.
.
.
.
.
.
ليس تفاؤلًا من عالم الغيبيات، لكن على الإنسان أن يؤمن بنفسه أولا، ثم يحيط ذاته بالمؤمنين بالحياة وبالعمل. أولئك الذين يدركون أنّ الحياة ما زال فيها الكثير من الفُرص.💛
◇بعد أسبوع وصال بدات كتصح ، ولات كتقدر تحرك ، أسد و أنس تقريبا يوميا كانو كيمشيو عندهم أسد و أسماء كيبقاو بوحدهم في الحب و الغرام و أنس و وصال في شد ليا نقطع ليك ، أما نور و عثمان فعلاقتهم غادة و كتحسن نور بدات كتقتانع بفكرة الزواج ، هاد النهار غادي يكون مختالف بزاف ديال القرارات غادي يتقرو فهاد النهار ........
أسماء (كتصيب الفطور ) كل اللي بحبو لقيته فيه عجباني اوي شخصيتو أحكي عليه ايه وللا ايه عن شجاعتو و جرأتو ، هو الله أكبر عليه يتحسد على رقتو اللي في ايدو كمان مش ليه من كرمو و حنيتو🎶
وصال:( جاية للكوزينة كتعرج ) صباح الحب
أسماء: صباح الخير لاش نضتي ا صاطا كنت غادي نجيب ليك الفطور
وصال : باراكا عليا من الفشوش نتحركو شويا راه رزمت تما والله .
فطرو البنات في جو من الحب و النكَير هههه هادي هي علاقتهم .
● في القصر :
أسد:( على طاولة الإفطار) احم الحاج بغينا ندويو معاك فواحد الموضوع
أحمد : ايه مرحبا
نور : احم بابا .... انا صراحة دابا هو الموضوع أنه واحد الدري باغي يتزوج بيا و بغا يدوي معاك 😶
عايشة : اويلي اش سايرة تكَولي نتي الصغيرة يعني نتي اللخرة اللي غادي تزوجي .
أحمد: عايشة متدخليش عافاك ، مرحبا ا بنتي يجي في أي وقت .
نور: ان شاء الله ..... أنا غادا للمدرسة
أنس : انوصلك غادي نمشي نيت للشركة
نور : واخا
▪كل واحد مشا للخدمة ديالو ▪
أسد: ...... إن شاءالله غير تبع هاد الدوا غادي تولي مزيان
المريض : الله يرضي عليك
أسد: أمين .... الله يعاون
•أما أسماء في المستعجلات طلبو منها توصل واحد الميت ل morte دفعات شاريو اللي فيه الميت للسانسور ، دخلات بيه يلاه هبطو شويا و هو يتبلوكا بيهم و تقطع ضو ، حست بالخنقة و الخلعة خاصة و هي مع واحد ميت .....
أسماء: (مغمضة عينيها) يا ربي يا ربي عتقني اش جابني لهاد المصايب يا ربي ، ااااااااااااااااه 😲😨
حست أسماء بشي يد شداتها غوتات ربي اللي خلقها و هي ما فاهمة والو ، حلت عينيها و هو يبان ليها ضو شاعل و أسد بارك على ركبتو و هاز خاتم.
أسد: ههههههههههه أسماء تقبلي تزوجي بيا هههههههه
أسماء : نتا نتا ك ك كيفاش ت ت تفو تفوووو تفووو عليك ح حرام عليك .
أسد : ههههههه منقدرش نحبس الضحكة ههههه مايمكنش دابا كَولي تقبلي تزوجي بيا
أسماء : لا لااااا كنت باغا دابا لاااااا
أسد: هههههههههه فكري مزيان
أسماء : ( بركات فوق شاريو) خرجني من هنا عافاك
أسد خرجها و هو ميت عليها بالضحك و هي كاتميقو بعينيها غير بركو و يكَول ليها
أسد: بالصح ماباغاش تزوجي بيا
أسماء : ههه اويلي لا راه كنت مخلوعة اكيد باغا ولكن واش ماحاسش بأننا زربنا شويا
أسد: أنا منقدرش نبقا رابطك هاكا معايا ضروري نتزوجو و أصلا ماخاصنا والو الحمد لله
أسماء : أسد واحد البلان خاصك تعرفو
أسد: شنو هو ياك لاباس
أسماء : لا والو باس غير بالنسبة للعرس
أسد: ندير لحبيبتي أحسن عرس في الدنيا
أسماء : هادا هو المشكيل ، أنا ماباغاش العرس
أسد: مفهمتش
أسماء :انا صراحة بالنسبة ليا العرس ماليه حتى شي معنى من غير ضياع الفلوس ، كتصرف و تمحن و فاللخر تاواحد ماعاجباه شي حاجة ، بالنسبة ليا هادوك الفلوس نتبرعو بيهم حسن ، شو رأيك ؟
أسد :(ساهي فيها) 😍
أسماء: كوكو أسد فين مشيتي
أسد: ميمكنش ، أنا مكنتش متوقع أن شي نهار غادي نلقا شي وحدا كتفكر بحالي هاكا
أسماء: ههه الحمد لله بعدا أنك كتفكر بحالي فهاد الموضوع .
● عند نور وعثمان قدام ليسي
نور : احم حبيبي أنا دويت معا بابا
عثمان : كيفاش؟ فاش ؟
نور : هههه علينا
عثمان: شنو اللي علينا
نور : عثمااااان
عثمان: لا لا حلفي حلفي حلفي كَولي والله لا لا ميمكنش ناري غادي نغوت هههههههه
نور: اويلي لا سكت سكت عافاك الشوهة ههههه المهم عشيا نتلاقاو و نعاود ليك بالتفصيل
عثمان: ههه واخا ان شاءالله يالاه سيري و جمعي راسك ماتخلي حد يدوي معاك هاودني منك
نور: صافي واخا كون هاني
♤جا الليل و جاب معاه الأحاسيس المختلفة كاين العاشق كاين المخدول كاين الحزين ..... العديد من المشاعر المبعثرة ♤
وصال :(داخلة للدار) اسمااااا ها أنا جيت و جبت معايا الماكلة
أسماء :(خارجة من بيتها) تانا والله ماصاوبت العشا أري نحوطو سيري بدلي حوايجك و جي ...... أجي بعدا ياكما عيتي في الخدمة راك باقا مريضة
وصال : لاااااا أصلا مدرت والو عطاوني غير الخدمة السهلة ، وراه من غدا غادي نرجع للشركة حتى هي
أسماء : ان شاء الله
●في مطعم :
عثمان : الحمد لله مللي تفهم الوضع
نور : ههه بابا ضريف والله
عثمان : امتى نتلاقا معاه
نور: هاك نمرا ديالو دوي معاه و تافقو
عثمان: حتى هاذا حل ...... متوحشتينيش 😉
●في الدار عند البنات .
أسماء: يا ختي هاد الدجاج شحال بنين .
وصال: حيت مامطيباهش و أصلا نتي كيعجبك دجاج
أسماء : اه بزااف ...... صاطا بغيت نكَول ليك واحد الحاجة
وصال: شنو
أسماء: دابا هو البلان ... دابا ا نكَول ليك ... دابا صباح
وصال: تي مالك كتفتفي دوي خلاص
أسماء: أسد طلب مني زواج
وصال: ك ك كيفاش وااااايلي امتى ؟ كيفاش ؟ عاودي ليا من اللول و بالتفصيل ناااري مصورش
أسماء : اويلي على يصور طه ايسو حنا
وصال: واعاودي ليا
أسماء : دابا أنا كَالو ليا ..............
وصال : ناااااري على مصخووط دابا واش نتي بصح غادي تزوجي
أسماء : ههههه اه ولكن غادي نديك معايا
وصال: صافي ا نتزوجو بيه بجوج
أسماء :😑😑
وصال: غير ضاحكة اويلي راجل ختي هاداك
أسماء : وأنس ؟
وصال: احم مالو
أسماء : شتو حط عليك كَاع داك الضد وللا حب
وصال: تي اشمن حب راه غير كيحس بتأنيب الضمير .... المهم أنا غادي نمشي نعس
أسماء : هربي هربي تصبحي على خير
● في القصر :
أنس : هي دابا غادي تزوج صافي ؟
نور:(يلاه جات ، دخلات لقات الدراري مجمعين حدا لابيسين و مشات حداهم ) سلااام
أسد: هاي هاي هاي على ست الحسن يلاه داخلة
نور: راه كنت غير مع عثمان
أسد: نهار تديرو العقد ديك الساعة ماكاين اللي يتحاسب معاك أما دابا راه باقي الوقت
نور : صافي صافي واخا
أنس : شتك نتي بقيتي مكَابلة هاد عثمان و نسيتي قرايتك
نور : واباراكا عليا نتا القرايا أسد القرايا عثمان القرايا بابا القرايا المدرسة القرايا عيت والله
أنس : بركي بركي و باراكا من الفشوش
أسد: يلاه كنت كاندوي مع أنس على واحد البلان
نور: خير ان شاء الله
أسد: عقلتي على أسماء المساعدة ديالي
نور : امممم😎😉
أسد : بلا منزيد نكمل ياك
نور: غادي تزوجو
أسد : اه
نور : احححححح مرت خويا تيتيييزة ، أنس باقي غير نتا و دبر لينا على شي تيتيزة حتى نتا
أنس : (بصوت خافت) وراه هي هكاك
أسد: شنو كَلتي
أنس: لا والو نسا
.
.
.
.
.
"ابحث في أعماقكَ قليلاً، و ستجدُ أنكَ تعلمُ هذا، تعلمُ أنكَ قادرٌ على هزِ النجوم، و تعلمُ أيضاً أنكَ تستطيعُ فعلَ أيِّ شيء، و كلُّ ما عليكَ هو المحاولةُ فقط " 💛
يتبع .......❤ رأيكم يهمني .
أنت تقرأ
صغيرتي الغالية ❤
Randomأسماء البنت البريئة الطيبة ، أسد الشاب الوسيم القاسي ، كيف سيكون لقائهم؟ (قصة مغربية )
