لا تبحث عن الشخص الذي سيحل كل مشاكلك .. بل ابحث عن الشخص الذي لن يسمح بأن تواجهها بمفردك.❣
أسماء و أسد دخلو للميتم و في ذاكرة أسماء كتمر كل لحظة عاشتها تما حلوة أو مرة بداو بالفرع الأول اللي كانو فيه الدراري مع دخلو مع صدمة أسد .
أسد:( كيوشوش في وذن أسماء) فين كينعسو ؟
أسماء : في الأرض فين بغيتي
بداو كيعطيوهم الهدايا و الحوايج و الدراري مقادهم فرحة .
طفل : عمي عمي كتعرف تلعب الكورة ؟
أسد : ههه اه علاش
طفل : تاناااا😌 نلعبو برا و غادي نغلبك
أسماء : إلى غلبتيه نعطيك 20 درهم ( و غمزات أسد) ......المغزى بهذه الخطوة اللي دارت أسماء أمها تخلي الدري يربح و أسد يخسر عمدا .
خرجو برا و بداو لاعبين ماتش و أسماء كتشجع الطفل هو فعلا عندو موهبة و لكن للأسف معندوش فرصة . سالا المطش و أكيد الطفل هو اللي ربح .
من بعد هاد المشاعر مشاو للفرع الثاني اللي فيه البنات ، و مللي دخلو و أسماء لون وجها كيتبدل مشات لواحد لبلاصة وقفت و عيطت لأسد .
أسماء : أجي تشوف
أسد: شنو ؟
أسماء : هنا فين كنت كنعس بالضبط .
أسد شدها زيرها عندو حس بالغصة اللي فحلقها.
من بعد ماسالاو الجولة ديالهم اللي كانت سعيدة عند الأطفال و ممتعة عند أسد و حزينة عند أسماء ، تاجهو الأبطال ديالنا بالسيارة .
أسماء : هادي ماشي طريق القصر فين غادين؟
أسد : ا لالة باغي نبقا مع مرتي بوحدنا واش ماشي حقي ؟
أسماء : حقك غير فين غادين ؟
أسد: دار في رأس الجبل
أسماء : احححح واخا
● في القصر :
وصال : الله على بريد
أنس : ويييه واخا كيكون الصهر هاد الجريدة كاتكون مبردة ....... فرأيك شنو غادي يكونو كيديرو دابا ؟
وصال : شكون ؟
أنس : العرسان .
وصال : كياكلو الحلوة 😨 احم احم بغيت نكول في شي ريسطو كياكلو
أنس : لا هوما كاياكلو الحلوة غير هي واش ف الدار و لا ريسطو منعرف .
وصال: أنا غادي نطلع نعس .
أنس : بركي مالك هاحنا مجمعين .
وصال : امممم واخا
● في راس الجبل :
أسماء :( هابطة من السيارة) وااااو باين زوييين
أسد:(شد ليها فيديها) يلاه ندخلو
دخلو للدار اللي كانت ماصغيرة ما كبيرة لكن أقل ما يقال عنها أنيقة ، الألوان هادئة ترابية مع ضوء القمر منظر كيرتاح ليه الخاطر .
أسد: شنو تشربي ؟
أسماء : شيحاجة باردة
أسد: حل الثلاجة اللي ديجا سيفط أنس و عمرها هوا جوج كيسان ديال العصير مشا عند أسماء اللي لقاها ساهية في الشرجم .
أسد: هاني جيت .
أسماء:(الصمت )
أسد: أسماء ؟
أسماء :(قفزات ) حبيبي مسمعتكش
أسد:(قرب منها و باسها في فمها ) ماشي مشكل ( شدها من يدها) أجي معايا
مشاو لواحد البيت فيه الباركو و وسط منو كاينة زعلولة ، برك أسد و جر فوق منو أسماء اللي تكات ليه على كتفو.
أسد: عاودي ليا .
أسماء : حاسة براسي مخنوقة كنت كنتمنى في نهار بحال هادا يكونو واليديا معايا و يفرحوا معايا كنبغي غير نتخيل أنهم معايا مكنقدرش حيت معارفاش حتى الملامح ديالهم .
أسد: شنو كاتعرفي عليهم .
أسماء : والو عقلت على راسي عايشة في الخيرية كاين اللي كايكَول ليا ماتو و كاين اللي كايكَول ليا تخلاو عليك .
أسد: معمرك مفكرتي تقلبي عليهم .
أسماء: نقلب على وحدين ماباغينيش إلى كانو عايشين الله يسمح ليهم و إلى كانو ميتين الله يرحمهم . بيني و بينك عشت طفولة قاسية بزاااف كنت كنتمنى شخص واحد يحن فيا كنت كنتمنى نجرب التعنيقة ديال الأم ، الحنان ديال الأب ، فاش كنت صغيرة و كنت كنشوف ولاد مع واليديهم كنت كنغير منهم بزاااف ( عينيها تغرغرو ) و لكن واحد النهار قررت أنني منبقاش نتأثر بداكشي صف ، ولاو وخا كيكَولو ليا بنت الحرام بحالا شكروني صافي داكشي ولا كيدخل ليا من جيه و يخرج من جيه ، ولكن كنت كنحس ....كنحس براسي بوحدي بوحدي اهئ اهئ ماك.....ماكاينش شي واحد معايا 😭 .
أسد حس بغية فقلبو خشاها في صدرو و زير عليها.
أسد: أنا معاك أنا معاك .
أنت تقرأ
صغيرتي الغالية ❤
Randomأسماء البنت البريئة الطيبة ، أسد الشاب الوسيم القاسي ، كيف سيكون لقائهم؟ (قصة مغربية )
