♥️LOVE MAZE♥️

💜 Twelve 💜

💕LOVE MAZE💕

💞 JUNGKOOK FANFIC💞

CHAPTER TWELVE

_________________

Ka kein Bathroom chhuat a deh chiah chuan a vawt ka ti deuh, tui lum ka duh ang.

"Tui lum záwk kha aw."

Ka thawmhnaw hâk lai chu ka phelh nghal a ni deuh mai; ka bulah Jungkook a awm ve reng tih pawh ka ngaihtuah tawh lo rĕng rĕng.

Ka kekawr chu ka hlíp tawh a, ka kawr hâk ka phelh leh tùr chiah chu Jungkook a awm ve reng tih ka hre chhuak ta phut a.

Țé chùl chungin," Min en miah suh, lehlam hawi rawh,"ka ti sawk sawk a; ka kekawr chhuata ka hlih tawh chu ka zu ban leh a.

"Het, bengchheng suh; ka hmuh hnu vek a nih kha."

"Chu pawh ni se?"

"Hlíp mai mai teh; kei pawh ka inhlih vek tawh hi."

A ni lah tak a, boxer nèn chauh a lo ding tawh.

"Min en lo ve mai la?"

Muangchângin a inher a; ka theih anga rangin ka kawr chu ka hlíp a, shower pindanah chuan ka luhsan ta nghal a.

Tui lum záwk chu ka'n herh a; a nuam kher mai.

"Min luhsan daih chu le! I va châk dáwn lo rua em!"a rawn ti lût nang nang a.

Nui har harin," Min lo zawm ve mai la,"ka lo ti a, tûnah tak hi chuan ka zak tawh lêm lo. Ka thil in khán hna a thawk a ni ngei ang chu.

"Loh theih náng."

Shower hnuaiah chuan kan inchhaih pah a; nuam tak a ni.

Kan chhuah hnuah chuan," I lu kha tihro vat a ngai ang; chuti lo zawng, i damlo leh palh ang," tiin drawer ațang chuan hair- dryer a la chhuak a, a fit mawlh mawlh a.

"Min tih-rosak la, kookie?"nui har har pah hian ka ti a, ka theih anga no chuan ka meng a, ka tlawn a ni ber mai

"Min thlêm lo teh!"

"Ka thlêm che maw?"

Ka hre lo der tlat.

"Khati anga min melh chuan i sam chu kan tiro hman lo tawp ang."

Stool-ah min țhuttír sauh sauh a; ka sam, towel-a ka tuam chu min phelhsakin a chhêm ro țan ta a.

A va nuam tak! Ka mut a tichhuak selh selh mai ka ti.

"Ka mut a tichhuak."

"Muhìl miah suh; tih tùr kan la neih kha."

"Shower hnuaiah kan tih tawh reng kha."

"Tih tawh a awm thei lo."

"I la kham lo a ni maw? Zanin atân chuan duh tâwk tawh mai ila?" Ka nui kar kar a.

"A theih loh a ni tawp mai."

A hmanhmawh ta khawp mai; mahse, ka sam hi zawng a tam ve ém asin.

Intihharh ka tum ve hrâm hrâm a;mahse, ka mut chhuak chu dan rual a ni lo.

Bathroom-a a luh zawk hlànin ka lo muhìl hman tho. Min muthilhtír ta nge nge a ni ang; mahse, zîng lamah erawh min tiharh hma khawp mai.

Kan inkâr chu a tluang purh maiin ka hria. Ka mamawh engkim min pe a, min ngaihtuah ém ém reng mai. Ka rài leh rài loh min zâwt peih viau bawk a; fapa nei tawh mah se a dang a duh belh hle a ni ang.