💥أصبحنا و أصبح الملك لله 💥
أسماء فاقت مرتاحة الحمد لله فيقاتها وصال اللي دارو روتينهم الصباحي و نزلو باش يفطرو .
وصال / أسماء : صباح الخير
الجميع : صباح النور
أحمد : كيف صبحتو؟
أسماء : الحمد لله ا عمي ربي يخليك
وصال : عمي راه غادي نمشي ليوم الشركة على قبل العقد اللي غادي نديرو مع هادوك الإيطاليين
أحمد : اه فراسي ضروري نجي وقيلة
أنس : لا لا الحاج حنا نقديو الغراض يلاه ا وصال .
وصال: يلاه ، المهم أسماء مللي نجي نمشيو باش نشريو داكشي اللي خاصنا .
أسماء : اه واخا غادي نتسناك الله يعونكم .
كل واحد ناض لخدمتو ، أنس و وصال للشركة ، لينا طلعت لبيتها ، عايشة الكوزينة ، أحمد طلع للبيرو ، أما أسماء مشات للجردة و تبعها أسد .
أسد: أسماء
أسماء : نعام
أسد : احم البارح كنت شوية معصب و دويت معاك بطريقة خايبة شويا سمحي ليا .
أسماء :( صمت)
أسد: (قرب منها و شد ليها في يديها) شوفي غدا العقد مبغيتش نكونو مخاصمين خاصة فنهار بحال هادا .
أسماء: كان عليك تفكر فهادشي البارح
أسد: عارف و صافي (باسها في حنكها ) يلاه عافاك متدريش هاكا
أسماء:(شدات ليه فحناكو) مرا اوخرا إلى تقلقتي و بغيتي تبقا بوحدك جي عندي كيف كدير ديما ماشي بحال لبارح هاد المرا سمحت ليك مرا اوخرا للا .
أسد : واخا ا ماما 😅
أسماء : ههه مجنون
أسد: (جرها عندو) بيك ، دابا كاينين غير بوحدنا ياك ندير اللي بغيت .
أسماء : (دفعاتو) لواه البعابع بعد مني (ومشات ) .
●في الشركة:
فرانكو: Saremo comunque d'accordo ( غادي نبقاو على الإتفاق ديالنا )
أنس: Ovviamente ( أكيد)
فرانكو : Perché questa bellezza non ha mai parlato؟ ( علاش هاد الزوينة مادواتش معانا )
أنس: Perché non capisce l'italiano (مكتفهمش الإيطالية )
فرانكو : È davvero bella, non ho mai visto una bellezza come lei prima ( راها زوينة بزااف عمرني مشفت بحالها في الزين )
أنس : Grazie per la tua presenza (احم شكرا حيت جيتي)
ناضو كاملين كيسلمو على بعضياتهم و تافقو على عشاء جماعي ليوم بليل باش يحتافلو بالعقد و عينين فرانكو مفارقوش وصال اللي مللي بركات و هي حاسة براسها ممرتاحاش .
وصال: شنو كَال ليك في اللخر حتى تعصبتي هاكا .
أنس : ماشي شي حاجة المهم متنسايش العشا ليوم و عافاك لبسي شي حاجة مستورة
وصال: علاش زعما ؟
أنس : صافي ديري اللي بغيتي يلاه نمشيو .
دازت لعشية اللي أسد كان كيقرا فيها ترينا شويا و وجد راسو حيث غدا العقد ، أنس حتا هو قرا شويا مشا ترينا دوش و وجد راسو على قبل العشا و بقا كيتسنا في وصال ، أسماء و وصال مشاو شراو الحوايج اللي غادي يخصوهم و رجعو للقصر ، أما لينا فكانت كتخطط باش هاد العقد ميدارش😈 .
في القصر :
أنس : على السلامة يلاه طلقينا غادي نبقاو نتسناو.
وصال: واخا واخا ربع ساعة نلبس و نكون واجدا
أسد: أسماء أجي
أسماء : هاني
أسد: اش هاد الوقت فين كنتي دايعين
أسماء : لا غير هنا ، وليتي كتبان زوين
أسد :( شدها من خصرها و ورك) مرا اوخرا لبسي مقاد عاداباش خرجي هاد اللبس راه بدا كيقلقني
أسماء : احم واخا
أنس : وصااال و يلاه .
وصال: هاناااا .
وصال هابطا بحال شي أميرة مللي شافها أنس شداتو الدوخا.
أسماء : اححححح تيتيزة ديالي .
وصال : 😌😌
أنس : ( كيوشوش فوذن وصال) هادشي غير وصينا زعما اففففف يلاه نمشيو .
أسد: كيغير عليها
أسماء: كيفاش ؟
أسد: كيغير عليها و الغيرة تساوي الحب يعني أنس كيبغي وصال .
أسماء : أنا كنت شاكة و لكن نتا دابا أكدتي ليا هههه
أحمد : وليداتي
أسد: بابا خاصاك شي حاجة ؟
أحمد : لا أولدي أنا و عايشة غادي نمشيو نشوفو شي ناس عارضين علينا للعشا
أسد: واخا الله يعاونكم ...... أسماء أنا غادي نطلع للبيرو نكمل القرايا .
أسماء : ناري ا خويا نموت و نعرف اش كنقرا ياك التخصص ديالك شديتيه اش مازال كتقرا
أسد :زين ديالي القرايا مكتساليش و ثانيا أنا أن شاء الله غادي ندير البروفيسورا.
أسماء : اففففف تبارك الله أنا العام الجاي خايفة منو.
أسد :ماتخافيش أنا غادي نقريك .
أسماء : اه واخا هههه ان شاء الله.
●عند وصال و أنس :
أنس : 😡
وصال : بس بس مالك ؟
أنس :(الصمت)
وصال:مالك ؟
أنس : ماليش
وصال: واخا ☺
وصلو الشباب المطعم اللي لقاو فيه فرانكو و راجل آخر .
فرانكو : ( لأنس ) Ciao, come stai? Ho onorato il posto ( سلام ، كيداير ، شرفتي المطعم )
أنس : Grazie (شكرا )
فرانكو :(لوصال) Hello, how are you my beautiful dear ( سلام كيدايرا ا لغزالة) ( باس يديها)
وصال: fine thanks ( لاباس شكرا )
فرانكو : per favore (تفضلوا)
●في القصر:
دق دق دق ✊
أسماء : دخل
لينا: سلام
أسماء : لينا ؟
لينا : ندخل ؟
أسماء : تفضلي ، خاصاك شي حاجة ؟
لينا : شنو كديري ؟
أسماء : كنقرا واحد القصة
لينا : مزيان ، امممم
أسماء : وي تفضلي
لينا : متأكدة من القرار اللي خديتي
أسماء : اشمن قرار ؟
لينا : الزواج من أسد
أسماء: يمكن هادشي كيخصني أنا
لينا : اهاه و لكن كنظن أن أسد ممعاودش ليك كلشي حيث كون كان معاود ليك كلشي مكنتيش غادي تعاملي معايا هاكا .
● عند وصال و أنس :
وصال: أنا شبعت سمحو ليا غادي نوض للحمام .
فرانكو: ?per dove (فين غادا؟)
أنس : Il bagno ( المرحاض )
فرانكو :ooooh anche io (اووه حتا أنا )
●في القصر:
أسماء: حبيبة أنا عارفاك لاش باغا توصلي و داكشي اللي باغا ماغاديش يكون .😊
لينا : واخا ا لالة
لينا خرجات من الغرفة و وقفات في الدروج
لينا : أسماء شنو كديري بعدي مني واش حماقيتي خلينا غير ندويو عنداك غادي نطيح أسماء عنداك اااي اااي ااااااااااااااااه (لاحت راسها من الدروج)
● في مرحاض المطعم :
فرانكو : my pretty (زوينة ديالي)
وصال: ااه اووف خلعتيني what do you want (شنو باغي)
فرانكو : you ( نتي )
وصال :? Can you get out ( تقدر تخرج برا)
فرانكو :(بدا كيقرب منها كثر و كثر ) You are mine (نتي ديالي )
وصال: شنو بعد بعد امممممممم (سد ليها فمها بيديه)
وصال حاولت و حاولت باش أنها دفعو و لكن للأسف القوة ديالها خانتها. 😔
"لا أحد يعلم ما أصابك ، ولا أحد يعلم كيف هي معركتك مع الحياة ، وما الذي زَعزَع أمانك وقَتل عفويتك ، وكم كافحت وكم خسرت ، لا أحد يعلم حقًا مَن أنت إلا الله ، فلا تشتكي إلا له ولا تطلب المساعده من غيره ."♥
يتبع .......❤
أنت تقرأ
صغيرتي الغالية ❤
Randomأسماء البنت البريئة الطيبة ، أسد الشاب الوسيم القاسي ، كيف سيكون لقائهم؟ (قصة مغربية )
