ذنبي - أحببتك

الحلقة 2

رواية

🔥ذنبي ___ آحببتكك🔥

🔥للكاتبة : Hâbø Wf🔥

الحلقة : 2

سيف اختفتت الابتسامة من على وجهه : كيف؟
شهد تمسح ف دموعها وبصوت كله شهقات : اي كنت اني ساهرة مع بنات عمي وكل وحدة كلمت حبيبها وقاتله نفس الكلام واني لما اتصلت بيك كنت نبي نقولك انه مقلب لكن صار الحادث فجاءة
سيف نزل راسه والافكار ادور ف راسه وبعدها خدي نفس : تمام عادي مادوري شي اللي كاتبه ربي بيصير
شهد : تمام سيف اسفة ع كل شي مدامك مسامحني ! معرفة طيبة 😣
سيف : شن تقولي شهد اني نحبك ! حتى لو فقدت المشي ميشانك مش فارق معاي نهائي
شهد : بس اني يفرق معاي !
حنين تسمعلهم وحطت يدها ع فمها من الصدمة
سيف : شن هوا اللي يفرق .... نعرفك بتقولي مش رح نسامح روحي لان اني السبب ف الحادت متعك واني السبب ف عدم قدرتك ع المشي بس مايهمش يا شهد اللي يهم ان احني مع بعض
شهد : مش هدا اللي بنقوله ......قصدي احني قبل مانحبو بعض كنا صحاب نبيك تفهمني توا الدنيا صعبة لن خلاص ومعاش تقدر تعيش ف الوضع زي توا
سيف : لخصي !
شهد : لازم نسيبو بعض !
سيف تغيرت ملامحه عيونه تعبو دموع بلع ريقه وهوا حاش العبرة خنقاته 💔
_______________

اخلاص تشبحلها ومصدومة حطت اداها ع فمها وطاحت ع الارض :💔
ناجية ( ام اخلاص ) مقعمزة ع السرير وقدامها اللاب توب ومنغير ملابس :(over18)
اخلاص تشبح لامها بصدمة ومش مصدقة يلي قعدا تشوف فيه ناضت وكيف بتطلع تسمع ف صوت راجل يكلم ف امها ع اللاب توب تلفتت وشبحت لامها بقرف وطلعت وسكرت الباب حطت ايدها ع فمها وخشت للحمام سكراته وقفت قدام المرايا تشبح لوجها كان شاحب للن خلاص من أثر الصدمة غمضت عيونها وهي مش مصدقة نهائي فتحتت الشيشمة وتغسل ف وجهها بالمية وبعدها سكرت الشيشمة وحاطة اداها ع حوض الوجه وهي تاخد ف نفس طلعت من الحمام وهي قاعدة حاسة روحها ف حلم قعدا مش مصدقة ان امها بتكون مرا مش كويسة وتخون ف زوجها اب بناتها وولدها
نهى : خيرك انت تقول من ضاربك بالضي
اخلاص تشبحلها : نهى ماتنوضوتيش ع العشي بنرقد
نهى : خيرك شن فيه؟
اخلاص شافت امها نازلة من الدروج وعلامات التوتر واضح عليها
ناجية : خيركم بنات ف حاجة ؟
اخلاص خدت نفس : لالا مافي شي بنمشي نرقد مانبيش من ينوضني بس
ناجية : تمام بري ارتاحي !
اخلاص خشت لغرفتها وهي قعدا مش مصدقة نهائي
نهى : خيرها يوما؟
ناجية : وين نندري علاها!
نهى : اللطف امبكري كانت مافيها شي وتضحك وتلقح
ناجية خدت نفس : نوضي خلى نديرو العشي
نهى : تمام وخشت مع امها للمطبخ
_______________

تيم مقعمز معاهم ف طاولة لاكل
فرح تشبحله ومتوترة وكأنها تستنى فيه يكلمها
الصديق ( بو تيم ) : خيرك !؟ نحسابك بتطلع مع صحابك
تيم شبح لفرح بكره : مصارش !
الصديق : وعلاش شن فيه
تيم : شي ! غير مالقيتش لبسة حرقولي حوايجي
الصديق : شنو ؟ من حرقلك حوايجك
فرح : انا😳
الصديق شبحلها : اهاا ! اكيد منغير قصد
فرح : اي
الصديق : بعدين دولابك معبي شن حرقتهملك كلهم ولا كيف
تيم حط الكاشيك : سفرة دايمة !
وناض من بحداهم وركب لداره
فرح حطت يدها ع خدها وتحرك ف الكاشيك منغير ماتاكل
الصديق : مش عارف خير بلاه الولد اني
صفية ( ام فرح ) : خليه ع راحته مزال ماتعودش علينا
الصديق : ضروري يتعود ! حسيته بدي يضايق فيك يا فرح
فرح قامت عيونها : لالا ف حياته ماجي طريقي ديما منزل عيونه لما نخطم من بحداه😳
الصديق : تي لا ! ولدي نعرفه محترم ؟! لكن نقصد بدي يضايق فيك وهوا معصب ويعيط عليك
فرح : لالا عادي
الصديق : تمام بعدها شبح لصفية : يسلمو ايديك يجنن العشي❤
صفية ابتسمت بخجل : الله يسلمك
فرح تشبحلهم : 😅
______________