رواية
💔🔥ذنبي ___ آحببتكك🔥💔
🔥للكاتبة : Hâbø Wf🔥
الحلقة : 4
سومة طلعت للصالة وخدت نظرة بسيطة فجاءة رعشت لما حد حط يده ع كتفها
سومة تلفتت ترعش وهي تفكر ف كلام مازن امبكري متع تو تشوفي غمضت عيونها ورجعت فتحتتهم لقاته خوها حطت يدها ع قلبها وتلقب ف عيونها بإرتياح : قريب وقفت قلبي !
سليم (خوها) : شن نوضك توا؟
سومة : شي نضت نشرب ف المية شوي سمعت صوت غريب جيت نشوف فيه
سليم : اي ديري بالك ف جنون ف الحوش😂
سومة : نتكلم جد سليم ! امس سمعته واليوم حتى هوا
سليم : تتخيلي يا خوافة
سومة : لا مانتخيلش اني
سليم : اشربي امية واركبي لدارك بتهبلي انتي
سومة ركبت وهي متأكدة انها ماتتخيلش ف شي
سليم عقد حواجبه وشرب امية وطلع
___________
الولد شبحلها وقدم يجري اتجاهاها
اماني حاولت تهرب لكن هوا مسكها وسكرلها فمها بعنف حاولت تعيط بس ماقدرتش ف الاخير قررت تعضه وفعلا عضاته
الولد : يانعن (over18)(over18)(angry)
اماني تحاول تفك روحها : ابعد عليا ماتمسنيش
الولد شدها بقوة ودفها ع الشجرة وحط يده ع فمها : اشش ! مانبيش نسمع منك صوت نهائي
اماني تشبحله وحاطة عينها ف عينه وهوا يتلفت وراه : مانبيش حد يعرف باللي شوفتيه والا مصيرك حيكون زيه
اماني تشبحله وعيونها يلمعو بالدموع وتبلع ف ريقها
الولد ضغط علاها بقوة ومفنص عيونه : فاهمة
اماني تهز ف راسها بخوف وهوا نحا يده
الولد قام صبعه بتهديد : لو نعرف بس آنكك حكيتي حاجة لحد صدقيني مش رح نرحمك
اماني تشبحله كانت نظرته حادة وعيونه فيهم نظرة حقد ونار
اماني بصوت خافت : باهي ليش درت فيه هكي ليييش
الولد تلفتت ويشبحلها بربع عين : ضمي فمك ! وبري خشي لحوشكم خير مانتخلص منك زيه
اماني خشت طول للحوش وهي قريب تصب مصارينها حطت يدها ع فمها وركبت لدارها وهي ترعش اتكتت ف سريرها وحاولت ترقد بس ماقدرتش كل ماتغمض عيونها تتذكر الدم والجريمة اللي شافتها ومش قادرة تقول كلمة💔
_____________
سيف بعد تفكير طويل قرر انه رح ينزل بس اللي وقفه صوت الباب اللي تسكر وشاف حنين راكبة من الدروج ومتوترة وتفاجاءت لما شافت سيف قدامها : سيف😳
سيف عقد حواجبه ف بعض : وين كنتي؟
حنين ابتسمت بخوف : وين بنكون يعني نزلت نشم ف هوا شوي
سيف : حنين الحقيني نبيك!؟
حنين : وين بنلحقك 😳
سيف : لداري
حنين : قوتلك اللي عندي سيف ومشت تجري لحوشهم
سيف : ف حاجة مش طبعية صايرة متأكد اني
_______________
فرح حطت يدها ع فمها باش مايسمعش صوتها: 😥
تيم خش للغرفة وحط تلفونه ف الشحن وبعدها اتكا ع سريره يفكر
فرح مقعمزة ف الدولاب ولا نفس تسمعه منه لن حست روحها رح تنخنق
تيم نح تيشرته
فرح حطت ايداها ع عيونها : لالا ياربي😳 تيم ناض من سريره وخش للحمام غرفته يولع ف المية ع السخون
فرح : هادي فرصتي خلي يخش واني نطلع
تيم خش للحمام وفرح طلعت حطت يدها ع قلبها وخدت نفس لعند ماسمعت صوت مسجات ع تلفون تيم شافت للتلفون والفضول بيقتلها من داخل وقدمت ومسكت تلفون تيم
تيم طلع من الحمام وهوا قاعد مادوشش ولابس غير تشيرته منحيه بس وشاف فرح كيف ماسكة تلفونه
فرح تشبح لعضلاته وجهها بيتقشر من الحشمة 😳
____________
أنت تقرأ
ذنبي - أحببتك
Romanceرواااية تجنن وخيال لأحلى كاتبة habø wf ننصحكم تقرووها لأ بجد حلوى وطبعا رواية ليبية ♥
