♥️LOVE MAZE♥️

💜Last💜

💕LOVE MAZE💕

💞 JUNGKOOK FANFIC💞

LAST EPISODE

_________________

(A bul kan tan dawn chiah emaw tih laiin a tawp kan lo khar leh dawn ta..lo ngaihlu a, chhiartu zawng zawng chungah lawmthu ka sawi a, Tin..a story phal takah min edit chhawn tir phaltu..M Dingdi pachuau chungah thinlung takin lawmthu ka sawi e...

--------------------

Ka phu zawk mai!!!

Min kotu chu muangchângin ka en a, kim Hanju lek lo niin. Ka thaw huai a,tlêma tlêmah min tiphu hlum lo chauh alawm le! hanju chu a bazâr ve a ni ang, chawhmeh a khâi nual mai.

"Chawhmeh i lei ve elo?"

"Lei lo ve; zawrh tùr ka dah zâwk a."

"Sikul bànah i feh leh hman a ni maw?!!" Mak hi ka ti a ni, sikul kha a rawn kal a, kan haw hun pawh a inang reng si a, hna a lo thawk leh hman tawh bîk a! He khuaa mite hna thawh nasatzia hi mak ka ti, hlawhtlin hi an phû a ni.

"Kan kawmthlang lawka mi a nia, eng nge lei i tum a?"

"Maian maw le, Alice  hian bai hian a tui a ti tlat a."

"A nih tak chu, kan neih zâwng a ni lo tlat a nih chu maw le. Mizo chawhmeh hi kan kawl lo tlat a, alu leh purun hnah chu kan nei ve I duh ve em?"

"A ngai lo, ka lãwm lutuk. A hmaa min pêk pawh kha kan la nei alawm."

Tîm deuh dai hian ka hawi kual a, car vâr awmna ka va en chuan a tlãn tawh a ni chiang, a lo awm tawh hauh lo. Ka âwm chu ka dawm a, ka hmuh sual mai mai a ni, amah ang deuh pawh an awm ve thei tho alawm. Bâkah, ani te chu a thi daih tawh alawm. Taehyung thu sawi vàng vek, beiseina dik lo ka neih phah lehnghal, tih chi lo lutuk.

Maian leh vaimîm chu ka lei a, muangchângin ka hãw a. Ka hàw kawngah chuan car-a chuang ka hmuh pa kha ka ngaihtuah lêt a,a kûn deuh hlek a, ka hmu chiang fahran lo nain Jungkook chu a ang chiang alawm. He khawvêlah hian mi inang deuh deuh chu an tam ang chu, kei ngei pawhin inang tih deuh deuh, hai ka nei fo. Car-a ka hmuh pawh kha Jungkook ang tak a ni chiang alawm.

Maian thar lâm ser sawr chu ka bai a,artui ka kang leh bawk a. Alice ei duh lam hlîr ka siam țhìn. Kan nufa ei a tlêm si a, ei duh zâwng inang lo siam phei chuan 'chhe rawh se' tihna nèn a inang chiah. Khua a lum țhin ém avàngin ei tùr leh chawhmeh dah țhatna neih a țûl hle a,mini fridge leh table fan ka lei a, a țangkai tak zet.

Chaw kan ei chuan Alice chuan a ei tam lo kher mai. Maian bai ka siam chuan a ei tam ve theih țhin teh lul nèn, zanin tlai chu a ei tlêm tlat, dik lo a awm a ni.

A ei belh duh tawh loh avàng chuan a kut leh a hmui ka tihfaisak a, a nghâwng leh a pang chu ka dehsak a, a lo lum deuh hlek a, a damlo deuh a nih àwm hi.

Damdawi ka kawl sâ avàngin ka pe nghal a,puak a duh leh duh loh chu ka zâwt pah bawk a. A lo duh teh mial a, paw pah chuan chaw eina chu ka seng fel nghal a.

A hrisèlna hi a pan ém avàng hian thingtlâng kil khãwr deuha awm ka hlau țhìn rêng a; mahse, kan awmna chu khawpui a hnaih a, lehlângin a kal zung zung theih a, a zia viau.

Nachhâwkna chuan a chhâwk ve leh mai bawk a, zàn dâr 12 vêlah a rawn lum leh a, a tãl sat sat reng bawk nèn. Ka tho a, damdawi ka pe leh a, mutpui duh lovin ka paw ta zâwk a.

Ka mu ta miah lo. Ka fanu hi a damloh chuan ka muhìl thei tawh ngai lo. Ani muhìl thei pawh ni se, kei chu ka muhìl ve ngam ngai lo. A pang a sa hluah reng a, khua vâr phawt se, seoul kal a ngai a ni.