رواية
💔🔥ذنبي ___ آحببتكك🔥💔
🔥للكاتبة : Hâbø Wf🔥
الحلقة : 3
امها : قالي كان ماتعطنيش بنتك بنبعتك الفيديو لراجلك 😱
اخلاص تشبح لامها : كيف 😳
امها قعمزت ع السرير حاطة اداها ع وجهها : انقذيني من المصيبة با بنتي😭
اخلاص : كيف ؟ انت السبب بكل هدا ! بابا شن دارلك باش تخونيه بالطريقة القذرة اهيا! طول عمره محترمك ومايضربش فيك ليش لحتى اديري فيه هكي
ناجية تمسح ف دموعها : هوا هاملي طول الوقت شغل شغل
اخلاص : يوما ! عيب اللي تقولي فيه ! بعدين الراجل هدا مستحيل نتزوجه اني
ناجية : غصبا عنك رح تتزوجيه فاهمة ! رح تتزوجيه ميشاني اني
اخلاص : مدامك مش خايفة قبل ليش خفتي توا
ناجية : اخلاص اني امك مستحيل اديري فيا هكي الراجل رح يبعت الفيديو لبوك وقتها نهار اسود
إخلاص : واني تبيني نتزوج واحد شعره ابيض تقول صوف وف عمر بوي
ناجية : هوا اصغر مني اصلا
أخلاص : اني قلت لا يعني مش رح نتزوجه نهائي
ناجية مسكت اخلاص من يدها بقوة : اني امك اللي ضحت هلبا ميشانك ! توا دورك باش اضحي ميشاني
اخلاص : كيف؟ اني نبي نكمل قرايتي بعدين مانتزوجشش واحد مش كويس ومعفن اني
ناجية قربعتها كف : اصص ! ضمي فمك فاهمة ورح تتزوجيه يعني تتزوجيه فاهمة !
اخلاص حطت يدها مكان الكف : لا مانببييش اني مادخليش فيك انتي اللي جيبتاها ليك ماقالك حد تعرضي نفسك للاهانة وانتي ام بنات وولد
ناجية : تردي عليا تاني
اخلاص : اني مانبيش يعني مانبيش
معتصم ( خوها ) يخلط ع الباب بقوة : هي انتم صوتك للشارع را
ناجية خدت نفس وفتحتله : شن تبي؟
معتصم : شن هدا العار يوما !؟ معقولة صوتكم واصل للجيران
ناجية شبحت لاخلاص : اختك مدايرة غلط واني ننصح فيها
اخلاص فنصت عيونها ع وسعهم : اني !؟
معتصم قدم بقوة : شن مدايرة 😡
ناجية دفاته : خلاص ولدي اهو انحل فيها المشكلة
معتصم : غير شن مدايرة
ناجية : شي شي برا يا معتصم
معتصم طلع من بحداهم
اخلاص تشبحلها بصدمة : صار اني اللي مدايرة غلط !
ناجية : ضمي فمك اخلاص !
اخلاص دموعها ف عيونها : انتي ليش مولية هكي يوما
ناجية : تبي العيلة تتفرق كلها ! تبي بوك يطلقني وتعيشو منغيري ! تبي بوك يقعد مع معتصم يلي مش طايقين بعض نهائي ! كيف تبي طعمة الحوش منغيري كييف؟
اخلاص دموعها ف عيونها : به اني شن دخلي ! انتي اللي جبتيها لروحك مش اني اللي قوتلك ديري هكي
ناجية : ضروري تتحملي وراس بنتي ميشاني
اخلاص : بس اني شن ذنبي !
ناجية : ذنبك انك بنتي وضروري اضحي ميشان امك
اخلاص طلعت من دار امها والدموع ف عيونها
_____________
تيم : وووووووووه ياربي وووووووووه
فرح استفرغت لان معاش قدرت
تيم مقبل للجهة التانية وفتح روشن السيارة : غبابير سود وخلاص ! عرفت اصلا منين تصبحت ع وجهك عرفت ان رح تصير مشكلة
وبعدها درس قدام جامع : نوضي
فرح راسها لوطة وتشبحله بإستغراب
تيم : نوضي خشي للحمام وخليني ندبر حل للهم اهوا
فرح فتحتت الباب وهي داخية وخشت للمحمام متع النساء
تيم : شن مداير بس اني شن مداير الهم الاغبر وقربع الباب بقوة ومن حسن حظه كان ف محل مواد تنظيف ! خدي شوية حجات منه ونضف مكان وين استفرغت فرح
تيم : تقول اللي مستفرغ قرد مش بنادم ريحته تقول فصوليا معفنة (sick)
نظف سيارته وكيف طلعت فرح من الجامع
تيم : اي انتي رجعي وخليني اني ف الهم متعك
فرح حاطة يدها ع راسها : اسفة مش قصدي
تيم : اركبي توا نظفت كل شي
فرح : تمام ولما ركبت اتكت ع الباب وغمضت عيونها لان كانت تعبانة لن خلاص
تيم يسوق واستغرب ان فرح ماهدرزتش بكل شبحلها وابتسم ع الجنب لما شافها راقدة وكان شكلها زي الاطفال ❤
______________
أنت تقرأ
ذنبي - أحببتك
Romanceرواااية تجنن وخيال لأحلى كاتبة habø wf ننصحكم تقرووها لأ بجد حلوى وطبعا رواية ليبية ♥
