أسماء بنت عندها 21 عام يتيمة ، طبيبة باحثة ، والديها ماتو ملي كانت عندها 4 سنين ماعاقلاش عليهم مزيان ، كبرت لا حنين لا رحيم عاشت حياتها في الميتم ، قرات و كبرت و خرجت منو ، هي صراحة زويينة قصييورة فيها 150 سنتيم كلشي كايعيط عليها قزومة ، و دبدوبة و مع ذلك فورمتها زوينة و سيكسي هههه ؛ عينين كبار مشفرين عسلين ، فم منفوخ ، حنيكات حمرين و منفوخين ، و شعر طويل ماشاءالله و رطيطب ، هي فتاة طيبة بزاف و حنينة و لكن اللي يجبدها كايلقاها و عطاها سيدي ربي واااحد اللسان طول منها ، كيعجبها تغني و تسمع الأغاني بزاف و مضروبة على المسلسلات التركية هادي هي البطلة ديالنا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أسد: طبيب متخرج عندو 29 عام طوييل 198 سنتيم عريض عندو العضلات السداسية لأنه من محبي الرياضة ، شعر كحل ، عينين عسلين و اللحية و أهم حاجة نضراتو الحادة ، بارد المشاعر ، قاسي ، عندو قاعدة وحدة أنَّ الله اللي كايسمح أما هو غير انسان اللي دار الغلط كايعاقبوا هاكا كبر من بعد ماتوفات الأم ديالو و باباه تزوج ، هواياتو الرياضة خصوصا الحديد ، كان حلمو يولي طبيب وخا هو من عائلة كبيرة و باباه كان فارض عليه يخدم معاه في الشركة و لكن هو فرض رأيو و قرر يكمل في حلمو .
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
●في واحد الدار صغيرة فايقة البطلة ديالنا كاتوجد الفطور أسماء :( كاتعصر في الليمون و كاتغني بصوتها الملائكي) بلا مانخمم و نعقل شديت طريق طويل تايه في صحاري نقلب بالفتيلة و القنديل حيت الزهر ماكاينش مصاب لو كان قليل ، كانشوف أنا راسي ماشي بحال الناس سعدي ديما راغد و غارق في النعاس هادي هي النقطة اللي فيضات الكاس 🎶🎶 وصال : ( داخلا كاتاوب و كاتكسل ) الله يا ختي الصباح هاذا مالك علينا الحزن و الضيم ياك اليوم نهارك اللول في الخدمة خاصك تكون فرحانة أسماء : ( كاتكب أتاي ) شكون اللي كَال ليك أنا مافرحاناش وصال: وراه نتي اللي كاتغني على هاد الزهر المكوز اللي عندنا اووف أسماء : صافي صافي سكر محلي محطوط على كريمة كعبك محني و العود عليه القيمة وصال: وتكَيني تلاقيني لسا بخيري مش هتبقي لغيري أيوة أنا غيري مفيش أسماء : ( دايرة صبعانها فودنيها) سيري الله يعطيك اللية صمكتيني خرية هادي وصال: ( وهي غادة لبيتها ) : تسبيني أكره حياتي و سنيني أتوه و مش هلاقيني و أشرب خمور و حشيش أسماء ضحكات على هبال صاحبتها ، فطرات و خرجت لخدمتها . أما وصال من بعد مادوشات خرجت باش تفطر. وصال: كلبة هادي مشات بلا ماتكَول ليا بسلامة . وصال صديقة أسماء أو بالأحرى توأم روحها كايفهمو بعضياتهم كثر من القياس و عارفين على بعضياتهم الصغيرة و الكبيرة ، عندها 21 عام قرات مع أسماء في الإعدادي و الثانوي و من ديك الوقت و هوما بحال الحلاقم ، مات الأب ديالها مللي كان عندها 13 سنة و الأم ديالها اضطرت أنها تزوج بسباب واحد الدين ، و زوج الأم ديالها كان ديما كايتحرش بيها داكشي علاش مللي شدات الباك خدات الورث ديالها و تعاونات مع أسماء و شراو دار صغيرة و استقروا فيها و دابا كاتقرا الإقتصاد فالصباح و كاتشتاغل في المطعم في الليل ، حتى هي لا تقل جمالا على أسماء حتى هي دبدوبة ولكن هي طويلة على أسماء 170 سنتيم و فورمتها لووز شخصيتها مع الناس سكوتية بزااف و حدودية و حتى هي عطاها سيدي ربي واحد اللسان يااا سلام ولكن مع أسماء كاتولي هبيلة لواحد الدرجة كبيرة .
