ذنبي - أحببتك

الحلقة 5

رواية

💔🔥ذنبي ___ آحببتكك🔥💔

🔥للكاتبة : Hâbø Wf🔥

الحلقة : 5

محمد واقف ع البلكونى وكيف بيتكلم شاف سعاد مقعمزة قدام حوشها ف الدروج وتبكي استغرب لن خلاص وقعد فترة يشبحلها لعند ماشاف واحد طالح من الحوش ويجبد فاها من ايدها وهي تبكي ودخلها للحوش
مها : نعم محمد خيرك تكلمت وسكتت
محمد فاق ع روحه : شي ! بس زي ماقتلك المخلوقة هديك مانبيش نشوف وجهها ف الحوش نهائي
مها : تمام
محمد : مش غير كلام وخلاص يا مها ضروري تنفدي
مها ابتسمت لان باين ع محمد كيف خايف عليها : حاضر ☺
محمد : المهم تصبحي ع خير
مها : محمد !
محمد تلفتت : نعم
مها : اني مليت من الحوش ومن كل شي ! وحتى مانبيش نشوف هديك المرا طلعني غدوة
محمد : تمام
مها : شكرا
محمد : ولو
مها مشت لدار النوم واتكت ع السرير فتحتت كتاب نقرا فيه ! متع قصص حب واني حاطة يدي ع خدي نفكر ! هل يمكن ترجع علاقتي حلوة زي قبل مع محمد ! زعما رح نكملو قصة حبنا للنهاية ومحمد رح ينسى اللي صار ! قعدت نقرا ف الكتاب وكيف الولد يغازل ف حبيبته غمضت عيوني واني نتفكر كيف كان محمد قبل مايعرف كل شي 💔
_______________

سومة المرة هادي قررت نعرف شن هوا الصوت كان لازم وضروري نتغلب ع خوفي من الصوت هدا قدمت بخطوات خافتة لعند ماشوفت شاب توسعو عيوني من الصدمة هدا كيف هش للحوش قعدت نراقب فيه شن يدير لعند ماريته يتكلم هوا وسليم خوي بشوية وبنبرة فيها تهديد لخوي وبعدها على صوته وسمعت الكلام اللي يقول فيه
الولد : قسما بالله ! لو نعرف انك من درت هكي ماتلوم كان نفسك
سليم يتكلم بصوت واطي : تي غر اطلع ومعاش تخش للحوش بالطريقة اهيا
الولد قايمة صبعه بتهديد : تسمع كويس سليم ! ورب العز لو نكتشف ان ليك يد بكل شي صار معاي ندفنك وانت حي
سليم بلع ريقه : ياودي اطلع انت
الولد طلع مع سليم لبلكونة المطبخ وطلع
سومة حطت يدها ع قلبها وركبت تجري لدارها : يعني صح اللي كنت نسمع فيه صح مش نتخيل ! زعما سليم شن مداير باش يهدد فيه : ربي يستر كيف سليم يخلي ولد يخش لحوشنا بالطريقة هادي وبين كل افكارها تلوحت ع السرير وهي تفكر : 💔
_______________

تيم : هكي بنرقد اني
فرح : خيرك توا كنت مكسد وتبي تحضر معاي فيلم 😓
تيم شاف لتلفون فرح اللي بدي يرن من جديد وهوا رح يتفجر
فرح ردت ع التلفون : تمام مشكور تمام وسكرت
تيم يغلي من داخل : منهوا المز اللي يتصل
فرح قامت عيونها : هدا الدكتور متع الجامعة
تيم بدت اعصابها تهدا شوي شوي : ووو شن يبي منك
فرح : طلعت اليوم مستعجلة ونسيت مذكرتي شوي قالي اهي عندي
تيم قاعد حواجبه : اهاا ! والدكتور هدا كبير ولا صغير ولا مراهق ولا شيباني وسنونه طايحات
فرح ابتسمت : مش كبير ومش صغير😅
تيم : اهاا
فرح قعمزت : قعمز تيم كان بتحضر
تيم قعمز بعيد علاها بشوي : تمام بنحضر
فرح : الفيلم متع شن
تيم نح الدسكة وركب وحدة تانية : عقاب ليك باش مرة تانية معاش لا تكلمي دكتور كبير ولا صغير
فرح تضحك : وشن هوا العقاب ؟😅
تيم قعمز جنبها وهوا يبتسم : فيلم رعب
فرح : حرام عليك تيم
تيم : لالا ضروري تتحدي خوفك !
فرح ابتسمت وحطت يدها ع الفوشار ومدتله : خود
تيم بدي ياخد ويتفرجو مع بعض :❤
_______________