ذنبي - أحببتك

الحلقة 1

رواية

🔥ذنبي ___ آحببتكك🔥

🔥للكاتبة : Hâbø Wf🔥

الحلقة : 1

اليوم الثاني 🌤🌤🌤

سيف فتح عيونه بالسيف كان حاس بصداع رهيب ف راسه وكأنه بينفجر والدنيا قدامه مشوشة حاول يتكا بس تألم هلبا وشاف ليده يلي كانت مجبسة وع راسه فاشة وحس ان ف وجهه جروح كل يلي اذكره ان شهد كانت تكلم فيه وبعدها فتح عيونه : شهههد وشاف جنبه مالقاش تلفونه : تلفوووني وييين شهد مش عارف شن صايرلها
امه ( حميدة ) خشت وعيونها دموع : نضت يا ولدي 💔
سيف : اي يوما تلفوني وين ؟
حميدة : تلفونك ادقدك معاش فيه شي
سيف خبط راسه ع الحيط : به اعطيني تلفونك بندير مكالمة !
حميدة : مش وقتها توا ....طمني عليك
سيف : حالي باهي يوما غير شوي جروح وكسر ف اليد
حميدة : الحمد لله ياربي ؟ قولي كيف صار الحادت
سيف كيف بينوض : تو نحكيلك يوما ! حاول ينوض بس ماقدرش
حميدة : ارتاح ولدي مش وقته توا
سيف حس بحاجة غريبة ومطامنش حاول يحرك رجليه بس ماقدرش💔
وبعدها قام عيونه : يوما ! اني مش حاس برجليا
حميدة شبحت لرجليه : كيييف !؟
سيف حاول يتحرك او حتى ينوض بس ماقدرش : اي يوما مش قادر نحركهم نهائي
حميدة قعمزت وقعدت تحركله فيهم : شنو توا طمنني 💔
سيف تجمعت الدموع ف عيونه : لالا يوما مستحيل ... اني مش حاس بيهم نهائي
حميدة قعمزت تبكي بينما خشت الممرضة ومعاهم الدكتور وقعدو يشوفو ف حالته 💔
_______________

مها ناضت الصبح وقفت قدام المرايا لقت وجهها مطفي وعيونها ذابلات والارهاق واضح عليها لمت شعرها وداراته ديل حصان وطلعت لقت محمد راقد ع الصالون وباين عليه التعب مشت للحمام غسلت وجهها وطلعت للمطبخ ادير ف الفطور ووتت سفرة الفطور ومحمد خش للحمام وبعدها طلع وراسه لوطة ومنزل عيونه ومايبيش يدوي مع مها
مها خدت نفس : خود محمد
محمد منزل عيونه وبدي ياكل بغل ومتنرفز
مها: عارفة انك مضايق مني بس والله اسفة !
محمد مباش يشبحلها وربع اديه : ع شنو انشاء الله
مها عيونها دموع : ع عرفته امس
محمد : اهاا ! توا قصدك
مها بلعت ريقها ومسحت دموعها : قوتلك اسفة محمد اني رح نحكيلك كل شي بالتفصيل
محمد : علاش ماحكتليش من قبل ضحكتي عليا وفوتوها عليا انتي واهلك ولا مايعرفوش
مها : مافيش حد يعرف !
محمد : اهاا ! كاذبة ع اهلك معناها ! تعرفي لو واحد تاني غيري را فنفس الليلة ردك لاهلك او حتى قتلك
مها رجفت مع بعضها ورشفت خشمها : مالياش ذنب اني هوا اللي ....!
محمد سكر وذانه : مانبيش نسمع كله زايد توا بعد ماخبيتي عليا جهزي روحك شهور ورح تكوني عند اهلك وناض وخلاها
مها نزلو دموعها بس اللي برد ع قلبها ان محمد متهورش ومرفعاش لاهلها بعد ماعرف الحقيقة 💔 ومزال يبي يسترها لان رح يطلقها بعد شهور باش الناس ماتقعدش تعيب فاها ويقولو ف حقها كلام مش حلو مع انه صح 💔 نزلت راسها ودموعها ينزلو ع الطاولة

خلي نعرفكم ع مها : مها بنت حلوة وكيوت عيونها خضر شعرها مش طويل ومش قصير جسمها متناسق بشرتها بيضة زي الشمعة  وملامحها بريئة لن خلاص وعمرها 20 س طبعا قصة مها ف يوم كانت ف حوش عمها بايتة مع بنت عمها يلي نصبتلها الفخ 💔
خش عليها ولد عمها واغتصبها ! بنت عمها مادرتش اي ردة فعل اللي دارتاه لبست مها حوايجها وتكتمت ع الموضوع ولا حتى ولد عمها طبعا بعد ماروحت لحوشها كانت ف حالة لا يرثى لها ماقدرتش تحكي ولا كلمة ماقدرتش تقول ولد عمي اغتصبي لانهم مش رح يصدقوها ورح يتهموها ويقتلوها ترجت ولد عمها بأنه يتزوجها ويستر علاها بس ماوفقش ودفها بقوة اتمرمدت انهانت تعرضت لابشع ايام ف حياتها لعند ماجي محمد زي الرحمة اهلها وافقو عليه وبحكم انهم مايعرفوش انها مش بنت 💔 بس هي كانت يوميا تتعذب يوميا عايشة ف رعب من ردة فعل محمد بعد مايعرف 💔
_______________