.
.
.
.
.
طاح الليل و بدات الهموم كاتبان الجو مغيم و الشتاء كاتصب يعني الجو اللي عزيز على أسماء فاقت من النعاس لقات وصال باركة في المرح كاتفرج ، مشات حداها.
وصال: صباح الخير
أسماء: هههه عيت في الخدمة
وصال: (حطات البيسي وضارت عندها و بقات كاتشوف فيها)🙂
أسماء: مالكي
وصال: كانسمعك
أسماء: شنوو
وصال: غادي تدوي وللا. ..
أسماء : اففففف صافي عقتي بيا ملي مشيت للخدمة ..........
وصال: ولد الحرام كانيبال حيوان كلب دحش تفووو حكم عليك بلا مايعرف ظروفك (شافت في أسماء لقاتها ساهية فتحات يديها) أجي
أسماء تخشات في وصال و بداو كيبكيو ، أسماء فينما كتحس براسها ضعيفة كاتمشي عند وصال و العكس صحيح ( الله يدومها محبة)
.
.
.
.
دازت سيمانا ماكاين حتى شي جديد أسماء و أسد في الخدمة ، أسماء عطاتو شبر ديال التيساع و حتى هو باش مايجرحهاش كثر ، وصال و أنس كيطلاقاو غير في الكولوار واحد يخنزر في لاخر ، و نور وعثمان اللي ولاو كيطلاقاو بخبار خوتها للي دخل ليهم لخاطرهم و عز عليهم .
💥أصبحنا و أصبح الملك لله 💥
أسماء فاقت الصباح بكري مشات الخدمة خلات وصال ناعسة أما أسد ففاق ترينا دوش و فطر وخرج للخدمة .
أما وصال فاقت كاتقطع بالوجع قلبات على أسماء باش تعتقها مالقاتهاش
وصال: تفووو خرية هادي (صونات عليها ) ألو أسما فينك ...... واخا ها أنا جاية عندك ..... لا لا ماشي شي حاجة غير الوجع ..... واخا باي (صونات على أحمد) ألو موسيو أحمد ماغاديش نجي اليوم عيانة شويا ....... أمين يا ربي ..... باي
مشات المستعجلات بان ليها أسد بغاتو يشوفها و يجي يدوي معاها باش تعطيه القاصح
أسد:(هاديك خت أسماء وللا كذبت .... مشا عندها) سلام
وصال:(هزات راسها فيه) وعليكم
أسد:(استغرب) بيني و بينك شي ضوسي قديم ؟
وصال: ضوسي؟ هوما راه ضوسيات
أسد:(مال هادي حاقدة عليا) إلى كاتقلبي على ختك هادي راه بلاصت الخدمة
وصال: أنا جاية كأي مريض نتا اللي خاشي نيفك كي البومة
أسد:(بحالها بحال ختها) تفضلي معايا ..... (مشاو الغرفة)
أسد:(كايعمر ضوسي) مادموزيل الغالي شنو ؟
وصال: مادموزيل وصال العالمي
أسد:(استغرب) احم كنت كانسحابك ختها
وصال: بحال داكشي
أسد: ساكنين فدار وحدة ؟
وصال: فيا الوجع ا دكتور
أسد: (وجد ليها دوا و دكَو ليها ) احم ماجاوبتينيش
وصال: اه ساكنين فدار وحدة
أسد: وواليديكم
وصال :( الله هادي هي الفرصة) أنا بابا ميت و ماما تزوجت و أسماء والديها ميتين
أسد:(بحالا تكب عليه سطل ديال الما ) ك كيفاش ؟
وصال: وي وي أسماء كبرت في الميتم (ناضت غادا) دكتور .....
أسد: ن نعام
وصال: عرفتي علاش الله خلق 7 ديال الفقرات في الحلق
أسد: احم لا
وصال: باش تفكر 7 ديال المرات قبل ماتهضر ..... الله يعاون (يلاه جات تخرج تلاقات معا أسماء)
أسماء: صاطا فينك تعطلتي
وصال: صافي راه دكتور أسد قضا الغراض
أسد :(خرج ) أسماء مللي تسالي جي عندي البيرو
أسماء:(كاتشوف فيه غادي) اففففف مال هادا ثاني (ضارت عند وصال ) نتي ياكما كَلتي ليه شي حاجة
وصال:🙂
أسماء: اففففف ا وصال اففففف اش كَلتي
وصال: كلشي 😶
أسماء : الله يعطيك اللية تباتي تمشي و تجي ماتركَدي
وصال: هاهي فيا ☺
أسماء: تفووو عليك تفووو عليك صافي سيري سيري
مشات أسماء عند أسد دقات ، دخلات لقاتو متكي على يدو غير شافها وقف
أسد: أسماء دخلي
أسماء:(دخلات) وي دكتور
أسد :بركي بركي (مشا للكرسي قدامها و برك) بغيت ندوي معاك
أسماء : وي مرحبا
أسد: بغيت.... بغيت زعما.... بغيت نع نعتذر منك
أسماء: علاياش
أسد: على الهضرة اللي كنت كَلت
أسماء: ههه دكتور غادي نكَول ليك واحد الحاجة ماقراوهاش ليك في الكلية إلى خرجت الدفلة من الفم ماكاترجعش (ناضت غادة خارجة حتى وصلت حدى الباب حست بايدو حابساها و نفسو كاتضرب في عنقو )
أسد: ( دورها عندو) نتي أول وحدة اعتذرت منها في حياتي مغديش ترجعيها ليا في وجهي مايمكنش ( بدا كيقرب منها شويا بشويا ، هز ليها راسها بصبعو و بدا كيبوس فيها فالأول بحنية من بعد بدا كيفتارس فمها حتى بداو كايحسو بطعم الدم)
أسماء:(كاتدفعو ولا هو بغا يتحرك) امممم أسد امممم أسد بع بعد ( بعد منها ) واش جهلتي (قاصت فمها لقات الدم) ويلي ويلي هترتي والله تاهترتي واش صافا با لاش بستيني لاش، مرتك أنا
أسد : تقدري تكوني
أسماء : شنو هو ههههه مطلعها عليا
أسد : أسماء أنا عمرني ماقدرت نقرب من شي بنت كانو كيجيوني كاملين بحال بحال كلهم قحاب ملي شفتك نهار اللول حسيت بيك مختالفة كلشي فيك مختالف مكنقدرش نتحكم فراسي مللي كانكون حداك
أسماء: ( قلبها بدأ كي ضرب مي تجاهلت داك الإحساس بغات تكَول ليه حتى أنا كنبغيك ولكن مقدرتش ) ع عافاك بغيت نمشي (دفعاتو ، حلات الباب و خرجت )
أسماء:( خرجت كتجري و مشات للحمام ) اهئ اهئ مابغيتش (كاتنش على راسها باش تنفس) اففففف اففففف
أما أسد ملي خرجت أسماء حس بالدوخة برك و هو ماعارفش واش هادشي للي دار صحيح و لا غالط
•في القصر :
أحمد: اش كاتقول اسي علي اش شي ل شي
علي : سي أحمد هضرة وحدة راني كَلتها
أحمد : لا حول ولا قوة إلا بالله أنا منقضر نكَول ليك والو أسد هو اللي يحكم
علي : ايه ماقلتي عيب عيط ليه يجي و نشوفو
أسد بارك كايفكر حتى صونا عليه باه
أسد: ألو الحاج ياك لاباس
أحمد : والو باس ا ولدي ، جي للقصر الله يرضي عليك جا عمك علي بغا يدوي معاك
أسد: قربت نسالي خدمتي و نجي
أحمد : واخا ا ولدي
أسد ناض كمل خدمتو مابانتش ليه أسماء حتى كان خارج عاداباش شافها
أسد:(مشا جيهتها) احم أسماء أنا غادي نمشي فكري ف هضرتي مزيان باي(باسها في حنكها )
مشا أسد للقصر دخل و سلم على باه و سي علي
أسد: عمي كيف راك باقي متبع دواك ياك
علي : أودي ا ولدي راك عارف دوا راه كيفوت علينا غير الآلام أما المرض راه كاياكل فينا شويا بشويا
■سي علي هو صديق سي أحمد كان معاه من الطفولة كبرو بحال الخوت كان مشا لفرنسا تزوج تما ب هيلينا اللي كانت خانتو و طلقو كان ولد معاها بنت سميتها لينا من قبل سنين كتاشف أنه عندو السرطان كان أسد اللي وقف معاه .
أسد: عمي راك عارف المرض ديالك للأسف
علي : ولدي أنا جيت ندوي معاك ف موضوع آخر
أسد: مرحبا ياك لاباس
علي: ولدي راك عارف المرض اللي عندي و فأي لحظة يقدر يدي مول الأمانة أمانتو ، شوف أودي أنا عندي بنية وحدة اللي نكساب ماعندها حد بغيتك أولدي تزوج بيها
أسد:( ماعرف راسو باش تبلى عمو عزيز ولكن ماقدرش أول واحد فكر فيه هي أسماء لا لا ميقدرش ) عمي عارف راسك عزيز عليا و بنتك غالية عندي و لكن حياتي الشخصية منقدرش نبنيها على قبل سعادة شخص آخر ، طالما لينا في المغرب غادي نحميها كيفما كانحمي نور و من غير هادشي لا .
علي : أولدي شنو غادي نقول ليك اللي بان ليك
أسماء وصلات للدار دخلت دوشت و بدات كاتوجد الغدا
أسماء:(كاتغني ودمعة فعينيها) في جوة قلبي حاجة مستخبية كلما باجي أقولها فجأة مش بقدر قدامي عينيك بقف و بنسى ايه يتقال ليه كل مرة يجرى فيها كدة ليا ودي هي كلمة وحدة بس مش أكثر و الكلمة دي عندي فيها راحت البال ، حبيتك يوم ما تلاقينا لما حكينا أول كلام حبيتك و احلف على ده تسمع زيادة أما مش بنام🎶🎶🎶🎶
وصال:(باركة في الطبلة ديال الماكلة) كتبغي أسد
أسماء:(قفزت من بلاصتها حيت محستش بيها ايمتا دخلت) هييييه خلعتيني ايمتا جيتي
وصال: مللي كنتي كاتغني لأسد
أسماء:(بركت حداها) اففففف ا وصال اففففف
وصال: عاودي ليا
أسماء :.....................
وصال: هو كيبغيك و نتي كاتبغيه مزيان هادشي زوين شنو اللي مقلقك
أسماء: وصال أنا بغيتو يبغيني أنا يبغي شخصيتي ماشي يبغي جسدي و جسمي ، الحب ماشي هو أساس الزواج ، الزواج هو مودة ورحمة و احترام عاداباش الحب و أنا ماعارفش واش أسد فيه هادشي
وصال: أسماء خودي الأمور ببساطة متعقديش الأمور تبعي قلبك ماشي عقلك
سرررررر سرررررر (تيليفون أسماء كيصوني )
أسماء :أسد اللي كيصوني
وصال:جاوبي
أسماء : ألو
أسد: أسماء صافا؟
أسماء: الحمد لله مغسي دكتور
أسد: مساليا عشيا؟
أسماء: تقريبا علاش
أسد: نقدرو نتلاقاو بغيت ندوي معاك
أسماء : (بتردد) ااا
.
.
.
.
.
.
.
يتبع .......❤
أنت تقرأ
صغيرتي الغالية ❤
Randomأسماء البنت البريئة الطيبة ، أسد الشاب الوسيم القاسي ، كيف سيكون لقائهم؟ (قصة مغربية )
