A pasal neih dawn zanah a tlanbo pui a, an inkarah huatna chuah a awm tawh si a, a tan kawngdang a hmuh tawh mai silo avangin midangin an sawidan tur a ngaihtuah buai tawh lova..thil atthlak tih hrereng chungin a tlanpui a
Oops! This image does not follow our content guidelines. To continue publishing, please remove it or upload a different image.
Ka unaupa chaw rawn ei zàn chuan Bawihpuia pawhin a rawn ei ve a, Bawihpui-a chu ka nau chuan a làwm khawp mai a; Bwihpuia erawh chuan a la nèl fahran loh avàngin a pa mal chungah a awm deuh reng thung a.
"Bawiha, zanin chu riak ve mai la?"
Jungkook pawh chuan,"A dik chiah, naktúk zíng kârah ka thlah mai dáwn che alawm. A nih loh pawhin, tûkțhuan ei khamah pawh a theih tho a," a lo ti ve a.
"Ka roommate kha ka hrilh miah lo va."
"A harsa lo e, phone mai la."
"Ka tibuai záwk ang che u."
"A harsa hlei nem."
Bawiha ka chunga a lungawi ta hi nuam ka ti a; chubâkah, Jungkook pawh a nél ve ta viau bawk. Jungkook hian a ngaihsak angreng a, nél loh theih pawh a ni lo. Nau mipa a awt țhìn a, Bawiha hi a nau mipa ang tak takin a en ni berin ka hria.
TV-ah cartoon enin, sitting room-ah kan țhu thap a. Bawihpuia chuan ka mal chunga pawm a ngèn ve tlat mai. Ka han pawm a, a chêr viau nain a zia ve tawh khawp mai. Jungkook pek chuan ka nau damloh lai a sawi chhuak a.
"I u-in a rawn kan ni che khán, ina ka haw khàn ka hmu si lo va, thil dik lo tak tak ka suangtuah ta a. Min tlàn bosan a nih ka ring ta ber a, a message kha en ila chuan buaina a awm miah lo tùr a nia. I hming a sawi khán ka ngaihtuah chhuak pha miah lo che a, ka suangtuahna lo dik lo sá nèn, ka rawn vìn tuar a. Kha kha i u hian a la na teh asin, zàn mutnaah thleng thleng min tawrhtír a."
"A nih loh kha."
"I lung a awi theih miah loh kha."
Bawiha chu lo inrawlhin,"Ka u hi chu a naupang chhia ve țhìn teh asin, naupang chhe thlèma thlèm a ngai țhìn a,"a lo ti ve a.
"Mahse, thlèm dan ka hre hlauh a."
"Engtin?"
"Nupa tân chauh hriat chi."
Rum deuhin ka va melh a; ani lah chuan," Bawiha, nupui i neih hunah ka hrilh ve ang che, i apply phawt chuan a fel vek mai ang,"a la ti deuh deuh a.
"Sawi tawh suh."
Bawiha chu a lo nui kur kur a, an pahnih hian ka ngei dùn lutuk.
Dâr 8-ah Bawihpuia chu a nu in a rawn lam a, tûn țum chu hmeichhe tleirãwl lek lek tawh a rawn hruai tel tlat.
"A lo muhìl leh tawh a ni maw? Rosie, a lo tibuai che em?"
