♥️LOVE MAZE♥️

💜Twenty four💜

💕LOVE MAZE💕

💞 JUNGKOOK FANFIC💞

CHAPTER TWENTY FOUR

______________

A va mak ve!"

"Eng nge a makna?"

Mak ka ti tho. Hun kal chakzia ka hre thar uar uar mai. Bawihpuia kha a lian ve tawh ngawt ang chu, hm,nunhlui liam tawh chu nghilh tum mah ila, min rawn nanchìn hun chu a lo awm zel a nih dáwn hi.

Jungkook tel lo khawvêl thar ka hman mêknaah pawh hian amah theihnghilh tumin bei nasa mah ila, ka tum nasat poh leh ka hriat rengna hian a theihnghilh lo chiang ting ni maiin ka hria. Sawi chhuah erawh ka sawi chhuak khât; rilru lamah erawh... Alice ka hmuh apiangin ka hre chhuak lo thei lo bawk si.

Nilaini chawhnu a ni a, naupangin football khelh an châk tlat mai a, Hanju nèn games-in-charge kan nih vàngin football khèl tùr chuan kan inbuatsaih a. Sikul bul chiahah field a awm avàngin Alice ka hruai ve a, nuam a la ti ém ém zui. Ni a sat vàngin a biang a tài têk a, ka khawngaih reuh viau nain hmuhnawm ka ti tlat. Naupang inkhèl chu a lo au nasa mai a, ka phone video-in a che vêl zawng zawng chu ka lo record char char a.

Laptop ka nei ve a, hetia a che vêl ka record zawng zawng hi pendrive-ah ka dah lût leh vek țhìn. Nakinah en lêt leh duh hun ka la nei ve ngei ang a, amah pawhin a têt laia a chêt dan zawng zawng a hmu ve thei dáwn bawk a ni.

Tlaiah chuan ei rawng ka bàwl laiin Alice a muhìl a, ka phone chu ka khawih mai mai pah a. Hanju status chu ka ensak ve dêk dêk chhin a, kan nufa thlalâk a lo hmang niin. Vawiin chawhnua field-a Alice che vêl phone-a ka lâksak lai khan a phone-in min lo lâksak ve a ni chêk ang chu. Caption-ah ' Nufa inchhùn fuh no.1' a la ti deuh kher zui. Mahse, a mawi reuh lutuk, kan nufa kawr hâk rawng a lo la inang zui.

Ka va text a.

I status-a i hman kan nufa pic hi min lo thawn ve teh.*

A phone a khawih lo a ni ang, min reply lo tlat. Naktûkah pawh a dìl theih tho tak alawm le,ka ho chêk chûk em mai.

Ka nu ka va phone a, Ka nau palaite chanchin chu ka va zâwt a ni deuh ber; mahse, korean dàn pângngai 'kan lo inrâwn ang e' tih chu an thu hawn a ni rih, ka rin sâ tho a ni.

"Bawihte, i țhiannu hi be ve tawh la, hetia biak duh loh ringawt hi thil țha ber a ni lo a nia."

Angei chuan a lo va be leh a ni ngei ang.

Nia, ka nu sawi chu a dik alawm. Kum heti chen a ral tawh a, an thiam lohna ni miah lovah thiam lovah ka puh tlat a, a tuartu ber chu keimah ka ni. Ka țhian țha ber, kawng engkima min buaipui țhìntu ka chân a, chutah, ka fanu chhûngte ka chân bawk. Nakinah lo țhang lianin, a pa chungchâng min la zâwt ngei ang, engtin nge ka hrilh ang? A dem tùr ber chu keimah hi ka la ni dáwn a ni, a pi leh pu leh nîte hnèn ațanga pawt țhentu chu keimah ka ni miau si a.

"Nia, a dik alawm,Nu. Nunhlui hi theihnghilh tum mah ila, a rawn sawhkhãwk hun hi a awm tho tho a ni. Angei number chu min lo pe ve hrim hrim la, nakinah biak ka lo tum ang e."

Ka sim card ka thlâk daih avàng khân tu number mah ka nei tawh lo hrim hrim.

Motor chhia a awm avàngin Pa Jihoo te chhûng chu an buai nak nak hle, an ri nak nak reng a. Pa Jihoo hi khawtlâng hruaitu pawh lo ni fo tawh a ni a, tunah erawh a upa ve ta deuh a, a chàwl ta a ni àwm e.

Chaw ei kham lamah, an reh deuh hnuah chuan ka fanu nèn kan han chho ve chhin a, an lo kim biai a, inleng an lo nei lehnghal

"Zanin chu in va buai àwm nak nak ve?"