka bul hnâia awm chu ni se, ka hrilh ngei ang. Kâr hla ațang chuan inngaihtuah a na si a, hrilh lo phawt ang.
YOU ARE READING
♥️LOVE MAZE♥️
FanfictionA pasal neih dawn zanah a tlanbo pui a, an inkarah huatna chuah a awm tawh si a, a tan kawngdang a hmuh tawh mai silo avangin midangin an sawidan tur a ngaihtuah buai tawh lova..thil atthlak tih hrereng chungin a tlanpui a